YETSAPIU 5:10 - BAIBEL (BSI)

¹⁰ Nono pisa mine cheni aye noye khilemu aghaqimo nanike; nono kinimi shinishi kutu cheni aye noye khilemu lunishike thaqhu kumtsu ithumla nanike. Hiye adouke.

Sumi Naga CL (Re-edited) Bible (BSI)

¹⁰ Khuu no pisa kimiye cheni keno, pa ye pisa shou aghaqimo nani, titoi küakini mine chekeu ye paw ilokighi jupe lukümkha shimo nani; hi ghi adoue.

YETSAPIU 5:10 ပူးပေါင်းရင်းမြစ်များ

LESHELE 52:1

Noye kushiye alhoksa kumla shi keulo qheza-laki ani kya? Alhou kikimiye ye lhokta kutoloke.

LESHELE 52:7

“Julo, timi hipauye Alhou ijehnikeu kumsu chemoe, ikemu pawu kinikulu shou pukhube, eno alhoksa kumla alau shinikeu kumsucheke.”

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.

YETSAPIU 1:8

Thwokha akunga kughapuke; tiye timino piphe khamlae. Anhethiye khilemu ju aghaqivekeu kuhae; akiniye khilemu chilukhave chemoe.

YETSAPIU 2:10

Kiukiumu ino lunishikeu ino ithulue. Ilopivi kepu jeli lakhimu milivemoe. Ino kiu mla chekeno tipaqo shou ikijivilo cheke eno hipaqo kumtsu isaxuke.

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

YETSAPIU 3:19

Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 4:16

Akukauye timi kihi khamla kepu shou ayehpe aghiluvi, ikemu kughono pano cheveni keno pano mlaqhi puatsukeu ghenguno milakhi nomu pa shikimthi chemoe. Hiye adouke. Hiye amlhu kughaju puhakeu toike.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

YETSAPIU 5:9

Kukami ghi ghile hukeu shou bepe acheni.

YETSAPIU 6:7

Timi lakhino akumla shichekeuye chukepu hami ithulu niyeke, ikemu paye khilemu lukumkhashi chemoe.

MATTHEW 6:19

“Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo.

MATTHEW 6:24

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

Luke 12:15

Panongu vilo pano pi: “Jukuto lo, alakimine jeli kumtsu lono nonguno kutokupui lulo, kughengu timi lakhi kuxuye pano kiu papushi kinimi shi aghinamu pawu kuakinino nibonilei aghikeu pesu kupukulai luve ake kumoe.”

1 Tim. 6:10

Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.