YETSAPIU 3:11 - BAIBEL (BSI)

¹¹ Pano thwokha ghenguno ado achipiu qhipe puatsuake. Pano ningu pelo ighi nikeu ghili ithi peniye ningu tsupe puani ikemu pano kiu shicheni keno tipau aghakiqishi ithiwoto kulupu khilemu ningu tsumoke.

Sumi Naga CL (Re-edited) Bible (BSI)

¹¹ Pa no thokha kümtsü pütüta ghuloki lo jukivishi mlavae. Pa no timi mlo lo lhokta sütsüe, tishi keghi Alhou no abothu lono ashekha kutolo kiu mla keno timi pelo ithi pemoe.

YETSAPIU 3:11 ပူးပေါင်းရင်းမြစ်များ

BOTHUBO 1:31

Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.

JOB 11:7

Noye Alhou wu tuqho tughou phu kulupu kesha? Noye Tuchomujokutsuu shekichi phukulupu kesha?

JOB 37:23

Alhou ye ningu no phukhawo tomlae, paye akuka eno achipi lono kugha tsukeu lo kijeke; amikuchono chhitoi ke, paye ighove moe.

JOB 5:9

Pano ninguno lhemlakeu thime kije mla cheni. Pa kumzapu kumla ye kihi khamlae.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

AHOLE 16:4

AMPEU no mlape puakeu jeli kumtsu pututa kimji ani; eno kixikilamiye kutsapinyiveni keu kimji shipe puani.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 11:5

Totimi lakhi polo anga mishipu akeu kuxu kishieno tishive cheni keno ithi kuthuwomla kehutoi noye Alhou no thwokha mlape puakeu ithini chemoe.

YETSAPIU 7:13

Alhou no mlakeu kumsukutojulo. Alhou no ihoghulai shipe puakeu kishi puzu khuuno tipau sukumzuluni kya?

YETSAPIU 7:23

Ino alokutsu peitha puzu hipaqo kumtsu pejuveake. Niye alotsuni keulo imlotsuke ikemu tiye ilauno putosu auve.

YETSAPIU 7:29

Ino ithi keuye hilikhike: Alhou ye mutsumishei eno muzuchoi ningu lhophe ke ikemu ninguno nipesu kuptshu kupunaiveke.

YETSAPIU 8:17

eno tishi ke ghi Alhou no kiu shiani keno khilemu ithiwo tolu chemoe. Nono kiu papu shi pukaputsa namu noye khilemu phupheluni chemoe. Alokutsumino panono ithivea kepi piaghiluvi ikemu panonguye tishimla aphie.

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

MATTHEW 13:22

Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

Mark 7:37

Eno ti chilukemi kumtsuno shishe akumzaveno ishi pi, “Thwokha pano shipivivetsu: Pano akini kughupomi pelo chilupe eno atsa piphemlakemi pelo pilupe ke!”

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.