YETSAPIU 9:12 - BAIBEL (BSI)

¹² Kughono odo oghuloki ighi nani keno noye khilemu ithimo nani. Alichhe lono paikhavi no aghau meluveke toi eno akhamelo akha meluveke toi, nino kumsumo mitheno ake lono ado lhoksa lono ningu meluve cheni.

Sumi Naga CL (Re-edited) Bible (BSI)

¹² Kughengu timi ye pa do-aghuloki mthae. Akhame lo akha meluve eno alichhe lono aghau meluve ketoi, ado lhoksa lichhe no paikhavi timi meluve cheni.

YETSAPIU 9:12 ပူးပေါင်းရင်းမြစ်များ

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

AHOLE 24:22

timi titoi keqoye asuchedo lakhi lono shipuhave nanike. Noye Alhou momu akukauno zuleno akuxu kutsakungove kulupu kuka akeu ithi anima?

AHOLE 29:6

Alhoksamiye pano likhi pano xine lono meluve cheni, ikemu kuchou shi xukemiye alokivi eno pano lakhakepu kuhae.

AHOLE 6:15

Highenguno zulileno kutsakungo keuno panoqo hekuluqhi nani eno panoqoye akithi pushi ghuzave nani.

YETSAPIU 3:19

Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 8:11

Kushiye timino papashi heqhi buqhi cheni kya? Kughengu heqhi buqhi puaghikeulo mutazu shikighime keu kuhake.

YETSAPIU 8:8

Timi khumu thimove kepushi pa nguagha hakhamlae momu pa kithi tsala tukiqeve mlae. Tipau ghukishi lono ninguye po mlake; ninguye pishiqhiveno nila phusu wuve mlake.

YETSAPIU 9:13

Kiukela kutau ghi ino ithulupe puani, ayeghi hipaulo alokutsuye kishi achenikeno tipau kichekipiye kivi lakhi.

ISAIAH 24:18

Khualano akuighupu sutsa launo poluve namu aqoh kuchhulo ilulove nani, khualano aqoh kuchhu launo poluvenamu alichhe lono meluve nani. Atsutsu lono tsuqhu tsughu nani eno ayeghi boqha ithauve nani.

ISAIAH 30:13

Nonguye kuquke. Nonguye atu pesu qhemghai putupuakeu lakhilo kunguuno aqhou kutolo ipoipeghi akeu toike; zuleno nonguye iluqive nani.

EZEKEL 32:3

Kughou ashiayeh kutomo kumqoni keno, ino ikhame lono omeluve nani eno tipaqo pelo amkulo osunhepheve pe nani.

HOSIYA 7:12

Ikemu ino akhame lakhi qhape qhi nani eno panonguno wuche kelono aghau toi panoqo meluve nani. Panonguno alhoksa kumla shikeu ghenguno ino panoqo ghimeqhi nani.

HOSIYA 9:8

Alhou no pawu timi Israilmi kutughu peniaye tungkupumi lakhi shi-ghi ipuwuke. Ikeghi, ino khile khile wuni keno tikumtsulo aghau lakhi toi imeluveniye nonguno pukaputsa cheni. Alhou wu ayeghilo akemiqoye tungkupmi ghumike.

Luke 12:20

Ikemu Alhou no pa vilo pi, ‘No aghuzuu! Hipa jino okuxu kuhaveni cheni, ike nono olikhi oghenguno hi kumtsu pekutsu puakeu khuwu shivepe nani kya?’ ”

Luke 12:39

Eno hi kumsulu lone! Aki mpiuno kupukami kughono ighini keno ithi ake aye akupukau pelo pa ki hepho ilo pemo nani.

2 Kor. 6:2

Kughengu Alhou no ishi pike: “Ino qhuivukepu ghulokilo niye nongu sutsa initsuke, Xakulupu tsalalo ino nongu kuphuke.” Julo! Alhou wu qhuivulakeu ikhilu nikeu ghulokiye hike, xakulupu tsalaye itehino ke!

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.

2 Tim. 2:26

Tishiluaye panonguno kumsuchilelu nani eno tughami no panoqo mepe qhi puzu pa gho apulou shiape keu lichhe launo polu nanike.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

2 Peter 2:12

Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,