YETSAPIU 3:2 - BAIBEL (BSI)

² Pano qhipe puatsuake, punupe kepu do eno thivepe kepu do, shosupe kepu do eno nhuvepe kepu do,

Sumi Naga CL (Re-edited) Bible (BSI)

² punu kepu do, eno thive kepu do; shosü kepu do, eno nhü kepu do;

YETSAPIU 3:2 ပူးပေါင်းရင်းမြစ်များ

BOTHUBO 17:21

Ikemu i-u puloshoqhiye Isak lau qhi nani, toku hipa ghulokilo Sara no pa punu nani.”

BOTHUBO 47:29

Kughou Israil no thivekepu do kupunuve keno pano Josef kupuzu pavilo pi, “Ino ogizulo olopu shilu aghi aye o-u ipukudolo beno ashoqhi shilo, noye igihu eno ilau kuchou shinikeu pilo eno Ijip lo ikumo qhokevilo,

KUKAMI ATUGHIU 13:2

AMPEU zahkutsu vechewono ti tungkupu huno akumlla kiptia piputhave: “O akiptia, akiptia, ipi AMPEU no ishi pi: Anu lakhi, khuu je Josiya kupani keno David lagha lono punu nani. Pano nongu achinemiqo ghiqhive nani, khunoqo asuatu kumllami kiptia lono akumllagho tsu ani keno eno pano nongu timiqo saghi piti nani.”

KUKAMI AKINIU 4:16

akelono Elisha no li vilo pi, “Toku hipa ghulokilo noye o-u lo anu lakhi khape kepushilu nani.” Lino akichiqhi pi, “O Alhou wu timio, oqeliu pishiqhi tsu kevilo.”

JOB 14:14

Timino thive aye xuide thughi nanima? Ithelilo ighimoke kutolo, ino mlake do kupuju lo kheajunie.

JOB 14:5

Pa kuxu lathaye puzuuno nono kughathavae, paye aqhi khijehi xukepu keno nono ithi anie eno nono bothavekeu paye hechemlae.

JOB 7:1

Timi kuxuye ghushimi lakhi kuxu lo kushokutsu hutoie, pano kuxuye aqekiqemi toike kumo kesha?

LESHELE 113:9

Pano anuhau totimi lau anuli pesu tsu eno tipaqono li lopivitsu nani. AMPEU sheqhelo!

LESHELE 52:5

Tighenguno Alhou no alhokupuju ghenguno okutsave nani; pano otsu quluve nani eno oki lono osunhe sawuve nani; pano kuxumi yeghi lono no ikhive nani.

AHOLE 24:27

Oyikulu kutolu mphi eno nono qechukulupu laghi mutsuqhei shimphiloye noye aki shikevilo momu akibo shi kevilo.

ISAIAH 28:24

Alukichimi khunomu axa yisunike ghenguno pulhapuju ayeghi holekeu likhi hole auve chemoe; paye pulhapuju alu ghu-auve chenikesha?

ISAIAH 38:1

Tipa ghulokilo akukau Hezekiya ye suve eno thiveni cheghive. Amuz nu Isaya tungkupuno pa putsaniye wuke eno pa vilo ishi pi, “AMPEU no ovilo pianike noye thwokha kumtsu kutokupui luvelo piani, noye vikithemo nanike ghenguno thivekepushi kutolulo.”

ISAIAH 38:5

“Ni AMPEU, osu David Lhou no okighini chiluvea eno onhezu ithuluveake; ino opelo itaghi ampe chighipungu alau xupeni.

ISAIAH 54:1

Jerusalem, noye totimi anu hami lakhi toi acheke, ikemu itehi noye alokivi launo ighamuku alephelu nani. Noye totimi akimino khilemu phe mokeu nguno alaushi itehiye atianuli shilu nani!

JEREMIYA 1:10

Ishi tsala lono ashiayehqo ngo akukaqhaqo nhuvepe eno tulevepe nikeu, kutsave eno halevepe nikeu, shipuku eno shosupenikeu kuka ino otsu ani.”

JEREMIYA 45:4

“Ikemu ni AMPEU ye ino kiu shipuku puakeno xaleqhive ani eno ino kiu shosu keno nhuleve ani.

MATTHEW 13:41

Timi Nu no pawu kungumi puwu nani eno pawu Ayehkipeqhalo timi pelo axine shivepe chekeu kumtsu eno alhoksa shichekemi kumtsu kungumiqono xukumqo nani,

MATTHEW 15:13

Tile Jisu no khochile, “Ipuh kungughalo akeuno shosumo keu subo khikhi aghini keno nhuve nani.

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

Luke 1:20

Julo, hi kumtsu shikupu moke tsala kutolo noye atsa pilumono inaqhoive nani, kughengu ado achipi lono shikupuniye akeu itsaqo nono pulumoe.”

Luke 1:36

No sholokumi Elizabet julo, li ghi kitemi shive mu anu lakhi mishikeu hi aqhi akutsughou shi ani. Liye anuhau ipi chekehu.

John 16:21

Totimi lakhiye anga punu niye su akelo amloksa shicheni, kughengu lino aghime shikepudo ighi kehu; ikemu kughono anga punuluveni keno liye li ghime kumsumave cheni, tiye anga lakhi ayeghilo punusulukeu lokivi launoke.

John 7:30

Tileno panonguno pa kughaluveniye pukaputsa, tishimu khunomu pa shou a-u chhopuku moe, kughengu pa doye tomphi kehu.

Apostolmi 7:17

“Alhou no Abraham vilo piqhipuakeu kupunikeu do kupunuvekelo Ijip lo nitimi alaushi ikowove.

Apostolmi 7:20

Tishiake holono Muse punu. Paye anga jukivi kutsasa. Aqhi kuthu kuto pa puazano aki lono pa tucho mujo puthu.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

ZAKINIU 34:5

Tighenguno AMPEU qeu Muse ye tilau Muab ghakhu lono thive, AMPEU no tishi velopi pive keu toi shive.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.

SAMUEL ATUGHIU 2:5

Inahuu khunoqono akivishi ililai xuchekeno tipaqouno achuqupu ithuluni kelauno qeu khave, ikemu akhuava shichekeqoye muzuthi movae. Anuhami anipuqo huno anuli tsuni kutolo punu auva, Ikemu kutomo paza shichekeqo huye khunomu panongu sasu ngomovae.