YEKIKITHI AKINIU 9:4 - BAIBEL (BSI)

⁴ Pa ghulhu lipalo achuqupu kutope qhikeu, pawu kijemi no ngoche keu ki, pa kukaki lo akumlami kithipe qhikeu eno aphiphi phimini panoqono uakeu, pano aghulhu shi akelo loji akemi aqemino pepuakeu phimini eno Achinekilo pano aghashi keu pesu mlla keu kumtsu lino ithuluve. Tipaqo jupesu liye atuthu ghi shemlano akumzaqhiyive.

Sumi Naga CL (Re-edited) Bible (BSI)

⁴ pa ghulhu lüpa lo achuqupu jeli, pa qholo kijemiqo küghüqa, pa hukuthumi ghola eno pano phimini pekupu, pa jukhu kipemi, eno pa no Ampeu kilo akipti kümllagho pesü mlla keu, kümtsü ithulu kelo, li ye atuthu ghi shemlave.

YEKIKITHI AKINIU 9:4 ပူးပေါင်းရင်းမြစ်များ

KUKAMI ATUGHIU 10:5

Liye aghulhu lupalo achuqupu qhitsukeu jeli, pa qholo kijemiki, akukau kilo kuamiqo kithikiyi pesu akeu, panongu phimini pepusu akeu, aqemino aghulhulo pa loji ngokhe akeu eno Akumllaki lo aghakishi kumlla tsukeu kumtsu ithulu. Ikeloye liye akichiqhi kelauno atuthu thotsu kuhave ketoive.

KUKAMI ATUGHIU 5:2

Solomon ghi asutsa pesu Hiram lau puwu:

KUKAMI ATUGHIU 5:3

“Ipu David ye pa suhomxa pesu akeqo ghakhu sasu tamomithe aghu shiche kehu, paye pa MPEU Alhou mllani keu kumllaki shilumove, AMPEU no pa ghumiqo shou tokulu pa tsumoke kutolo.

KUKAMI AKINIU 16:18

Asiriyami kukau zuvu shitsuniyeno Ahaz no Achinekilo akuka lakhu qhipua chekeu kiptia ghi ikhive eno akukauno luthu laghi shi Achinekilo ilocheke laghi khave.

YEKIKITHI ATUGHIU 9:18

Tipa ghulokilo kihikusumi laghaye kipelau Akukau khagho lo ngolue. Puzuu panonguye aghutu kikhalo puthughono Levimi ghazulo ache.

YEKIKITHI AKINIU 23:13

Tilau akukau akitheu no achineki kulaghilo kukami ghenguno atsukucho ajo shi akeu phivilo ghushimi kijemi ngo afuko kuighami no suhope aghikeu lino ithulu. Timi kumtsu alokivi shi ighamuku no afukolo fusu aghi eno achinekilo alekiphemino pano leboqo pesu tipau ikhilu akeulo saphe aghi. Athalia no avekusa launo li phi mini suxuve eno ishi igha, “Pishikiqhi! Pishikiqhi!”

YEKIKITHI AKINIU 9:3

Sheba lo kukaliu no Solomon lokutsu chiluve eno pano akukaki shipua keu ithuluve.

YEKIKITHI AKINIU 9:5

Lino akukau vilo pi, “Ighakhu lono ino oghili kiu chilu eno olokutsu chilu keno tiye kuchou kena!

NEHEMIA 1:11

Itehi ikighini chilu tsulo eno oqemi kutami ogihu nishi akemiqo kighini initsulo. Ishino ni oqeu pelo tolu pelo eno akukatou Ahaserus pelo ikimiyelu pelo.” Tipa ghulokilo niye akukatou wu ajukhu kipeu shi ache.

LESHELE 119:81

O AMPEU, nono ixalunikeu khekeno niye lhovae; niye otsa shou pukhu ani.

LESHELE 143:7

Mtazu ikhochile tsulo, O AMPEU! Ino lajuchekeu kumtsu puhavae. Ilauno ogi kusuluve kevilo, tishiveaye niye kithimi yeghilo iqivekemi toive niake.

AHOLE 9:5

“Ighilo, ichuqupu chulo eno ino lekite puakeu tsayiji sholo.

ALE KIMCHI 5:8

O Jerusalem lo totimiqo, ino nongu vilo pi ani, ike nonguno ilomi phulu aye niye pa kumsukutu ani kepi pa vilo pitsulo.

EZEKEL 44:3

Tishiepimu akukapuu ayehpe akeuno eno igizu lono akimthe ghulhu chulu nike tilehi wulu nani. Paye tipaulo ilopuzu achebo akijeu ashekichi alou akeu kudauno khagho laghi qhiveno wulu nani.”

EZEKEL 46:2

Kughono achinemiqo akukapuu wu akuchopu piti mllakeu ngo kuposhukulu kumllagho pesu mlla akelo, paye akikhala khalau lono achebo akijeulo iloveni ahukikha laghilo akeulo eno ahukikha tsukucho phivilo puthugho alo. Ahukikha tilehino paye Alhou mlla-ano itaghi ipeveni. Kijiliu shike kutolo ahukikhaye khamoni.

DANIEL 10:17

Niye aqemi lakhino pa mipeu zulo puthugho ake toivae. Kishino osasu kuputsalu nikya? Niye akukaghi atuthu ghi kuhavae.”

MATTHEW 6:29

ikeghi ino nongu vilo hi pini, Solomon ye kuakinino kutsasashi anamu axamunu hipaqo gholo lakhino qhivutsuniyi juvikeu toi aphimini pepumla aphie.

Luke 12:37

Aqemi khunoqono ampiuno ighikelo zuida ithu tsukhuyi aghikemiqo kumghae. Ino nongu vilo pini, ampiuno chighiche khapu puzu pano panongu kughuqano panongu loji nani.

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 3:20

Julo, ino ahukikha phivilo puthughono kukhu cheni; khunono isutsa chiluno ahukikha khaqhini keno ino pa lau iloghini eno pa sasu kuchukusho shini.