YETSAPIU 10:12 - BAIBEL (BSI)

¹² Alokutsumi lakhino piqhi keuhuno gihu kepu pa lau sughilu cheni ikemu mbomzumiye pa tsano pa kutsave cheni.

Sumi Naga CL (Re-edited) Bible (BSI)

¹² Alokütsümi tsa no agigihupu pa lau süghilu cheni, ikemu mbomzümi tsapi no pa kütsave cheni.

YETSAPIU 10:12 ပူးပေါင်းရင်းမြစ်များ

SAMUEL AKINIU 1:16

David no ishipi “Hiye olikhi oshou sughike. Nono AMPEU no kishephekeu akukau heqhi pithivepi olikhi okutoshino lhekeu huno olikhi otha ighavae.”

JOB 16:5

Momu shikumto keu tsa pinike eno ikichi kukulono nongu lopiqitsuni.

LESHELE 140:9

Ighumi pelo tokulu shilupe kevilo; Panonguno ishikichi akeu idewo pano shou ikuvepelo.

LESHELE 37:30

Timi kivimi kichilo alokutsu piqhi cheni, eno paye achipiu piqhi cheni.

LESHELE 64:8

Atsa hukithipu ghenguno Alhou no panoqo kutsave nani; eno panoqo ithulukemi kumtsuno akutsu kungu nani.

AHOLE 10:10

Khualano kuchou suchilepe qhiveaye akupuna huthu cheni ikemu khunono thebei shipuzu kutsala kilejuni keno alakishipu shi acheni.

AHOLE 10:8

Kumsukulumiye akukutsu tsa kivi ikhilu cheni. Timi khunono anikha tsa picheni keno pano shipusavekepu ighi nani.

AHOLE 12:18

Kumsujumokeu tsaye azuta kutsugha toi thonhei ghuzave cheni ikemu alokutsu tsa pikeuno shipivilu cheni.

AHOLE 15:2

Alokutsumi tsapilo akighithi aloqhi peitha cheni ikemu mbomzumi kichi lono aghuzu tsa piphe cheni.

AHOLE 15:23

Aghuloki kiqi lono atsa ghi achipiu phulu keaye kiutoi alokivipu kela!

AHOLE 19:5

Kughakutha alo nono mikikeu tsa piaye noye aghime sholu nani, tileno povemla nani.

AHOLE 22:11

Khunono amlo kimthe eno kimiyekini tsapi kimiye cheni keno akukauye tipano shompamike.

AHOLE 26:9

Kughuzumino alokutsu tsa piqhilu nikeuye shokumzumino pau lono asahu kejo ake toike.

AHOLE 31:26

Liye alokutsu shi ivunheyikeu lono timi putsa cheni.

YETSAPIU 12:11

Alokutsuno piqhi keu tsaqoye akussu kumtsu pesu bheri la kichepiye keu toi ke, eno ahole pekikepe akeqoye ayishu mutotoi yesupe puakeu toike. Tipaqoye Alhou no tsupuakeu, pano ningu kumtsu kheju kuto achekeu ke.

YETSAPIU 4:5

Panonguno pichekeuno mubomzumi ye pa-u kumsho pesu acheni eno akhuava lono thive cheni.

YETSAPIU 5:2

Nono pimphi lono kumsuju paghilo eno kumsulukhavi Alhou vilo piqhi kevilo. Paye kungughalo ani eno noye ayeghilo ani ikehu pikepushi akeu likhi pini thono tinguno alauye pikevilo.

YETSAPIU 5:6

Olikhi otsano opelo axinelo sailovepe keu shikevilo eno hithiuno Alhou chinemi vilo nono pimivekeu pikepu shikevilo. Kushiye Alhou pelo oshou axuide apeni kya? Kushiye nono mla puakeulo Alhou pelo kutsapiniyive apeni kya?

YETSAPIU 9:17

Ayehkipemi lakhi no kughuzumi hoholo asheshu akeu tsa inini kepuye alokutsumi lakhino iqunei shino piakeu tsa inikeu pavike.

MATTHEW 12:35

Timi kivimino pawu akivi pekutsupuakeu alono akivi ikhiphe cheni, eno timi lhoksamino pawu alhoksa pekutsu puakeu-a lono alhoksa ikhiphe chenie.

Luke 19:22

Pano pa vilo pi: ‘No aqeu lhoksau ino otsa pesu okileveni! Nono ithikeuno niye tsatsaikemi, khikhi iwu kumo keno tipau luve cheni, eno khikhi ino shosumo keno tipau xolu cheni.

Luke 4:22

Eno kumtsuno pa shepekeu shie eno pa kichi lono kupukini tsa pikeulo akumzaqhiyive; eno panonguno pi: “Hiye Josef nuke kumo kesha?”

Ephesiami 4:29

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

Kolosiami 4:6

Nongu tsapilo pulhapuju mutshaminheyi eno jumughayi shilo, eno nongu vilo inijukemi lakhikhi vilo khokichile achipiu kishi tsukepu keno ithimasae.