YETSAPIU 12:5 - BAIBEL (BSI)

⁵ Noye qhemghaikeu-a jupesu musave nani eno alachekeu ghi akuighupu shive nani. Osa mpave nani eno noye akushukulu opuqhelu kepu shi nani eno minemighei kepu jeli kumtsu kuhave nani. Ninguye ashekhau kulhokiqhi alo wuve nani eno tileno alaghilalo akuqa kumlo shi nani.

Sumi Naga CL (Re-edited) Bible (BSI)

⁵ panongu ye qhemghai ke-a jupe msa nani, alaghi lo aküighüpu ithulu nani; almond sübo no puyelei, atikha no asheshi no pükawu nani, eno akiminepu kühave nani, kughengu timi ye paw lhokta kilo wocheae eno mloqa kemi no alaghila lo itsü chenie.

YETSAPIU 12:5 ပူးပေါင်းရင်းမြစ်များ

BOTHUBO 42:38

Ikemu Jakob no pi, “Inu Benjamin ye nongu gholo iqi pemoe. Pamuye thivae eno palikhi veake. Aghuzulalo nongu cheke lono pa kithipu sholuve aye ino ateasu shivekethiu ghi akumolo iloke kutolo nonguno ipelo amlo ghime shipeni chenie.”

BOTHUBO 44:29

Tsala nonguno hipau ghi ilauno sawu puzu pashou kiuala akumou shiveno thive aye ino ateasu shive kethiu ghi akumolo iloke kutolo imlo ghimeshi ilo peni chenie.’

BOTHUBO 44:31

appu ningu gholo cheghi mokeu ithulu kelo paye thiniae. Eno ningu oqemiqo no nipuno ateasu shive kethiu ghi akumolo iloke kutolo amlo ghime shipeni cheni.

JOB 15:10

Apunu mipelo na asakumpalo namu, opu nguno akichiu timi nimqolo anie.

JOB 17:13

Kithimi yeghi mineauvae. Akuzu lo zuniaye izu-a qhae.

JOB 30:23

Kughengu ino ithi ani, nono akithi lo isawo suniye anike, kuxumi ghengu kutope puakeu-a lo.

LESHELE 71:18

Tihutoi kitemi eno asa mpave namu pianiaphi, O Alhou, ipheve kevilo! Tiqhelimi kumtsu vilo okuka kumto ghili piakelo igholo chelo.

AHOLE 16:31

Amikuchomi saxuye axukushuke; asa kumpaye ajekipipu kutsukuqhoke.

AHOLE 20:29

Ninguno lhothemi shiaji kumto shecheni eno asakumpami sumsa cheni.

YETSAPIU 9:10

Kiu kiu namu nono mlakeulo shishe mlalo, kughengu kithimi yeghiloye mla itha keu kuha, kumsukeu kuha, akighithi kuha, alokutsu kuhake eno noye tilehi wuchenike.

ISAIAH 46:4

Ino nongu Lhou ke nonguno kitemi shike kutolo eno asa mpaveke kutolo ino tucho hiju nanike. Ino nongu kughulhoke eno nongu tucho hiju nani; ino nongu kuphu eno nongu xaphelu nani.

JEREMIYA 1:11

AMPEU no ivilo ishi iniju, “Jeremiya, noye kiu ithulu ani kya?” Ino ishi khochile, “Almon suloka lakhi ithulu ani.”

JEREMIYA 9:16

Ino panoqo kugha pesu ashiayeh kutami gholo kuthole puwuve nani, tiye panongu ke kumono pano puasu ghi chimla aphikemiqo gholo puwuve nani, ino panoqo qhoyi kutsale khavemoke kutolo ino aghushimi muqo panongu shou puwu nani.”

ACHINE 19:32

“Kitemi lau qhoqhu sumsakeu piyelo eno panoqo gihulo. Isumsalo; niye AMPEU ke.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.