YETSAPIU 3:17 - BAIBEL (BSI)

¹⁷ Ilikhi ivilo ishi pi, “Alhou ye amikuchomi eno alhoksami aphiphi lono kughathaveni cheni kughengu thime kumtsu, mla ithakeu kumtsu pututa do qhipua tsukeu lono shi ipeghi nani.”

Sumi Naga CL (Re-edited) Bible (BSI)

¹⁷ I mlo lono I no pi, Alhou no amikuchomi eno kixikilami shou küghatha nani, kughengu avehu eno akümla kümtsü ghenguno ado anike.

YETSAPIU 3:17 ပူးပေါင်းရင်းမြစ်များ

BOTHUBO 18:25

Tikithipu shinikeu tiye olauno putosu ape kepue: amikuchomi pesu alhoksami paphi shikeuye olauno putosu apekepue. Ayeghi kumtsu shou kughakuthauye achipiu shimoni kesha?”

LESHELE 96:13

tiye kughou AMPEU no ayeghi shou ayehpenike ighini keno. Pano achipiu xakutha ngo aghibiu lono ayeghilo timiqo shou ayehpe nani.

LESHELE 98:9

kughengu pano ayeghi shou ayehpenike cheni. Pano achipiu xakutha eno aghibiu lono ayeghilomi shou ayehpe nani.

YETSAPIU 1:16

Ino ilikhi ivilo ishi pi, “Niye kijemi lakhi shiluvea, izuu Jerusalem lo ayehkipemi kumtsu nguno ino alokutsuu. Alokutsu ngo akighithiye kuchouno kiukeno ino ithi ani.”

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

YETSAPIU 12:14

Ninguno thwokha shikeu ti akivi na alhoksa namu Alhou no kughathani cheni, tuqho-tughouno mla puakeu thime shou ghi kughatha be nani.

YETSAPIU 2:1

Ino ilikhi ivilo ishipi, “Alokiviye kiu keno ino tipau phujuno aloino ngoni cheni.” Ikemu highi adou kepi ino phulue.

YETSAPIU 3:1

Ayeghi hipaulo shichekeu thwokha Alhou no kuto pe puakeu do lono shicheni.

YETSAPIU 8:6

Kiu kiumu ado eno aghola achipiu lono thwokha kumtsu shikepu acheni, ikemu ninguye kitila likhi ithianike!

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 12:9

Pano khochile, “Noye itehino wovemasae, Danel, kughengu atsa hipaqoye ashekha tsala ighimoke kutolo kusu pua masake.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

John 5:22

Apuh ye khuu shoumu kughakutha bechemoe, ikemu kughakutha kumtsu pesu Anu tsuvae,

Apostolmi 1:7

Jisu no panoqo vilo pi, “Aghuloki khikhi Apu no pa gho apulou lono kutope puani keno nonguye ti ithi mayesake kumoe.

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

1 Thes. 5:1

Ikemu athikuzumiqo, kiu ghuloki eno kiu tuqhudo lono hipaqo shi nani keno nongu lau kiumu yeakepu kuhae.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 20:2

Pano Dragon, khaghi apighi hu tsuquluve, tipauye Tughami momu Satan huke, eno ampe 1000 ghenguno pa tshupe qhive.