YETSAPIU 8:12 - BAIBEL (BSI)

¹² Axinemi lakhiye ghuthu 100 kutolo heqhi buqhi puaghiluvi tishimu xu aghiluvike. Iyei, panonguno kiu picheni keno ino ithi ani: “Nono Alhou gholu aye thwokha achipi shi nani,

Sumi Naga CL (Re-edited) Bible (BSI)

¹² Kixikilami no ghuthu 100 kutolo alhoksa mlano xüaghi namu, I no ithi anike khuu no Alhou msani keno, pau pavi nani, kughengu pa no Alhou msaighü acheni.

YETSAPIU 8:12 ပူးပေါင်းရင်းမြစ်များ

KUKAMI ATUGHIU 21:25

(Khuumu Ahab toi thwokha kumtsu axine shi AMPEU zulo achipi kumou shi-ghi pa nipu Jezebel no kipekeu lono paphi ampi kumtsu jesuvekeu toiye kuhae.

YEKIKITHI ATUGHIU 16:30

ayeghi kumtsu pa zulo khokhoshi ngolo! Ayeghi hu achipilo mulape qhivae eno tipau ithamo nani.

JOB 35:15

Ikemu itehi ye Alhou no pa loghu pesu aghime tsumoye, eno akipimi shi akeu ithitsumo kehu,

LESHELE 112:1

AMPEU sheqhelo! Khunono AMPEU gihucheni keno alokivipue, pa yezah agholu nikeu pulo chekemi lokivipue.

LESHELE 115:13

Pa qhoqhu gihuchekemi pano kumghatsu nani, kijemi na kitilami namu.

LESHELE 128:2

Noye olikhi ouno mlaqhikulu xathi chulu nani; noye alokivi shi nani eno kinikulu shilu nani.

LESHELE 37:11

Aqhokighemino aki alu pighilu nani eno kinikulu ngo iqu-ghayikeu kuxulo alokivi shi nani.

LESHELE 96:9

Akimtheuno ipeghikelo pa zulo pishiqholo, ayeghi kumtsu pa zulo khokhoshi musalo.

IPEKULU 1:20

Totimi hipamano Alhou sumsakeu ghenguno Alhou no pama lau amlokiqi ae eno pama pelo pututa kibo shilupe, timiqo ghi alau ikowolupe.

AHOLE 13:21

Aqha kumtsulo akupunano axinemi pape cheni, ikemu amikuchomiye thime kivi pesu pa saxu shitsu nani.

AHOLE 28:14

Pulhapujulo AMPEU gholulo eno noye alokivi shi nani, ikemu khunono amlo hekighike auveni keno kusakushopu sholu nani.

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

YETSAPIU 3:14

Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

YETSAPIU 5:16

Highi ighono achipi kumokeu lakhike, ninguno kiutoi ighikeno titoi idewove cheni. Ninguno ichhe ime amlhu kughaju puhake toi kiu ala shilu cheni kya?

YETSAPIU 5:7

Nono khijejehi asamo pumo aghina, khijejehi adou kumla nono shiaghi pina momu khijejehi atsa zale aghinamu noye Alhou sumsa moaye sake.

YETSAPIU 7:15

Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

YETSAPIU 7:18

Noye hipau tsuqupelu keuno aloke eno hipau phevekepu kumoe. Nono Alhou sumsa aye kiukiu la lomu tokulupu shi nanike.

JEREMIYA 44:10

Ikemu ishi kutolo nonguye nolikhi nokuchuni moke. Nonguye igihumoke momu nongu eno nopuasuqo lau ayezah kumtsu tsukeu kiqi lono xuchemoke.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

Luke 1:50

Pa sumsakemi kumtsu shou tiqhelino tiqheli kuto kimiyekeu piye cheni.

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

ZAKINIU 12:25

Nonguno ahza hipau gholu aye AMPEU no amlo qi nani, nongu eno nongu polo kughukomi ghenguno kumtsu akivipu shinanike.

ZAKINIU 12:28

Ino ahza nongu tsuvekeu thwokha amikuchoshi pelulo, nongu eno no polo kughukomi ghenguno alhokupujulo akivipu shiche nani kughengu kiuno achipi keno eno kiuno AMPEU nongu Lhou lopu keno tipau shi luni ake.

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,