YETSAPIU 6:12 - BAIBEL (BSI)

¹² Ikhonheikeu eno adou kuxu, yekukhu ighikeu lakhi toikeu kuxu hipaulo timi lakhi ghenguno kiuno akiviu keno khuuno kishi puzu ithini kya? Kughengu timino thive kethiu ayeghiqhalo kiu shinani keno khuuno kishi puzu ithini kya?

Sumi Naga CL (Re-edited) Bible (BSI)

¹² Kughengu timi lakhi no aküxü ikhonhei xüno yekükhü toi hecheve chekelo, khuu no pa ghenguno akiviu ye kiu keno ithi nani kea? Milakhi no thive kethiu khuu no pa vilo kiu shive nani keno piluni kea?

YETSAPIU 6:12 ပူးပေါင်းရင်းမြစ်များ

YEKIKITHI ATUGHIU 29:15

Nono ithi ani, O AMPEU, ninguye ningu puasu noqono shiketoi shikeu kughusawuve keu eno inami shivekeu toi ningu kuxu puwovae. Ningu tsalaqoye akicheqho toi yekhuwovae eno ninguye akithi zu itshumlae.

JOB 14:2

Panoye axamunu toi pu ano ighuive chenie, yekukhu ighiketoi hauve cheni eno ngopushu lu chemoe.

JOB 14:21

Pa nulino ajekipi shilu, ikemu paye khilemu ti mthae, pa nuli shiputha namu paye ti ithimoe.

JOB 8:9

Kughengu ninguye ighinati aphie eno kiumu mthae, ayeghilo ningu kuxuye yekhukeu paphie.

LESHELE 102:11

Ikuxuye avelau yekukhu toike; niye qhaivekeu sutsuni toivae.

LESHELE 109:23

Avelau yekukhu toi niye hauveni cheae; niye pitheninga toi fupe wuvae.

LESHELE 144:4

Timiye atuthu lakhi toike; pa kuxu tsalaye wuve chekeu yekukhu lakhi toike.

LESHELE 16:5

AMPEU, nono imheghi eno ivehupu kumtsu tsuke, Ighenguno kiu kutopuani keno tiye o-ulo anie.

LESHELE 17:15

Ighenguye amikucho shi ino ogi ithulu nani, ino idathughi kelo oju kimihi jupesu ilokivishi nani.

LESHELE 4:6

Timi kutomono picheni “Kukumgha ta ithuluke ayela! O AMPEU, ogi kuvu nilau kughopuwo tsulo!”

LESHELE 47:4

Pano nino akeu yeghi nimheghipu shitsu, pawu timi pano kimiye chekeqo kijivilepu mheghike.

LESHELE 89:47

Ikuxuye kiutoi ikhonhei keno kumsujutsulo; nono ningu kumtsu thivenikeu shi lhoqhike!

YETSAPIU 10:14

Mbomzumiye atsa pi-pi acheni. Hipashelo kiu shini cheni keno timi khunomu mthae eno ninguno thive kethiu kiu shiveni keno khunomu ningu vilo pimlae.

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

YETSAPIU 2:24

Timi lakhino thwokha kumtsu nguno akiviu shikepu shi akeuye pano kiu qelu keno chu-shono alokughuno shiakepue. Tishikeu ghi, ino ithilu keuno highi Alhou launo ighi cheni.

YETSAPIU 2:3

Ino alokutsu minechekeuno ihakilhe ilikhi ilopiviniaye aji shonikeu shiju eno ado kivi aluni keu shijuke. Timiqoye ayeghilo ikhonheyi xuakelo hitoi keu gholauno xukeu pavi kepi ino kumsue.

YETSAPIU 3:22

Ikehu ino ithilu akeuye thime akiviu ninguno shikepushi akeuye nino kiu mlalukeno tipau pesu alovi akepue. Tinguno kutau ninguye kiumu shiakepu kuhae. Nino thive kethiu kiu shiveni cheni keno tipau ithikepu laghi kuhae.

YETSAPIU 6:11

Atsa khije alau pikeno tijehi adouke eno noye kiumu akiviuke kumoe.

YETSAPIU 7:15

Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

YETSAPIU 8:13

ikemu kixikilami ghenguye alokepu shimo nani. Panoqo kuxuye yekukhu lakhi toike eno panoqoye lhothemi shi aphi lono thive nani, kughengu panonguno Alhou gholumoke.”

YETSAPIU 8:7

Ningu gholo khunomu kiu shive nani kela ithi chemoe eno ningu vilo pitsu nikeu khumu kuhae.

YETSAPIU 9:6

Panongu kikimiye, panonguno jumithi chekeu, panongu lolo aghikumtho kumtsu panoqo gholono thive cheni. Panonguye ayeghi hipaulo kiu shiani keno khilemu tipau alo chhosulumoake.

YETSAPIU 9:9

Alhou no ayeghi hipaulo adou kuxu otsupuakeu xuake thaqhulo totimi nono kimiyechekeu sasu alokivi kuxu xulo. Ti adou tsala kumtsu aghakiqi shialo, kughengu owu shiluksa ghenguno noye tipau likhi ithulu nanike.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

James 4:14

Kughengu thoghiu nongu kuxuye kiu shive nani keno nonguye mtha aphike. Nongu kuxuye akimhi lakhino ado kitila ipeghi puzu pai hauve keu toike.