ZAKINIU 1:8 - BAIBEL (BSI)

⁸ Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

Sumi Naga CL (Re-edited) Bible (BSI)

⁸ Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 1:8 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 15:16

Tiqheli abidiu lono olaghano hile ideghi nani, kughengu ti kutolo Amarimi qono alhoksa shikeu ghenguno shikighime qhinikeu tomono aghini aphike.”

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

NEHEMIA 9:15

“Panonguno mzuthive kelo nono kungugha lono asho panongu tsue, eno panonguno tughuthive kelo atuqu lakhi lono azu tsuke. Nono panongu tsunike tushoqhive ke yeghi hu panongu vilo qhasuluvelo pike.

IPEKULU 23:31

Ino noyeghi lughi pelo Aqaba Zukichikha lono Eufrati Ghoki kutolo eno Azughi kije lono Asayeqha kutolo pekhowolu penani. Ino nongu pelo tipa yeghilo kughuna akemi shou akuka alupe nani eno nonguno azuu haighi keulo panoqo hapheluve nani.

IPEKULU 33:1

AMPEU no Muse vilo pi, “No eno nono Ijip lono saipeghi kemiqoye hipa-a qhiveno chevelo ino Abraham, Isak, Jakob eno pano polo kughukomi tsuni keu shi tushoqhi pua keu yeghilo wulo.

JEREMIYA 32:22

Nono panoqo puasu lau tushoqhive ketoi nono aghuma eno akini kua yeghi hipau panoqo tsuke.

EZEKEL 47:14

Ino nopuasu lau tsaquino tushoqhive keuno niye ayeghi hipau panongu mheghipushi tsu nikeu shike; itehiye nongu dolo aqhemishi kijethalulo.

AKIKIHI 14:23

Ino panoqo puasu vilo ayeghi tsuniepi tushoqhi puakeulo panonguye khilemu ilomla nani. Imilive kemiqo gholo lakhimu tile ilomla nani.

AKIKIHI 32:11

‘Ino tushoqhi ani ke panonguno ilau aghokulu shi moke ghenguno panongu kiptimi ampe muku shi akemi eno tinguno kichimi shivekeqo khije Ijip lono ipeghi keno tipaqo thaqhuye milakhimu ino Abraham, Isak eno Jakob lau piqhi puakeu yeghilo ilomla nanike.’

ZAKINIU 1:11

AMPEU nongu puasu Lhou no pano tushoqhiveke toi ghuthu qhethonhe kutolo alau nongu kighishe pukutsu eno nongu pelo kinikulu shilupelo!

ZAKINIU 1:35

‘Nongu alhoksa tiqhelimiqoye milakhimu ino nopuasu tsunikeu shi tushoqhive keu yeghi kivilo ilomla nani.

ZAKINIU 10:11

Tishieno nongu sawu lopi pano ivilo pike tishianguno pano nongu puasuqo lau tushoqhive keu yeghi nongu pelo amheghipu shi lukepu shipe niyeke.

ZAKINIU 11:24

Nonguno khipa qha shou chesu wuni keno tipaqo kumtsu nowu shive nani. Nolughiye apeu asayeqha lono ahuu Libanon naghuto kutolo qhawo nani eno kipelau Eufrati ghoki lono kulolau Mediteriya Zughi kuto shinani.

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 2:29

tiye ninguno Jordan kathasu AMPEU niLhou no nitsu akeu yeghilo ilomoke kutoloke. Edom lo Esao polo kughukomi akeqo eno Ar lo Muabmi akeqono pano ghakhu kathasu wupenikeu pulovetsuke.’

ZAKINIU 26:15

Kungughalo okimthe-a lono jupiqi tsulo eno owu timi Israilmi kumghatsulo; nono nipuassu lau tushoqhiveke toi kinikulu eno aghuma yeghi ningu tsuve keu shou ghi kumghatsulo.’

ZAKINIU 26:3

Tipa ghulokilo achineu ampi shi aghi keu lau wulo eno pa vilo pilo, ‘Ino itehino AMPEU iLhou gihu ikhilu anike pano nipuasu tsunikeu shi tushoqhive keu yeghilo niye iloghiluvae.’

ZAKINIU 28:11

AMPEU no atianuli kutomo, amshi kutomo eno tuxatini kutomo pesu nongu puasu vilo nongu tsuni keu shi tushoqhive keu yeghilo nongu tsu nani.

ZAKINIU 29:12

AMPEU nongu Lhou no nongu sasu ishi tsala lono puloshoqhi hipau shinike eno tipaulo amakho akeu ikhilunike nonguye hile anie,

ZAKINIU 30:20

AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

ZAKINIU 31:7

Tishieno Muse no Joshua kuno Israilmi kumtsu gizu lono pa vilo pi, “Amlo kuloghi shilo eno amlo kumto shilo; nono timi hipaqo sakipheu shipuzu AMPEU no panoqo puasu lau tushoqhive keu yeghilo sailo ngolu nanike.

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 6:10

“AMPEU nongu Lhou no nopuasu Abraham, Isak eno Jakob lau tushoqhive ketoi pano ayeghi lakhilo aphughi kinikulu eno akuloghi nonguno shimokeu pesu nongu tsu nanike.

ZAKINIU 7:12

“Nonguno ahza kutsu hipaqo tsaqui inino amikucho shi agholu aye, tileno AMPEU nongu Lhou no nongu lau pawu puloshoqhi shikeu peche nani eno pawu iqemokeu kikimiye piye nanike, tiye nopuasu vilo tushoqhive ketoi.

ZAKINIU 7:13

Pano nongu kimiye eno kumghatsu nani, tishianguno nonguye timi kutomo shiluve nani eno atianuli kutomo shilu nani; pano nongu luza kumghatsu nani tishikeulo nonguye athi, atsayi-ji eno oliv teli alu nani. Pano nopuasuqo vilo ayeghi hipau nongu tsunikeu shi tushoqhive keulo kukumgha hipaqo kumtsu nongu tsu nanike.

ZAKINIU 7:8

Ikemu AMPEU no nongu kimiyeke eno Pano nongu puasuqo lau tushoqhive keu pecheni shike. Tighenguno pa kumto kije pesu nongu xaluke eno nonguno Ijip lo akukau quaxemi shi acheke lono nongu khaqhiphetsu ke.

ZAKINIU 8:1

“Ishi tsalalo ino ayezah nongu tsukeu kumtsu amikucho shi papelo, tishianguno nonguye xulu,ikowolu eno nopuasuqo lau AMPEU no tushoqhive keu yeghi qhasupe ngolu nanike.

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

IBRIMI 6:13

Kughou Alhou no Abraham vilo atsapiqhi keno, pano piqhipua keu tsa shikupunike ashoqhi lakhi shie. Ike pa likhi pa nguno akijeu kuhakehu pa likhi pa je kuno ashoqhi ishi shike.

IBRIMI 6:14

“Kuchokuchono ino piqhi ani ike, ino okumghatsuni eno olagha kutomo kughukotsuni.”

JOSHUA 1:6

Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.

XAKUTHAMI 2:1

AMPEU wu kungumi no Gilgal lono Bokhim lo ipeghino Israilmi vilo pi, “Ino Ijip lono nongu saipeghi no nongu puasuqo vilo piqhi puakeu yeghilo sailoghi tsu. Ino pi ani, ‘Niye nongu lau Puloshoqhi shi puakeu khilemu hephomo nani.