YETSAPIU 2:21 - BAIBEL (BSI)

²¹ Kughengu khaniloye timiye alokutsu ngo akighithi eno asuqekithi peithano ime mlachekeu kumtsu qhivetsuno tipaqo ghenguno ime mlamo kemi pelo alokughunoshi peithawuvepe cheni. Hiye adouke eno hiye achipi kumoe!

Sumi Naga CL (Re-edited) Bible (BSI)

²¹ kughengu khaniloye timi khuu no alokütsü ngo akighithi eno shitsa peitha no akaghashi mlache keno, pa ye ti kümtsü pesü imemo kemi pelo alokughuno shi peitha penike qhivetsü masave cheni. Hi ghi adou eno amhekiqipu kije ke.

YETSAPIU 2:21 ပူးပေါင်းရင်းမြစ်များ

YEKIKITHI AKINIU 34:2

Paye AMPEU lopu kiu keno tipau shike; pano pasu David Akukau kuxu papeghi Alhou yezah kumtsu iqemono aghokulu shike.

YEKIKITHI AKINIU 35:18

Tungkupu Samuel ghulokilo thono Hechekulu ghulhu ye khilemu hikithipu shi ikhilu mphike. Puzuu kukami lakhimu Akukau Josiya ngo achinemi, Levimi eno Juda ngo Israil eno Jerusalem lo akemino hi hechekulu ikhilu keu kimihi ikhilupe puamoe,

LESHELE 39:7

Tishiaye, niye kiu laju akepu ani kya? AMPEU, ino oshou lajukeu beni.

LESHELE 49:10

Kumtsuno ithulu anike alokutsumi ghithive cheni, mbomzumi ghi titoive cheni, kumtsuno panowu kua-kini kutami qhivetsu cheni.

LESHELE 49:11

Pano kumokino alhokupujulo panoki ke; panonguno pano yeghi ani kepi ghuthu lakhiloye pi ache namu panoye alhokuthu akumokilo acheuve nani.

YETSAPIU 2:20

Tighenguno niye kushiniaye ighono ime mla chekela pi imloksa shi ani.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

YETSAPIU 9:18

Alokutsu no aghunanu nguno alau akivipu shicheni, ikemu axinemi lakhino akivipu kutomo shipusave chenike.

JEREMIYA 22:15

Nono kedar pesu kutami ki nguno jukiviushi aki shikeu lono noye akukau akiviu shiluve anipe kema? Opuye akuxu chhikhoyi xuke. Paye pulhapujulo achipiu eno aghibiu shicheke eno pano shikeu kumtsulo alokepu shicheke.

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.