YETSAPIU 8:8 - BAIBEL (BSI)

⁸ Timi khumu thimove kepushi pa nguagha hakhamlae momu pa kithi tsala tukiqeve mlae. Tipau ghukishi lono ninguye po mlake; ninguye pishiqhiveno nila phusu wuve mlake.

Sumi Naga CL (Re-edited) Bible (BSI)

⁸ Timi khumu pa küxü tuthu hakhalu kepu küka kühae, momu pa kithi tsala tukiqeve mlae. Aghükishi lo ghüshimi ye aki lo womla ketoi kixikila ye khilemu timi phepupo chemoe.

YETSAPIU 8:8 ပူးပေါင်းရင်းမြစ်များ

SAMUEL AKINIU 14:14

Ningu kumtsu thive nani; ninguye azu ayeghilo peleqhivekelo akiniu kichekumqo luchemo keu toike. Alhou ghi kithimi pesu akuxulo sughi chemoe, ikemu akukau ye timi lakhi hakughutsuve keu lono sachile sughinikeu laghiye phuphelu nani.

KUKAMI AKINIU 7:15

Ike timiqoye Jordan kutolo ighilu eno alaghi kumtsu aphi nhemgha ngo aghunanu Siriyamino pocheke lono qhiveno povekeu panonguno ithulu. Panonguno ide ighino akukau vilo kishekulu pithivetsu.

JOB 14:5

Pa kuxu lathaye puzuuno nono kughathavae, paye aqhi khijehi xukepu keno nono ithi anie eno nono bothavekeu paye hechemlae.

JOB 34:14

Alhou no timi shou kumsupukuju aye, pano atuthu ngo angulho hekutsuluve aye!

LESHELE 89:48

Khuuno thimono xuakulupu kya? Tiye akumokilo kishieno ilomo kepu shilu nani kya?

LESHELE 9:17

Alhou phevekemi ashiayeh eno kusakughami kumtsu Akithi ghimelo wuve nani.

AHOLE 12:3

Kixikilaye sushokulu tsuchemoe ikemu amikuchomiye mutotoi puthughope acheni.

AHOLE 14:32

Kixikilamiye pano kumla lhoksano pano likhi pano xaqhikulu cheni ikemu timi kivimiye mutsumisheyi xu chekeuno pano susholuve cheni.

YETSAPIU 3:21

Timi nguaghaye kunguu kudau wuve cheni eno ashiaghau nguaghaye aqhou ayeghilo wuve cheniepi khuuno mutsuqhei pikulupu ani kya?

YETSAPIU 8:13

ikemu kixikilami ghenguye alokepu shimo nani. Panoqo kuxuye yekukhu lakhi toike eno panoqoye lhothemi shi aphi lono thive nani, kughengu panonguno Alhou gholumoke.”

YETSAPIU 9:12

Kughono odo oghuloki ighi nani keno noye khilemu ithimo nani. Alichhe lono paikhavi no aghau meluveke toi eno akhamelo akha meluveke toi, nino kumsumo mitheno ake lono ado lhoksa lono ningu meluve cheni.

ISAIAH 28:15

Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 28:18

Nonguno akithi sasu kuputsape akeu xave nani eno nonguno akithi yeghi sasu pulokilepe qhipuakeu ikhive nani. Kughou kutsakungokeuno jole iqighini keno nongu haluve nani.

ISAIAH 47:10

“Olhoksalo noye olikhi opesu achipiu shiache; khuumu ojuthulumo nani kepi nono kumsucheke. Okighithi ngo olokutsuno osabideveke, eno nono olikhi ovilo pike, ‘Ino Alhou ke milakhimu itoikeu kuhake.’

1 Kor. 15:43

Aphimpi ye jukusapu shi qhove cheni, eno tipau xuputhuve keloye jukighilepu shive nani. Hiye tomochhimo keushi qhove cheni, eno tipau xuputhuve keloye akuka kumto shive nani.

2 Kor. 13:4

Kughengu tomo chhimo keu shighi kros shouno pa pithive pinamu Alhou kuka lono paye xuani. Kughengu pa gholo ninguye tomo chhimoke, ikemu nino nongu peithakeu loye Alhou kuka lono ninguno pa gholo xu nani.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.