YETSAPIU 9:11 - BAIBEL (BSI)

¹¹ Avehu kutau ino phupe puani, ike ayeghi hipaulo muthuthei pothikemiye pulhapuju tokulu shilu chemoe eno amlo kuloghimiye pulhapujulo aghukishilo tokulu shi chemoe. Alokutsumi qoye pulhapujulo xulu chemoe, be-lhochu achemoe, aqho kutsughamiye pulhapujulo kinimi shiluchemoe, eno phui thaikemiye pulhapujulo akuxu kuchuqulo ikulu chemoe. Angukusano kumtsu lau ighi cheni.

Sumi Naga CL (Re-edited) Bible (BSI)

¹¹ Itaghi I no hi ithulu, ayeghi lo pokuxu kelo akümthümi no tolu chenike kumoe, titoi akumtomi no aghüshi tolu, alokütsümi no asho ithulu, akighichemi no küakini ithulu, kighithimi no adokivi ithulu chenike kumoe, ikemu atüqhüdo eno adokivi ye kümtsü lau ighi cheni.

YETSAPIU 9:11 ပူးပေါင်းရင်းမြစ်များ

SAMUEL AKINIU 17:14

Absalom eno Israilmi kumtsuno pi, “Hushai kukutsuye Ahitofel kukutsu nguno akiviue.” AMPEU no Ahitofel kukutsu kivi ikhilu pemo nikeu shitsu. Absalom lau shikupsa ikughi penikeu shivetsu.

SAMUEL AKINIU 17:23

Kughou Ahitofel ye pano pikeu tsa initsumovekeu ithivekeno, paye pawu gadaha lakhilo ikuno pano phughilo pa kilo idewove. Pa kilo thime kutokughoi kithikiyi shiveno pa likhi pa tshuqhi pithive. Pa kumoye pano bolomi qhocheke alo shiqhove.

YEKIKITHI AKINIU 20:15

Jahaziel no pi, “Akijeu Akukau eno Juda ngo Jerusalem lo kuamiqo, AMPEU no pi ani ke nonguye ghushimi kumzapu hupaqo sasu kushoni keulo amlo ithakevi momu msa kevilo. Aghushiye Alhou shou bepe ani kethono nongu shou bepe amoe.

JOB 34:29

Ashiayeh lakhi shou na timi lakhi shou shiaghi namu, Alhou no tshuyimu shimove aye eno pa gi kusuluve aye khuuno pa pipusa momu pa ithulu kepu kya?

LESHELE 76:5

Aghumi ghushimi amlo kumtomino kiu pepu aghi keno kumtsu xaluve tsuke, itehi akithi kuzu zu anike; Panoqo kumto eno shitsa kumtsu adouke.

AHOLE 1:5

Aholetsa hipaqoye alokutsumi kighithilo kuphatsulu cheni eno kighithimi kichepiye tsulu cheni.

YETSAPIU 2:12

Hipaqo kumtsu shipuaghi namu, kukami lakhiye azuu kukamino kiu shipuani keno tipaphi likhi shilu anike. Ike ino alokutsu momu anikha eno izuphokiche keuye kiu kela tsaqui phukuthoju nikeu shie.

YETSAPIU 3:14

Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

YETSAPIU 3:17

Ilikhi ivilo ishi pi, “Alhou ye amikuchomi eno alhoksami aphiphi lono kughathaveni cheni kughengu thime kumtsu, mla ithakeu kumtsu pututa do qhipua tsukeu lono shi ipeghi nani.”

YETSAPIU 4:1

Itaghi ayeghiqhalo qoda kilekeu kumtsu ino ithulu acheni.Nedaqodape akeqo nhezu kipijilo khunomu panoqo lokughuno tsulu chemoe. Khunomu panoqo xaqhe chemoe kughengu panoqo nedaqoda akemino akuka pe acheni.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 7:13

Alhou no mlakeu kumsukutojulo. Alhou no ihoghulai shipe puakeu kishi puzu khuuno tipau sukumzuluni kya?

YETSAPIU 9:2

Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

JEREMIYA 46:6

Khunoqono akumthushi poju keno powumlae; ghushimiqoye pomlave ke. Ahuu, Eufrati phivilo panonguno kupuxape veqhi.

JEREMIYA 48:14

‘Muab lo kiptimiqo, nonguye kushiye aghutomi eno aghulo wujuve kemi amlo kumtomi kepi cheni kya?

JEREMIYA 9:23

AMPEU no pike, “Alokutsumiye pano lokutsulo qhezalaki kepu kumoe, akumtomi pimu pano kumtolo qhezakepu kumoe, kinimi pimu pano kinilo qheza kepu kumoe.

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

ZEKHARIA 4:6

AMPEU launo ighi keu tsape hipau Zerubabel tsulopi kungumi huno ivilo pike: “Noye aghushipu kumtono kumoe, momu okuka kumtono kumoe ikemu ighungu pesu tokulupu shi nani.

MALAKI 3:18

Amikuchomi eno timi khuuno iqecheni eno khuuno iqechemo keno tipau dolo kutuquvekeu iwu timiqono itaghi ghuthu lakhiye ithulu nani.”

Ephesiami 1:11

Kughengu thwokha Alhou kukughu eno pano kughathape puakeu kiqi lono shicheni; pano mijipe puakeu ghenguno abothu lono kughathavekeu shou bepe puzu Khristo gholono pawu timi shipenike ningu kishelu.

ZAKINIU 8:17

Tighenguno nonguye nongu kuka kumtono nongu pelo kinikulu shilupe kepi khilemu kumsu kepu kumo.

ZAKINIU 8:18

AMPEU nongu Lhou no nongu pelo kinimi shilu penike akuka tsuke pi kumsulu achelo. Pano hipau shikeuye paye nongu puasuqo sasu puloshoqhi shikeu ishi tsala kutolo amikucho shi pe acheni ke.

SAMUEL ATUGHIU 17:50

Hitoyi azutakihi sumono David no hevula kighi ngo atumlo pesuno Goliat theqhiluve eno veqhi pithi vetsu!

SAMUEL ATUGHIU 6:9

Tishipuzu khikudau wuveniala jukuto alo; tsala tipauno Bet Shemes kudau wuve aye Israil Lhou no alhoksa ghime hipau nongu lau tsupuwu ipi ithivelo. Ikemu tsala hipauno tikudau wumove aye Israil Lhou no pusa hipau ningu tsupuwu mono pakutoshino hishi sholu kepu shive kena ipi ithiniae.”