YETSAPIU 11:5 - BAIBEL (BSI)

⁵ Totimi lakhi polo anga mishipu akeu kuxu kishieno tishive cheni keno ithi kuthuwomla kehutoi noye Alhou no thwokha mlape puakeu ithini chemoe.

Sumi Naga CL (Re-edited) Bible (BSI)

⁵ Totimi no mishipu akelo kishino anga philo aghungu ighive cheni keno ithikuthu mla ketoi, no ye Alhou no thokha mla püakeu ithini chemoe.

YETSAPIU 11:5 ပူးပေါင်းရင်းမြစ်များ

JOB 37:23

Alhou ye ningu no phukhawo tomlae, paye akuka eno achipi lono kugha tsukeu lo kijeke; amikuchono chhitoi ke, paye ighove moe.

JOB 38:4

Ino ayeghiqha kughulho akelo noye khile akya? Nono thwokha ithi ani aye, ivilo pilo?

JOB 5:9

Pano ninguno lhemlakeu thime kije mla cheni. Pa kumzapu kumla ye kihi khamlae.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

LESHELE 40:5

O AMPEU iLhou, okumzapu kumla eno okukumsu nilau tsukeu ghili khunomu pikha mlae. Osasu kimghi akepu khumu kuhae. Ino tipaqo pikulha eno asheshu anamu tiye kihikhaluni chemoe.

LESHELE 92:5

Okumla kiutoi kije kela, O AMPEU! shishe thonheike!

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 1:6

Amlhuno apeu mulhu iqi no ahuu mulhu iqho cheni, itaghi mulhu ideqho iqi acheni.

YETSAPIU 11:4

Amlhu ngo atsalano achipi shimoke kutolo nono kheanapi aye noye khilemu kiumu yisumo nani eno khilemu ghile hukepu shimo nani.

YETSAPIU 3:10

Ino ithianike Alhou no ape kimshi pesu ningu shou bepuatsu ake.

YETSAPIU 3:11

Pano thwokha ghenguno ado achipiu qhipe puatsuake. Pano ningu pelo ighi nikeu ghili ithi peniye ningu tsupe puani ikemu pano kiu shicheni keno tipau aghakiqishi ithiwoto kulupu khilemu ningu tsumoke.

YETSAPIU 7:24

Khuuno kishi puzu akuxu kiqiye kiu keno phupheluni kya? Hiye nighenguno kuthokuzupuke, vethalunikeu shishe shoe.

YETSAPIU 8:17

eno tishi ke ghi Alhou no kiu shiani keno khilemu ithiwo tolu chemoe. Nono kiu papu shi pukaputsa namu noye khilemu phupheluni chemoe. Alokutsumino panono ithivea kepi piaghiluvi ikemu panonguye tishimla aphie.

ISAIAH 40:28

Nonguye mtha kesha? Nonguye chimla kesha? AMPEU ye alhokuthu achekeu Lhou ke; pano ayeghiqha lhopheke. Paye khilemu akulhoshive momu qeinaive chemo. Khunomu pa kukumsu vetha lukha chemoe.

John 3:8

Amlhuno khilau mulhuwu nishi keno tilau mulhuwu cheni eno nono tipau sutsa chilu cheni, ikemu tiye khilauno ighi momu khilau wuve cheni keno noye mthae. Aghungu lono punukithe luvekemiye titoike.”

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?