ZAKINIU 11:9 - BAIBEL (BSI)

⁹ Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

Sumi Naga CL (Re-edited) Bible (BSI)

⁹ eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

ZAKINIU 11:9 ပူးပေါင်းရင်းမြစ်များ

IPEKULU 20:12

“Opu ngo Oza gihulo, tishianguno ino otsu akeu yeghilo noye axushulu penike.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

AHOLE 10:27

AMPEU gholulo eno noye axushu nani. Kixikilamiye akithido tomphi lono thive cheni.

AHOLE 3:16

Alokutsuno axukushu otsu ani eno tipa mtsa kinikulu ngo agigihu ghi tsucheni.

AHOLE 3:2

Ino kutsupiye keuno kinikulu eno axukushupu otsu nani.

AHOLE 9:11

Alokutsuno akuxulo ampe kutomo sukuphatsu nani.

EZEKEL 20:6

Tithiuno ino Ijip lono panoqo saipeghini keu eno panoqo sasu ino kishepua keu yeghi, kinikulu eno aghumakua yeghi, ayeghi kumtsu nguno akiviulo sawunikeu tushoqhike.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 11:10

Nonguno ngoluveniye kuto akeu yeghiye puzuu nonguno xuachekeu Ijip yeghi toimo ke. Tilauye apiti yisu kelo nongu ye alulo azu sunike ghenguno aka aveshi mla cheke;

ZAKINIU 11:21

Tishi aye nongu ghi eno nongu tianuliqo ghi AMPEU nongu Lhou no nopuasuqo tsunikeu shi tushoqhive keu yeghilo ado kushua axu shulu nanike. Ayeghi ngo atsutsu ake kutolo nonguye tile xu achelu nanike.

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

ZAKINIU 5:16

“‘Opu oza gihulo, ni AMPEU nongu Lhou no ahza tsuke toi shilo tishianguno noye thwokha kumtsu akivipu shilu peni eno ino nongu tsuakeu yeghilo nonguye axushulu penike.

ZAKINIU 5:33

Tipaqo kumtsu pelulo tishianguno nongu lau thwokhalo akivishi alu penike eno tishi keu lono nonguno qhasuluniye akeu ghakhulo xu alukepu shinanike.”

ZAKINIU 6:18

AMPEU no kiu pesu achipi eno alo pi cheni keno tipau shilo eno nonguye thwokhalo akivipu shilu nanike. Nonguye AMPEU no nongu puasu vilo tushoqhivekeu aghuma yeghi pesu amheghi shilu nanike,

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 6:3

Israilmiqo, tipaqo inino papelo! Tishiaye nonguye thwokhalo akivipu shilu nanike eno AMPEU ningu puasu Lhou no tushoqhive keu tholono nonguye akughushu shiayeh lakhi shilu nani eno kinikulu ghuma yeghi lo xulu nanike.

ZAKINIU 8:7

AMPEU nongu Lhou no aghuma yeghilo nongu sailoghini cheni, ayeghi tipauye aghoki eno azupuki akeu eno ayeghiqhou zupukino akhila ngo naghutoqolo mpa ipeghikeu ke;

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.