ZAKINIU 1:17 - BAIBEL (BSI)

¹⁷ Nonguno xathatsukeulo agi jukevilo; kumtsu shou aphiphi shi kughathalo, paye khuu khuu shi aghi namu. Khuumu musa kevilo kughengu nonguno xatha keuye Alhou launo ighike. Kugha kepu khipau nongu ghenguno ighono shisa keno ilau sughilo eno ino tipau xathatsu nanike.’

Sumi Naga CL (Re-edited) Bible (BSI)

¹⁷ Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’

ZAKINIU 1:17 ပူးပေါင်းရင်းမြစ်များ

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

SAMUEL AKINIU 14:14

Ningu kumtsu thive nani; ninguye azu ayeghilo peleqhivekelo akiniu kichekumqo luchemo keu toike. Alhou ghi kithimi pesu akuxulo sughi chemoe, ikemu akukau ye timi lakhi hakughutsuve keu lono sachile sughinikeu laghiye phuphelu nani.

YEKIKITHI AKINIU 19:5

Juda lo putukhasu puakeqo phughi lakhi khilo pano xakuthami kishepe qhiwono

YEKIKITHI AKINIU 19:6

panoqo lau akukutsu tsa hitoi tsuke: “Kutami tsa kughatha keulo kutokupui shilo; nonguye timi no tsukeu nguagha tsukeu shou bepeno shi anike, kughou nonguno xakutha tsa tsu ani keno paye nongu gholo anani.

JOB 31:34

Niye timi aqo kitikhi musa nicheke, momu abolomino ithakeuno ishi thughuyi veni cheke, tishikehu, khalau ipemono inaqhoiveni cheke.

LESHELE 82:2

Nonguye amikucho kumoshi kughatha chekeu lono ngovelo; nonguye kixikilami lau hinguno hilaye xada kevilo!

IPEKULU 18:18

Noye olikhi opelo eno timiqo pelo imeve anipeke, hiye milakhi likhino shinikeu ihuloke.

IPEKULU 18:22

Panoqo pelo pulhapujulo timiqo shou kughakuthami shipelo. Panonguno shimasakepu jeli olau sughilupelo ikemu akupuna kititiqoye panongu pelo xatha lupe kepue. Panonguno osasu tipau kusaje luve keuno oghenguno amakho kumthulu nani.

IPEKULU 18:26

Panonguno pulhapuju timiqo shou kughakuthami shi mula cheke, akupuna mlaleyi keuye panonguno xathavetsu eno kushokutsuye Muse lau sughi acheke.

AHOLE 18:5

Pimivekemi saphuveno pimimokemi pelo kuchou xakutha ithumlave pekeuye achipi kumoe.

AHOLE 24:23

Alokutsumino hipaqo ghi pipe puatsuake: Kughakuthami lakhino agi jukeuye alomoe.

AHOLE 28:21

Agijukeuye akivi kumoe. Ikemu kughakuthami khamiye kulugho luniaye akumou shicheni.

AHOLE 29:25

Kutamiye ojupe kiu kumsu ani kelapi omlo susushi keuye akuighupuke ikemu nono AMPEU pukhu aye oxaphelu nani.

JEREMIYA 1:17

Jeremiya, kutolulo, wulo ino ovilo pilopi ahza tsukeu kumtsu pesu panoqo vilo pilo. Noye panoqo musa ichi kevilo tikumo aye nono panoqo zulo akelo ino opelo alau msa ichivepe nanike.

ACHINE 19:15

“Atsakugha kepulo kughono xakutha tsunikeno amikucho eno achipiu shilo; kumlhomi lau xadakevilo momu kinimi musave kevilo.

MALAKI 2:9

Tighenguno ino Israilmi pelo nongu jumithi pe nani kughengu nonguno ipulou ghobideke eno kughou nonguno iw timiqo kutsupiye keno nonguye kumtsu aphiphishi peithamoke.”

MATTHEW 22:16

Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

Mark 12:14

Ike panonguno ighieno Jisu vilo ishi pi, “Kutsuchekeu, ninguno ithi anike noye amikuchomi eno ogizuloye timi kumtsu aphiphi shi peitha cheni; kughengu noye timino kiu kiu thotsu shiaghie pinamu tipau jupesu akhotou shitsu chemoe, ikemu noye timi ghenguno kuchouno Alhou pulouye kiu keno tipau pesu kutsu cheni. Nivilo hi pitsulo, Rom kukau Kaisar lau asuqha tsukeu achipi keo mokya? Ninguye panoqo tsukepu keo momu ninguye tsumo kepu kya?”

Luke 20:21

Tuqhouno agho chuve keqo huno Jisu vilo pi: “Kutsuchekeu, nono kiu pi eno kutsu cheni keno tiye achipiepi nino ithi anie. Noye agi juchemo, ikemu Alhou laghi kuchou kutsu chenie.

Rommi 2:11

Kughengu Alhou ye agi jumo nani.

Ephesiami 6:9

Amipemiqo, pivekeu toi nongu ghi nongu qu-axemi peitha pivilo, eno aqu-axemi kichi kevilo. Kughengu panongu eno nongu wu Ampeu ye kungughalo anikepi kumsululo, paye timi kumtsu aphiphishi peitha chenike.

ZAKINIU 10:17

AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

ZAKINIU 25:1

“Israilmi mikini atsa kughanike kughakilo wukelo milakhiye pimimo eno lakhiuno kuquvekeu pitsu kelo,

Kolosiami 3:25

Achipikumo kumlamiye khukhumu pano achipikumo shikeu tsuchile nani, kughengu Alhou ye kumtsu aphiphishi peitha cheni.

1 Thes. 2:4

Ikemu Alhou no ni ikhikulupu shiaghive eno atsakiviu pesu ipichetsu keu toi ninguno pi acheni. Ninguye timi pulou shiniyeke kumoe ikemu nimlo lhejuchekeu Alhou pulou shiniyeke.

James 2:9

Ikemu nonguno ashou koghekughu jupesu timi peitha aye nonguye axine shiani, eno nonguye ayezah hexakemi kepi Ayezah no nongu kileqhive ani.

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”

SAMUEL ATUGHIU 2:25

Tsalatsa timi lakhino kutami lakhi sasu kimthi kutsala aghi aye, Alhou no pa saphuniche; ikemu AMPEU ye timi khuno pa zulo axine shi anikeno kishipuzu tipau saphukulupu shini kya?” Ikemu pamaye pama papuno kutsukeu tsa initsumo, tighenguno AMPEU no pama pithive nikeu shive.