YETSAPIU 2:16 - BAIBEL (BSI)

¹⁶ Khunomu alokutsumi na anikhami pinamu kumsuchilelu chemoe. Ighinikeu tsalaloye ningu kumtsu kumsuma khave nani. Alokutsumi na anikhami namu ningu kumtsu thive nani.

Sumi Naga CL (Re-edited) Bible (BSI)

¹⁶ Khunomu alokütsümi na anikhami namu kümsü luni chemoe, kughengu ighini keu tsala loye kümtsü kümsüma khave nani. Alokütsümi ghi anikhami toi kishi thive cheni kelae!

YETSAPIU 2:16 ပူးပေါင်းရင်းမြစ်များ

SAMUEL AKINIU 3:33

David no Abner ghenguno mloqa keu le ishi phe: “Kushiye Abner ye tumhotuzu toi thive kya?

LESHELE 103:16

Tileno tipa shou mulhu pukuaye tiye cheve cheni khunomu itaghi tipau ithulu chemoe.

LESHELE 49:10

Kumtsuno ithulu anike alokutsumi ghithive cheni, mbomzumi ghi titoive cheni, kumtsuno panowu kua-kini kutami qhivetsu cheni.

LESHELE 88:12

Ti zumoikeu-alo nono akumzapu kumla shikeu ithulu chenima? Momu kumsuma qhoive ke yeghilo noye akivi kepi ithulu chenima?

IPEKULU 1:6

Tishiche ke dolono Josef ngo pa thikuzumi eno tipa tiqhelimi kutami kumtsu thikhave,

IPEKULU 1:8

Tishi akelo Josef ghili mthakemi akukau akithe lakhino Ijip lo akukau shi ipeghive.

AHOLE 14:8

Shitsamiye kushiye alotsu kya? Kughengu kiu shikepu keno paye ithianike. Kushiye mbomzumiye anikha shi cheni kya? Kughengu pano ithi anikepi kumsu kehue.

YETSAPIU 1:11

Wovekeulo kiu shivea keno khunomu kumsuchilelu chemoe eno itehi ngo ighinikeu tsalalo ghi kiu shiveni keno khunomu kumsuchilelumo nani.

YETSAPIU 2:14

Alokutsumiye khilau wucheni keno ithi ani ikemu anikhamiye tishimlae.” Ikemu shekhalo kiu shive chenikeno ningu kumtsuno ithi anike.

YETSAPIU 2:15

Tileno ino ilikhi ishi iputsa, “Ashekhaloye anikhami gholo aphiphishi imeve nani, ike ino alokutsu shiakeuno kiu alau shiluni cheni kya?” “Kiumu kuhae, adouke” ipi ilikhi ikhochile.

YETSAPIU 6:8

Alokutsumiye kiutoi anikhami nguno akiviu kya? Kumlhomi lakhiye akuxulo kishi xukepu keno ithikeu likhino pa kivipu kiu shiluni kya?

YETSAPIU 7:2

Kusakusho kilo wukeuno aghulhu shiakeu kilo wukeu nguno akiviuke, kughengu akithino ningu kumtsu ngokhe akeu tsa pesu kuxumi piputo tsu acheni.

YETSAPIU 8:10

Tipashelo kixikilami kumo qhoveno akumo kilivelo auve keu ino ithuluke, ikemu akumokilive lono wochekelo timino panono alhoksa kumla shichekeu phughilo pano sheqheke. Highi adouke.

YETSAPIU 9:15

Timi kumlhomi lakhi tile ache eno pano tipau taun xaphelu kepushike, ikemu timi khumu pa phimono acheke.

YETSAPIU 9:5

Iyei, kuxumino panonguye thive nani kepi ithiani ikemu kithimiye kiumu ithiamoe. Panonguye asaxu kutau kuhake; kutamino panongu kumsumave cheni.

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.