YETSAPIU 3:14 - BAIBEL (BSI)

¹⁴ Ino ithi anike Alhou no mlakeu jeli kumtsu alhokupujulo ache nani. Noye tipaulo kiumu sukupha mlae momu tipau lono kiumu ikhisuwuve mlake. Alhou no shitsukeu thime lakhiye pa sumsape niyeke.

Sumi Naga CL (Re-edited) Bible (BSI)

¹⁴ I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

YETSAPIU 3:14 ပူးပေါင်းရင်းမြစ်များ

SAMUEL AKINIU 22:31

Alhou hipau pa kumlaqoye kiutoi kupukulu kya! Pa tsaqoye kiutoi pukhube kulu kya! Khunono pa sukusho phucheni keno panongu kumtsu lau paye azuto lakhi toike.

LESHELE 33:11

Ikemu AMPEU kukughu qoye alhokupuju ache nani; Pa kimijiye lhokta kutolo anani.

LESHELE 64:9

Timiqoye kumtsuno musave nani; Panonguye Alhou no kiu shivea keno lhe nani, eno Alhou no kiu shivekeno kumsukutoju nani.

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

AHOLE 21:30

Tsala AMPEU no ogholo ngomove aye alokutsu, tsughaminhe keu eno jupili kuluye okuphuluni chemoe.

AHOLE 30:6

Pano khilemu pipuamo amu kiuala piqhi puanikepi nono picheni aye pano olomi pinani eno noye kimkimi lakhi kepi pano ophuluve nani.”

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

YETSAPIU 5:6

Olikhi otsano opelo axinelo sailovepe keu shikevilo eno hithiuno Alhou chinemi vilo nono pimivekeu pikepu shikevilo. Kushiye Alhou pelo oshou axuide apeni kya? Kushiye nono mla puakeulo Alhou pelo kutsapiniyive apeni kya?

YETSAPIU 5:7

Nono khijejehi asamo pumo aghina, khijejehi adou kumla nono shiaghi pina momu khijejehi atsa zale aghinamu noye Alhou sumsa moaye sake.

YETSAPIU 7:18

Noye hipau tsuqupelu keuno aloke eno hipau phevekepu kumoe. Nono Alhou sumsa aye kiukiu la lomu tokulupu shi nanike.

ISAIAH 46:10

Inahu abothu lono kiu shi ipeghini keno asheazushi ino pivae; khaghino kishive nani keno ino pivae. Ikukughuye khilemu ikiqimo kepi ino pike, ino kiu shinikeu shipuani keno tipaqo kumtsu ino shini cheni.

DANIEL 8:8

Anetsuno alaushi qheza kithe wuve ikemu akuka shishe mugha chhoi ake lono pa kibo icheve eno tipau alono akibo bidi ipeghive, pano bidi apanagha akujula kututashi ipeghi.

Apostolmi 2:23

Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

Apostolmi 4:28

Nono azunatha ghi kiu shi nanikeno kughupe puakeu tipau shinike panonguno kumtsa kumqoe.

Apostolmi 5:39

ikemu tsala kuchouno Alhou launo shiaghiaye nonguye panongu theqhivemla eno nonguno Alhou mujochilekeu shiaghiluvike!” Ahohomi no pano pikeulo pulosulu khave.

Rommi 11:36

Kughengu thwokha kumtsu pa launo ighi, thwokha kumtsu pa vechewo ani eno thwokha kumtsu pa launo kishekha ani.Alhou lau akimthe jekipi pulhapuju apelo! Amen.

Ephesiami 3:11

Hiye pano lhokta lono mijipe puachekeu ningu Mpeu Jisu Khristo lono mutsuqheyi shilupeke.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

Titus 1:2

Alhou ye mikichemoke, hiye aghuloki huthumphi lono pano piqhivae,

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”