ZAKINIU 10:17 - BAIBEL (BSI)

¹⁷ AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

Sumi Naga CL (Re-edited) Bible (BSI)

¹⁷ Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

ZAKINIU 10:17 ပူးပေါင်းရင်းမြစ်များ

YEKIKITHI AKINIU 19:7

AMPEU sumsalo eno kuto kupui shi puzu xathalo kughengu AMPEU ni Lhou ye akimki, agi jukeu momu kulugho lukeu palokutove mlake.”

NEHEMIA 1:5

“O AMPEU, Kungugha Lhou; Noye kijeke eno nino ozulo msa khokhoshi puthugho anie. Noye khunono oqhuivu eno oyezahqo pecheni keno panoqo lau amikucho lono oshoqhi pua chenie.

NEHEMIA 4:14

Timiqoye ta amlo ime akeu ino ithive tighenguno ino panongu vilo pano sakiphemiqo eno hiyam kumlamiqo vilo pi, “Nonguye nighumi msa kevilo. AMPEU ye kiu toi kije eno akumsapu eno noghakhumi ghenguno, no nuliqo no nipuqo eno no thikuzumi ghenguno kichighi nanike.”

NEHEMIA 9:32

“O Alhou, noye kiu toi kije kela! Kishi akuighupu eno akuka kughushu kela! Noye akikhishi owu puloshoqhi shikeulo piqhive keu pelu achenike. Asiriya kukamino nedaqoda cheke ghuloki lono ishi kutolo ninguye shishe imeve ake! Niwu kukami, sakiphemi, achinemi eno tungkupmi, nipuasuqo eno niwu timi kumtsu aghime shivae. Ninguye kishi aghime shive akeno kumsulu tsulo!

JOB 34:19

Paye kijemi gi juve chemo, momu kumlhomi nguno alau kinimi kumsulu chenike kumoe, kughengu Panongu kumtsu pano lhoke.

LESHELE 99:3

Timi kumtsuno paje kije jekipi sheqhe nani, paye akimtheke!

IPEKULU 23:8

Kulugho lukevilo kughengu kulugho huno timi pelo achipiu shinikeu lo anhethi kighichevetsu cheni eno pimimokemi vehupuqo hexapiniyi vetsu chenike.

ISAIAH 37:16

“Akughushu MPEU, Israil Lhou, kerubim shou akuka lakhulo iqa akeu, olikhino Alhou ke, ayeghiqhalo akukaqha kumtsu shou ayehpe akeu. Nono ayeghi eno atsutsu lhopheke.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 20:11

Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 32:18

Nono iqemokeu kikimiye qhethonhe lau piye puanike, ikemu noye apuaza xine ghenguno ghi timiqo ghimeqhi cheni. Noye kije eno akuka akeu Lhou ke; noye Aqokitikhi MPEU ke.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 2:45

Atuqu lakhi kiu nomu bumono pakutoshi ijo ipeghi keu eno tipauno ajulho lakhi ayi alazayi, aghani, tsandiyi eno shunano shikeu kusuphove tsukeu ghi nono ithuluvae. Akiqheu Alhou no ighinikeu dolo kiu shive nani keno tipau olau piye sutsuke. Nono kiu pumo lukeno atho ovilo pivea eno tipau kiqi kuchou ghi ovilo pivae.”

DANIEL 2:47

Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

Mark 12:14

Ike panonguno ighieno Jisu vilo ishi pi, “Kutsuchekeu, ninguno ithi anike noye amikuchomi eno ogizuloye timi kumtsu aphiphi shi peitha cheni; kughengu noye timino kiu kiu thotsu shiaghie pinamu tipau jupesu akhotou shitsu chemoe, ikemu noye timi ghenguno kuchouno Alhou pulouye kiu keno tipau pesu kutsu cheni. Nivilo hi pitsulo, Rom kukau Kaisar lau asuqha tsukeu achipi keo mokya? Ninguye panoqo tsukepu keo momu ninguye tsumo kepu kya?”

Apostolmi 10:34

Pitor no ishi pithu: “Kuchouno ino jupililu akeuno Alhou ye timi kumtsu aphi-phi lono peitha cheni.

Rommi 2:11

Kughengu Alhou ye agi jumo nani.

Galatiami 2:6

Ikemu sakiphemi kepi chekeqo hu kuchouno panonguye tishi keo mokeno ighenguye kiumu kimhe akepu kuhae, kughengu Alhou ye ashou koghe jupesu xatha chemoe, ike sakiphemi tipaqo ghi akukumsu kithe kutau kiumu ipithimoe.

Ephesiami 6:9

Amipemiqo, pivekeu toi nongu ghi nongu qu-axemi peitha pivilo, eno aqu-axemi kichi kevilo. Kughengu panongu eno nongu wu Ampeu ye kungughalo anikepi kumsululo, paye timi kumtsu aphiphishi peitha chenike.

ZAKINIU 1:17

Nonguno xathatsukeulo agi jukevilo; kumtsu shou aphiphi shi kughathalo, paye khuu khuu shi aghi namu. Khuumu musa kevilo kughengu nonguno xatha keuye Alhou launo ighike. Kugha kepu khipau nongu ghenguno ighono shisa keno ilau sughilo eno ino tipau xathatsu nanike.’

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

ZAKINIU 27:25

‘Timi khuuno pimimo kemi heqhinike pisa luni keno Alhou no musuini keu pa shou ani.’ Eno timi kumtsuno khochileni, ‘Amen!’

ZAKINIU 7:21

Tighenguno timi hipaqo musa kevilo; AMPEU nongu Lhou no nongu gholo anike, paye Alhou kijeke eno pa sumsa kepu ke.

Kolosiami 3:25

Achipikumo kumlamiye khukhumu pano achipikumo shikeu tsuchile nani, kughengu Alhou ye kumtsu aphiphishi peitha cheni.

1 Tim. 6:15

Pano ipeghini keu Tsala huye ado achipi lono kumghapu eno ayehpetou kukami shou Akukau eno ampemi shou Ampeu no pephepiye nani.

JOSHUA 22:22

“Akuka kughushuuye Alhou ke! Pano AMPEU ke! Akuka kughushuuye Alhoue! Pano AMPEU ke. Nino kushiye ti shikeno pano ithi ani. Nino hebideno AMPEU lau amikucho piyemove aghi aye nonguno nipelo xu apekevilo!

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”