YETSAPIU 9:9 - BAIBEL (BSI)

⁹ Alhou no ayeghi hipaulo adou kuxu otsupuakeu xuake thaqhulo totimi nono kimiyechekeu sasu alokivi kuxu xulo. Ti adou tsala kumtsu aghakiqi shialo, kughengu owu shiluksa ghenguno noye tipau likhi ithulu nanike.

Sumi Naga CL (Re-edited) Bible (BSI)

⁹ Alhou no ayeghi lo adou küxü o tsü püake tivilo nono kimiye chekeu o nipu sasü alopivi xülo, kughengu nono ime mlaitha chekeu lo tino o saje ke.

YETSAPIU 9:9 ပူးပေါင်းရင်းမြစ်များ

BOTHUBO 26:8

Isak no tilau ado kushuwa ngove kethiu, ghulo lakhi Abimilek, Filistiyami kukau huno alashe lono jupipe kelauye Isak no panipu Rebeka sasu allokile aghikeu ithulue.

LESHELE 144:4

Timiye atuthu lakhi toike; pa kuxu tsalaye wuve chekeu yekukhu lakhi toike.

LESHELE 39:5

Nono ikuxu kishi kughukhove tsu kya! ozulo ikuxu tsalaye kumu kuhae. Mutsuqheyino timi kuxuye atuthu kishe lakhi qhemi likhie,

AHOLE 18:22

Anipu phululo eno noye thime kivi phuluveake, tiye AMPEU no olau akivipu shiani kepi opiye ani.

AHOLE 19:14

Timi lakhiye pa puaza launo aki ngo pisa mheghi ighiluvi ikemu AMPEU likhino kumsukulu nipu pa tsu cheni.

YETSAPIU 2:10

Kiukiumu ino lunishikeu ino ithulue. Ilopivi kepu jeli lakhimu milivemoe. Ino kiu mla chekeno tipaqo shou ikijivilo cheke eno hipaqo kumtsu isaxuke.

YETSAPIU 2:24

Timi lakhino thwokha kumtsu nguno akiviu shikepu shi akeuye pano kiu qelu keno chu-shono alokughuno shiakepue. Tishikeu ghi, ino ithilu keuno highi Alhou launo ighi cheni.

YETSAPIU 3:13

Ningu kumtsuno nino kiu mulaqhilu keno tipau chu-sho no alovi akepue. Hiye Alhou no tsukeu gho ke.

YETSAPIU 3:22

Ikehu ino ithilu akeuye thime akiviu ninguno shikepushi akeuye nino kiu mlalukeno tipau pesu alovi akepue. Tinguno kutau ninguye kiumu shiakepu kuhae. Nino thive kethiu kiu shiveni cheni keno tipau ithikepu laghi kuhae.

YETSAPIU 5:18

Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.

YETSAPIU 6:12

Ikhonheikeu eno adou kuxu, yekukhu ighikeu lakhi toikeu kuxu hipaulo timi lakhi ghenguno kiuno akiviu keno khuuno kishi puzu ithini kya? Kughengu timino thive kethiu ayeghiqhalo kiu shinani keno khuuno kishi puzu ithini kya?

YETSAPIU 7:15

Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

MALAKI 2:15

Alhou ye opelo li sasu ashi aji lakhi anguagha lakhi shitsuke kumo kesha? Paye hipaulo kiu kumsupu puzu tishitsu kya? Tiye nonguno atianuli lhokeqo pelo kuchouno Alhou wu timi shipeniye ke. Tighenguno nongu gholo khunomu pututa nipu lau tushoqhive keu kubo kevilo.