ZAKINIU 11:17 - BAIBEL (BSI)

¹⁷ Nonguno tishive aye AMPEU ye nongu shou aloghu ideve nani. Pano tsutsughu suchileluve nani eno axaboqoye ayeghino qhaiveno thuwumove nani. Ayeghi nongu tsuniye akeu yeghiye akivi shi anamu nonguye tileno itheno thive nanike.

Sumi Naga CL (Re-edited) Bible (BSI)

¹⁷ tikumo aye, Ampeu no nongu shou amloideve no tsütsüghu süchile luve no ayeghi no axathi pithi move nani, eno nongu ye Ampeu no nongu tsüniye akeu aghüma kivi yeghi lono pai püghave nani.

ZAKINIU 11:17 ပူးပေါင်းရင်းမြစ်များ

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 8:35

Owu timiqono omithighi axine shiveke ghenguno kughou nono tsutsughu lakhaveni keno panonguno amlo xaideghino Akumllaki hipau lau jupuwono, akumtsha shi ovilo inikhu aye

YEKIKITHI AKINIU 6:26

Kughono owu timiqono ozulo pimiveno nono atsutsu khaveno tsughuqhi tsumoveni keno, tsala panonguno axine lono xaide ighino achineki kudau jupuzu khoqhunhepe ovilo inikhu aye,

YEKIKITHI AKINIU 7:13

Kugho kughomu ino tsughuqhi pemoveni momu tulhaqu puwu puzu axatsuni chuve peni momu iwu timiqo shou asagha puwuni keno,

JOB 12:15

Pano azu khathaluve aye, tiye qhaive cheni, pano pheve aye tino ayeghi yimuve chenie.

ACHINE 26:19

Ino nongu qhekuza kumobei akeu kuboleve nani; tileno tsughumove nani eno ayi kumka toi noghakhuye qhaive nani.

ACHINE 26:20

Nonguno akuaveshi mlakeu kumtsu adou shive nani kughengu noghakhuno axabo ipeghimo nani eno asuboqono axathi pithimo nani.

AMUS 4:7

Nongu xaboqono tsutsughu avehupu shikutu akelo ino tsutsughu suchileluveke. Ino aphughi lakhilo tsughutsu ikemu lakhiu loye lakhaveke. Alu lakhiloye tsughusupe ikemu alu lakhiu loye qhai vepeke.

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

ZAKINIU 6:15

Nonguno kutau lhouqo mlla aye AMPEU loghuye ami toi nongu shou ighi nani eno qhoi nongu kutsave nani kughengu AMPEU nongu Lhou khuu nongu gholo ani keno paye pa suxakemi qhimo nanike.

ZAKINIU 9:19

Niye AMPEU loghu kighide musaveke kughengu paye nongu kutsave nike muqhumsauveke; ikemu itaghi AMPEU no itsa initsuke.