ZAKINIU 11:24 - BAIBEL (BSI)

²⁴ Nonguno khipa qha shou chesu wuni keno tipaqo kumtsu nowu shive nani. Nolughiye apeu asayeqha lono ahuu Libanon naghuto kutolo qhawo nani eno kipelau Eufrati ghoki lono kulolau Mediteriya Zughi kuto shinani.

Sumi Naga CL (Re-edited) Bible (BSI)

²⁴ Nongu pukhu no khile nesüni keno nonguw shive nani. Nongu lughi ye asayeqha lono Lebanon kutolo qhawo nani, eno Euphrates ghoki lono kulola züghi kuto shi nani.

ZAKINIU 11:24 ပူးပေါင်းရင်းမြစ်များ

KUKAMI ATUGHIU 4:21

Solomon kukaphu huno Eufrati ghoki lono wo Filistiya eno Ijip lughi kutolo ashiayeh khijehi anikeno ti kumtsu qhachho wove. Panonguno zahme patsu eno pano xu ake kutolo pawu timi shilu khave.

KUKAMI ATUGHIU 4:24

Solomon no Eufrati ghoki kulolau lono huthu susu Tifsa lono Gaza kuto ayehpeche. Eufrati kulola kudau akemi kukami kumtsuno pa qholo ache eno pano achexu lo aghakhu kumtsu sasu kulashi ache.

YEKIKITHI AKINIU 9:26

Eufrati lono Filistiya ngo Ijip lughi ghakhu qhalo Solomon no kukami kumtsu nguno ayehkipeu akughushuu shi acheke.

IPEKULU 23:31

Ino noyeghi lughi pelo Aqaba Zukichikha lono Eufrati Ghoki kutolo eno Azughi kije lono Asayeqha kutolo pekhowolu penani. Ino nongu pelo tipa yeghilo kughuna akemi shou akuka alupe nani eno nonguno azuu haighi keulo panoqo hapheluve nani.

JOYIL 2:20

Ino tulhaqu loji ahuuno ighikeu ikhive nani eno tipaqo hamiye asayeqha lo hasuve nani. Tipaqo tughiu shichekemiqo Akithi Zughilo hasuve nani, Tipaqo thikucholo chekemiqo Mediteriya Zughilo hasuve nani. Tipaqo kithi kumono tsumunashui nani. Ino panoqo kutsave nani, tiye panoqono nongu shou shipuakeqo ghengunoke.

ZAKINIU 1:7

Aghazu xavelo eno iqe wuvelo. Amarimi naghuto qhalo eno tokujo kumtsulo wulo-Jodan khilalo, naghutoqha kudau eno Mediteriya Zughi sukumxalo wulo. Kanan yeghilo eno Libanon naghutoqo hechesu aghoki kije Eufrati kutolo wulo.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 12:20

“AMPEU nongu Lhou no nolughi pekhovetsu kelo, pano tushoqhive ketoi, kughokughomu nonguno ashi chunishiaye chulu nani.

ZAKINIU 34:2

Naftali ghakhu kuchopu; Efraim ngo Manase ghakhu; Juda ghakhu kulolau Mediteriya zughi kutolo;

JOSHUA 14:9

Muse no tipa tsala lono piqhike, ‘Nono khipau yeghilo nesukeno kuchouno pesu no eno otianuqo mheghi shivetsuni kughengu nono AMPEU Alhou akimtheshi papeke.’