YEKIKITHI AKINIU 7:9 - BAIBEL (BSI)

⁹ Panonguye akiptia ikhiphe pe shikumthetsu keu ghenguno atsala tsuni puwove eno Apusho Pinye ghenguno atsala tsuni alau puwoveke. Ashekha tsalanilo panonguno Pinyi keu shekha tsala ikhilu,

Sumi Naga CL (Re-edited) Bible (BSI)

⁹ Eno atsala akütacheni ye panongu no kishekha hoho shi, kughengu panongu no akümlla-khache ikhiphetsü keu no atsala tsüni eno aghulhu no atsala tsüni puwove ke.

YEKIKITHI AKINIU 7:9 ပူးပေါင်းရင်းမြစ်များ

KUKAMI ATUGHIU 8:2

Ikehu Ethanim aqhi akutsuniu lo Apusho Ghulhu ghuloki lono Solomon zulo ighieno hekutsu kumqolu.

KUKAMI ATUGHIU 8:65

Akumllaki tipaulo Solomon eno Israilmi kumtsu kuqhano atsala tsuni Apusholo ngokeu pinye shilu. Tile timi kumzapushi ahuu kudau akeu Xamat lono apeu Ijip lughi kutolono ighi kumqolu.

YEKIKITHI AKINIU 30:23

panongu kumtsuno itaghi atsala tsuni alau pinyini keu shi xathalu. Tighenguno panonguno alokivi shi pinyilu.

YEKIKITHI AKINIU 7:10

eno tishiwo thoghiu, aqhi akutsuniulo atsala muku akuthuni no Solomon no timiqo akilo puwoke. AMPEU no kukumgha kumtsu pesu pawu timi Israilmi lau, David lau eno Solomon lau tsuke ghenguno timiqoye ighono alokivi shive.

NEHEMIA 8:18

Apinye huthukeu tsala lono ashekha kutolo panonguno ghulo atsu-tsu Alhou Yezah amqo lakhikhi phisue. Panonguno atsala tsuni kutolo pinyike eno akutacheni loye Ayezahlo shilo pikeu toi kishekhakeu pinye shike.

IPEKULU 29:37

Atsala tsunilo ghulo atsu-tsu hipau shilo. Tithiuye akipti aye qhoi mitheve nani eno timi na kiu kiu pinamu tipau dilu keuye tipau kimthe kukano kutsave nani.”

JOYIL 1:14

Kumvu penike ahza tsulo; kuhokumqo kepushi kulo! Juda lo sakiphemi ngo timiqo kumtsu AMPEU nongu Lhou chinekilo ku-kumqolo eno pa lau igha qalo.

ACHINE 23:36

Tsalakipetsu atsala tsuni ghenguno nongu ye piti pesu tsukeu kumllagho lakhi shilo. Atsala akutacheulo mlla nike ghenguno itaghi kuho kumqolo eno piti pesu tsukeu kumllagho lakhi pesu tsulo. Tipa tsalaye mlla nike ghenguno akumla kutau kiumu shikevilo.

AKIKIHI 7:10

Sakiphemi ghi akiptia akimthepu shi keu pinye pinyi kelo akumllagho pe ighi. Kughou panonguno akiptialo panongu gho sughinike kuto keno,

ZAKINIU 16:8

Tishiwo tsala tsugho dolo nonguye kholaqhi sumokeu sho chulo eno atsala akutsuniulo AMPEU nongu Lhou mllanike kumqolo eno tipa tsala loye akumla shikevilo.