YETSAPIU 1:14 - BAIBEL (BSI)

¹⁴ Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

Sumi Naga CL (Re-edited) Bible (BSI)

¹⁴ Ayeghi lo shiakeu kümtsü I no ithulu khavae, eno hi ye amülhü küghaju püha cheke toi eno kümtsü adou ke.

YETSAPIU 1:14 ပူးပေါင်းရင်းမြစ်များ

YETSAPIU 12:8

Yetsapiuno pi, adouke, adouke. Hi kumtsu adouke.

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 2:17

Tighenguno akuxuye kiumu akiqipu kuhae kughengu ikuxulo kiumu sughi tsumoe ikemu akupuna likhike. Hi kumtsu adouke; hiye amlhu kughaju puhake toike.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

YETSAPIU 3:19

Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 4:16

Akukauye timi kihi khamla kepu shou ayehpe aghiluvi, ikemu kughono pano cheveni keno pano mlaqhi puatsukeu ghenguno milakhi nomu pa shikimthi chemoe. Hiye adouke. Hiye amlhu kughaju puhakeu toike.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 4:6

Timu tishi aghiluvi, ikemu kitila aghikeu pesu amlo iqunei akeuno a-u putoputo gha aghime shi amlhu kugha haju puha akeu nguno akiviuke.

YETSAPIU 6:9

Hiye adouke, hiye amlhu kughaju puhakeu paphike. Nono kiu ani keno tipaulo aghakiqhishi akeuno kutau kiuala lunishikeu nguno akiviuke.

YETSAPIU 8:16

Kugho kughomu ayeghi hipaulo kiu shiani keno ithinike eno alokutsu shinike ino pukaputsa kelo, ino shijukeu kiqilo noye putho pucho idaithu ngo akepu shiauve cheni