YETSAPIU 2:17 - BAIBEL (BSI)

¹⁷ Tighenguno akuxuye kiumu akiqipu kuhae kughengu ikuxulo kiumu sughi tsumoe ikemu akupuna likhike. Hi kumtsu adouke; hiye amlhu kughaju puhake toike.

Sumi Naga CL (Re-edited) Bible (BSI)

¹⁷ Ikehu ni ye aküxü azüzüve, kughengu khetsünhe qholo kiu shi ani keno aveküsapu ke. Hi kümtsü adou eno amülhü küghaju püha aketoi ke.

YETSAPIU 2:17 ပူးပေါင်းရင်းမြစ်များ

KUKAMI ATUGHIU 19:4

Elija ye atsala kupuju aghasaqhalo ala chesu wuve. Paye asubo lakhi kicheqholo iqa ngolu eno tilehinomu thiveni keghi pi kumsuuve. “AMPEU, hiye ihuloe, ikuxu luvetsulo; thivekeu pavi auvae!” ipi inikhue.

JOB 14:13

O nono kithimi ghakhulo ikughape kughutshuve pemlae, ologhu shekha tamoke kuto ikusuve pemlae, eno ikumsulunikeu do kophetsu pemlae!

LESHELE 89:47

Ikuxuye kiutoi ikhonhei keno kumsujutsulo; nono ningu kumtsu thivenikeu shi lhoqhike!

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 2:22

Akuxu kupujulo timiye aghime shi mla cheni eno tiye kiu melono tishi ime acheni kya?

YETSAPIU 3:16

Tishike shouno, ayeghilo ino highi ithulu acheni, kuchou eno achipiu aghi kepu kelauye kixikilau ani.

YETSAPIU 4:2

Niye thive hauve kemi mine acheni; kughengu panonguye kuxumi nguno akiviu shiauvae.

YETSAPIU 4:3

Ikemu hikuma nguno akiviuno punumove keqou pavike, panonguye ayeghiqhalo alhoksa kumla ithulupe chemoke.

YETSAPIU 6:9

Hiye adouke, hiye amlhu kughaju puhakeu paphike. Nono kiu ani keno tipaulo aghakiqhishi akeuno kutau kiuala lunishikeu nguno akiviuke.

EZEKEL 3:14

AMPEU kuka kumto kuloghi ishou ikughi, eno pa ghunguno ixapuwuve kelo niye khumtsayi imlo ide ae.

JONAH 4:3

Tighenguno O AMPEU, itehino ikuxu luvetsulo. Niye xu anikepu ye thivekeu pavike.”

JONAH 4:8

Tsukinhe ipeghikelo, Alhou no shukuthuyi keu mulhu kipelauno puwu eno tsukinhe kushuno pa kutsulo pughaqhi kelauno Jona ye izuvulayi iluqiveni cheghi, ike paye thive nishiuve. Tileno pano pi, “Niye xuani kepuye thivekeu pavike.”

HABAKUK 1:3

Kushiye noye ipelo shiluksa eno akupuna ithulupe kya? Noye kishi puzu akumoushi akeu jupukulu acheni kya? Shikupsa eno heqhi buqhikeuno isuhope ani eno aqha kumtsulo kichighi kukuo eno mutokeu anie.

AKIKIHI 11:15

Nono hitoi isa kughujuni aye kishimo ake ipithivelo, tishi anguno niye oyiksa kumla puqhemoake.”