YETSAPIU 3:22 - BAIBEL (BSI)

²² Ikehu ino ithilu akeuye thime akiviu ninguno shikepushi akeuye nino kiu mlalukeno tipau pesu alovi akepue. Tinguno kutau ninguye kiumu shiakepu kuhae. Nino thive kethiu kiu shiveni cheni keno tipau ithikepu laghi kuhae.

Sumi Naga CL (Re-edited) Bible (BSI)

²² Ikehu I no ithilu keu no timi ye pa no mlalu keu lo alovilu keu nguno akiviu kühae, kughengu tino pa saje ke. Kughengu pa no thive kethiu khuu no pa saghilu no ithulu peni kea?

YETSAPIU 3:22 ပူးပေါင်းရင်းမြစ်များ

JOB 14:21

Pa nulino ajekipi shilu, ikemu paye khilemu ti mthae, pa nuli shiputha namu paye ti ithimoe.

YETSAPIU 10:14

Mbomzumiye atsa pi-pi acheni. Hipashelo kiu shini cheni keno timi khunomu mthae eno ninguno thive kethiu kiu shiveni keno khunomu ningu vilo pimlae.

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

YETSAPIU 2:18

Ino mlachekeu eno qepe qhichekeu kiunomu ighenguno akiqipu lakhimu shitsumlae kughengu ino ithikeuno niye tipaqo pesu ishelo ighinikemi qhivetsu kepu shini cheni ke;

YETSAPIU 2:24

Timi lakhino thwokha kumtsu nguno akiviu shikepu shi akeuye pano kiu qelu keno chu-shono alokughuno shiakepue. Tishikeu ghi, ino ithilu keuno highi Alhou launo ighi cheni.

YETSAPIU 6:12

Ikhonheikeu eno adou kuxu, yekukhu ighikeu lakhi toikeu kuxu hipaulo timi lakhi ghenguno kiuno akiviu keno khuuno kishi puzu ithini kya? Kughengu timino thive kethiu ayeghiqhalo kiu shinani keno khuuno kishi puzu ithini kya?

YETSAPIU 7:14

Nono kinikulu shilu ake tsalalo alovi alo eno shiluksa tsalalo hi kumsululo: Alhou no alokivi eno shiluksa ghi puwu cheni, tipau thiu kiu shi ighi nani keno timiye khilemu ithi chemoe.

YETSAPIU 8:15

Ike timiye pa lopivi kepushi akepu ino ithilu auvae, kughengu hipa kuxulo pa ghenguno aghakiqipu hilikhi ani tiye chu shono pa likhi pa lopivi anikeu Alhou no ayeghi hipaulo akuxu pa tsu puakeu ghulokilo pano ichhe ime mla akeulo hilikhimu shi kepushi anike.

YETSAPIU 8:7

Ningu gholo khunomu kiu shive nani kela ithi chemoe eno ningu vilo pitsu nikeu khumu kuhae.

YETSAPIU 9:12

Kughono odo oghuloki ighi nani keno noye khilemu ithimo nani. Alichhe lono paikhavi no aghau meluveke toi eno akhamelo akha meluveke toi, nino kumsumo mitheno ake lono ado lhoksa lono ningu meluve cheni.

YETSAPIU 9:6

Panongu kikimiye, panonguno jumithi chekeu, panongu lolo aghikumtho kumtsu panoqo gholono thive cheni. Panonguye ayeghi hipaulo kiu shiani keno khilemu tipau alo chhosulumoake.

DANIEL 12:13

“O Danel, noye ashekha kutolo aghokulu shilo. Tishiaye noye thivemu xuithughiveno ashekha lono agho ithulu nani.”

MATTHEW 6:34

Tighenguno thoghiu vehu pesu omlo kutakihi pekevilo, kughengu thoghiuno thoghiu tsala ghenguno amlo kutakihi kepu ananike. Atsala atsalalo kutakihi kepu akeuno tipa tsala ghenguno lukumkhake.”

ZAKINIU 12:18

Nongu, notianuli eno noqemiqono Levimi nowu taun lo akemiqo sasu kumtsa AMPEU nongu Lhou gizulo likhino akumllagho hipaqo chulo, tiye AMPEU nongu Lhou no akumlla-a lakhi kishetsu keu-alo likhino shilo. Nonguye tipa-a lono nono shilukeu thwokha ghenguno alovilulo.

ZAKINIU 12:7

Tilau AMPEU Alhou no nongu kumghatsu keu gizulo no kibolomi sasu mlalukeu thime kiviqo chuno aghakiqi shilo.

ZAKINIU 28:47

Alaghi thwokha lono AMPEU no nongu kumghatsu ke ikemu nonguno alokivishi eno amlo kiqi lono pa qemoke.