YETSAPIU 2:22 - BAIBEL (BSI)

²² Akuxu kupujulo timiye aghime shi mla cheni eno tiye kiu melono tishi ime acheni kya?

Sumi Naga CL (Re-edited) Bible (BSI)

²² Khetsünhe qholo akaghashi mla apüzü timi ye kiu ala shilu cheni kea?

YETSAPIU 2:22 ပူးပေါင်းရင်းမြစ်များ

LESHELE 127:2

Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

AHOLE 16:26

Aqekiqemi khuamzuno papelo aka aveshi mlachenipe tiye pano muzuthi akeu ghapiqi tsunishiyeke.

YETSAPIU 1:3

Okuxulo kushiniye ichhe ime mla acheni kya?

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 3:9

Ninguye akumla shichekeu lono kiu alla shilu puani kya?

YETSAPIU 4:6

Timu tishi aghiluvi, ikemu kitila aghikeu pesu amlo iqunei akeuno a-u putoputo gha aghime shi amlhu kugha haju puha akeu nguno akiviuke.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

YETSAPIU 5:17

Ninguno zumoikeu, amlo ghime, amlo kutakihi, amlo kighide eno kusukini lono xu acheni.

YETSAPIU 8:15

Ike timiye pa lopivi kepushi akepu ino ithilu auvae, kughengu hipa kuxulo pa ghenguno aghakiqipu hilikhi ani tiye chu shono pa likhi pa lopivi anikeu Alhou no ayeghi hipaulo akuxu pa tsu puakeu ghulokilo pano ichhe ime mla akeulo hilikhimu shi kepushi anike.

MATTHEW 16:26

Timi lakhino ayeghi kuchopu pawu shiluve pinamu pa kuxu puwovekepu shive aye timi tipau ghenguno kiu ala shilu akya? momu timiye pa kuxu theli kiu tsulu kepu kya?

MATTHEW 6:11

Tsalakipe chuqupu ishi tsalalo ningu tsulo;

MATTHEW 6:25

“Highenguno ino nongu vilo pini, xuanike ghenguno kiu chuni shonikela momu aphi-mpi ghenguno kiu pepuni kelapi nongu mlo kutakihi kevilo. Akuxuye achuqupu nguno akhotouke kumokesha? Momu aphi-mpiye aphimini nguno akhotouke kumo kesha?

MATTHEW 6:34

Tighenguno thoghiu vehu pesu omlo kutakihi pekevilo, kughengu thoghiuno thoghiu tsala ghenguno amlo kutakihi kepu ananike. Atsala atsalalo kutakihi kepu akeuno tipa tsala ghenguno lukumkhake.”

Luke 12:22

Jisu no pa khopemi vilo pi; “Ino nongu vilo pini, kiu chu puzu xuani kela, kiu phimini uni kela pi kumsu kimgheyi kevilo.

Luke 12:29

Tishiaye kiu chu-shonia pi phukeulo nonguye kumsu kimghei kevilo.

1 Kor. 16:16

Ino nongu choha anike, nonguye timi hitoikeqono saphekeu papelo, eno khunoqono panongu gholo mla ani eno aghimeshi mlakuqha chenikeno tipaqo papelo.

FILIPIAMI 4:6

Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.

1 Tim. 6:8

Tishiaye, chuqu kusho eno aphimini aghi aye ningu ghenguno tino kughokumoke.

1 Peter 5:7

Omlo ghime kumtsu pa lau qhivetsulo kughengu pano ojukuto chenike.