ZAKINIU 11:13 - BAIBEL (BSI)

¹³ “Tighenguno ishi tsalalo ino ahza nongu tsuakeu pelulo; AMPEU nongu Lhou qhuivulo eno nongu mlo kuchopuno pa qelo.

Sumi Naga CL (Re-edited) Bible (BSI)

¹³ “Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 11:13 ပူးပေါင်းရင်းမြစ်များ

KUKAMI ATUGHIU 3:3

Solomon ye AMPEU kimiyeche eno papu David no mije tsukeu papeche, ikemu pa ghi tughashi kutomo heqhino a-a kini kuthu lono akumllagho tsuche.

LESHELE 119:2

Khunono pano ahza tsukeu papeni keno tipano lokivipu, pano mlo kumtsu pesu agholukemi lokivipu.

LESHELE 119:4

AMPEU nono oyezah pesu nitsuke eno amlo kupushi tipau gholulo pike.

JEREMIYA 17:24

“Timi hipaqo vilo pilo, panonguye izah kutsu kumtsu papelu masake. Panonguye Sabat lo aphughi hipau kikhaqo vechesu kiu khomu xapu ilo kepu kumoke. Sabat ye akimthe tsala lakhi shi ikhilu masa eno akumla kiumu shikepu kumoe.

EZEKEL 34:26

“Ino panoqo kumghatsu nani eno panoqo pelo iwu akimthe toghi sumxa xupe nani. Tilauno ino tsutsughu ghuqhitsu puzu panoqo kumghatsuni, kugho kughomu panonguno tipau avehupu shikelo ino tsunike.

ACHINE 26:3

“Nonguno iyezah kiqi lono xuche aye eno ino ahza tsukeu gholu aye,

ACHINE 26:4

ino ado achipi lono tsutsughu nongu lau puwutsu nani tishianguno ayeghino tuxatini ipeghi nani eno asuboqono axathi pithi nani.

ZAKINIU 10:12

“Israilmiqo, itehiye AMPEU Alhou ye nongu launo kiu khuani keno inilo: AMPEU mllalo eno pano ahza tsukeu kumtsu shilo. Pa qhuivulo eno nongu mlo kuchopu eno angulho kumtsu pesu pa qelo

ZAKINIU 11:1

“AMPEU nongu Lhou qhuivulo eno pulhapujulo pa yezah kumtsu pelulo.

ZAKINIU 11:22

“Ino nongu tsu akeu yezah kumtsu amikucho shi pelulo: AMPEU nongu Lhou qhuivulo, pano ahza tsukeu thwokha shilo eno pa lau amikucho shichelo

ZAKINIU 11:8

“Ishi tsalalo ino nongu lau ayezah tsukeu kumtsu pelulo. Tishianguno nonguye aghoki katha iku iloniye kuto akeu yeghilo ngolu nanike.

ZAKINIU 28:1

“Nonguno AMPEU nongu Lhou gholu eno pano ahza tsukeu ishi tsalalo ino nongu tsu akeu kumtsu amikuchoshi pelu aye pano nongu ayeghilo ashiayeh akeqo kumtsu nguno akijeu shitsu nani.

ZAKINIU 4:29

Tilau nonguno AMPEU nongu Lhou phuju nani eno nongu mlo kuchopu tsuno pa phuju aye nonguno pa phulu nani.

ZAKINIU 6:17

Nonguye pano ayezah nongu tsukeu kumtsu pelunike mutsuqhei shilo.

ZAKINIU 7:12

“Nonguno ahza kutsu hipaqo tsaqui inino amikucho shi agholu aye, tileno AMPEU nongu Lhou no nongu lau pawu puloshoqhi shikeu peche nani eno pawu iqemokeu kikimiye piye nanike, tiye nopuasu vilo tushoqhive ketoi.