YETSAPIU 11:9 - BAIBEL (BSI)

⁹ Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

Sumi Naga CL (Re-edited) Bible (BSI)

⁹ O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 11:9 ပူးပေါင်းရင်းမြစ်များ

BOTHUBO 3:6

Atotiuno asuboye jukivipushi ithulu, tipau xathiye chukivipushi ithulu eno lino kumsu keuno alokutsu tsuluni keulo minemighe kepushi aghi. Ike lino axathi tipau xope chuve, tishino tipau xathi pesu li kimi tsu eno pa ghi ti chuve.

BOTHUBO 6:2

Alhou nu noqono totimi hipaqo ithulu eno juvi aghi kelauye, panonguno lunishikeu kishe sawo anipu shie.

KUKAMI ATUGHIU 18:12

Tsala AMPEU ghunguno ino piwuveke dolono oxapusu a-a kumthalo wuve aghi aye, ino Ahab vilo noye hilehi ani ipi puzu pano ophuju puhave aye paye mutsuqheino iheqhi pithive nani. Niye itilono AMPEU mllasusu xu ithughivekemi ipi kumsulu masae.

KUKAMI ATUGHIU 18:27

Puchou shiveke lono Elija no panongu junuqhi ghi pi: “Ighono igha inikhulo! Paye Alhou lakhi ya! Paye asamo pumo aghimu mthae, momu amlhu chuwuve aghimu mthae, ala kushuwolo izuwuveamu mthae! Maye paye zu animu mthae ikemu nonguye pa kuda puthu masae!”

KUKAMI ATUGHIU 22:15

Kughou pano akukau Ahab zulo ipeghi keno akukauno pa vilo iniju, “Mikaiya, akukau Jehosafat ikujoye Ramot lewukepu keo mokya?” “Le wunithono! Noye tolu nanike, AMPEU no tokulu pesu otsu nanike.” ipi Mikaiya ghi khochiletsu.

JOB 31:7

Ipukhune suqhepimi puaghi aye, eno imlo pelo inhethi papewu puaghi aye, momu axine iu lo dapesu aghi aye;

LESHELE 81:12

Ikehu ino panoqo pelo aghelumo kemi laghilo wuvepeke, eno panonguno kiu shinishi keno shipeke.

YETSAPIU 12:1

Nono lhothemi shiaphi lono oLhophe keu kumsulu lo, atsala kuzuqo sholumphi lono, ti ohaluveno nono “Niye akuxu azuzuvae” ipi nanike.

YETSAPIU 12:14

Ninguno thwokha shikeu ti akivi na alhoksa namu Alhou no kughathani cheni, tuqho-tughouno mla puakeu thime shou ghi kughatha be nani.

YETSAPIU 2:10

Kiukiumu ino lunishikeu ino ithulue. Ilopivi kepu jeli lakhimu milivemoe. Ino kiu mla chekeno tipaqo shou ikijivilo cheke eno hipaqo kumtsu isaxuke.

YETSAPIU 3:12

Ike ino ithiluve keuye niye alokivishi akepue eno nino xuake kutolo ninguno toluke thaqhu akiviu shi akepue.

YETSAPIU 3:17

Ilikhi ivilo ishi pi, “Alhou ye amikuchomi eno alhoksami aphiphi lono kughathaveni cheni kughengu thime kumtsu, mla ithakeu kumtsu pututa do qhipua tsukeu lono shi ipeghi nani.”

YETSAPIU 6:9

Hiye adouke, hiye amlhu kughaju puhakeu paphike. Nono kiu ani keno tipaulo aghakiqhishi akeuno kutau kiuala lunishikeu nguno akiviuke.

YETSAPIU 7:14

Nono kinikulu shilu ake tsalalo alovi alo eno shiluksa tsalalo hi kumsululo: Alhou no alokivi eno shiluksa ghi puwu cheni, tipau thiu kiu shi ighi nani keno timiye khilemu ithi chemoe.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

AKUMLO 3:27

Nino lhothemi shi aphi lono kheakulu hipau shikalukeu pavike.

AKIKIHI 15:30

Ikemu timi khuuno puthaputsano axine shiveni keno paye aghami shi aghina inaghami shi aghi mu paye AMPEU hebide vae, timi tipauye pithivelo,

AKIKIHI 15:39

Aye photsuno nongu pelo kumsukidelu pe nani, tipaqo ghokulu shi nani tileno nonguye ilauno tsughusu wuveno kutuqhami shiuvemo nanike.

AKIKIHI 22:32

Kungumi huno ishi inijuthuve, “Noye kushiye hikithipu shi ghuthu kuthu kutolo owu gadaha ghaqhi kya? Noye hipau kicheghuzu shimo kepushi ake ghenguno olaghi lakhanike ino ighike.

MATTHEW 5:28

Ikemu ino nongu vilo pinikeuye timi khuno totimi lakhi jupesu li jumineni keno pa mlo lono li sasu salhave keu kipimi shivae.

Luke 12:19

ino ilikhi ivilo ishi pini: Ingulho, angukivi kutsasae! Noye anhemgha kivi kutomo pekutsuvae, ililai alo, chu-sho eno alovi alo.’

Apostolmi 14:16

Wovekeu tiqheli loye pano ashiayeh jeli pelo pututa lah pula chepeke,

Apostolmi 24:25

Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.”

Rommi 14:10

Noye kushiye othikuzu-u shou kughathakeu becheni kya? Momu noye kushiye othikuzuu jukunatha cheni kya? Ningu kumtsu Alhou tsakugha lakhu zulo puthugho nani.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

ZAKINIU 29:19

Mutsumishei shilo ike ishi tsalalo hile akemi lakhi nomu tsaqui piputovekeu tsa hipaqo chiluve keghi pa likhi pa ghoshi xu wuve aye pa ghenguno thwokha kumtsu akivipu shinani kepi kumsu kevilo. Tino nongu kumtsu akivimi eno alhoksami aphiphishi kutsave nanike.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.

JOSHUA 7:21

Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.