YEKIKITHI AKINIU 5:2 - BAIBEL (BSI)

² Tithiu akukau Solomon no Israilmi dolo pututa laghami sakiphemi kumtsu David phughilo Zion lono AMPEU wu Puloshoqhi Bohu achinekilo sughi nike ghenguno Jerusalem lo kusu.

Sumi Naga CL (Re-edited) Bible (BSI)

² Tithiu Solomon no Israel lo sakiphemi ngo ashiaye lo akütsüqo eno alitomi ishi Jerusalem lo kusü, ti ye David phughi lo, Zion lono Ampeuw Puloshoqhi Bohu pesü ighi nike kuto.

YEKIKITHI AKINIU 5:2 ပူးပေါင်းရင်းမြစ်များ

SAMUEL AKINIU 5:7

(Ikemu David no ighino panongu Zion tupikiye levetsu ikehu tinguno tilauye “David Phughi” ipi aje kuluve.)

SAMUEL AKINIU 6:12

AMPEU no Obed Edom kibolomi Puloshoqhi Bohu ghenguno kumgha tsuakeu ghili akukau David no chiluve; ikehu pa ghi ighono ahukulu kije lono Puloshoqhi Bohu Obed kilono ikhipheluveno Jerusalem lo sughinikeu shi.

YEKIKITHI ATUGHIU 15:1

David no pawu luthu ghenguno David Phughilo aki kutomo shisue. Pano Alhou Puloshoqhi Bohu qhikepua lakhi kutope qhi eno tipau ghenguno aphiki shipeqhi,

YEKIKITHI ATUGHIU 15:12

Pano Levimi vilo pi, “Nongu likhi nongu eno nokusami Levimi ghenguno shikimthe keu shilulo tishi keu lono nonguno Puloshoqhi Bohu Israil MPEU Alhou wu pesu wo ino khilehi a-a kutopuani keno nonguno sughino tile qhilu nani.

YEKIKITHI ATUGHIU 15:25

Akukau David ngo Israilmi sakiphemi ngo aghushi Zahtsumi ishi Obed Edom kilo wue khilehi Puloshoqhi Bohu puakeno eno panongu apine kije lakhi shie.

YEKIKITHI ATUGHIU 15:3

Ikehu David no Israilmi kumtsu kukumqo sawo Jerusalem lo qhi eno tiye Puloshoqhi Bohu pewo khile pano a-a kutope pua keno tile qhinikeu shie.

YEKIKITHI ATUGHIU 16:1

Panonguno Puloshoqhi Bohu pesuwo khilehi David no a-a kutope pua keno tilehi qhie. Tishieno panonguno aghakishi kumlla shie.

YEKIKITHI ATUGHIU 24:31

Akibo lakhi khilo atou eno athikuzumi gholo ayitiu ighino panongu kumlapu ghenguno asaqhiju, panongu chinemi Aron kughuko eno abolomino shikeu hutoi. Akukau David, Zadok, Ahimelek eno panongu kiboqolo atou eno achinemi eno Levimi ighino ashepe shie.

YEKIKITHI ATUGHIU 24:6

Ike Eleazar ngo Ithamar kughuko ghi pututa sheamzulo asaqhibeju ache. Tishipenike ghenguno panonguno Shemaia Nethanel nu, Levimi wu akiyeu qhi. Kukami, paqholo ampimi, achineu Zadok, Ahimelek Abiathar nu eno achinemi kibolo atomi eno Levimi kibolo panongu kumtsu ngono ashepe shie.

YEKIKITHI ATUGHIU 26:26

Shelomit ngo pa kibolomino Akukau David ngo akibo qolo atomi ngo alagha lo sakiphemi mqo ngo ghushimi kijemi qono akumlla nhemgha shikimtheveno Alhou tsuvekeu kumtsu shou ampi shilupe ke.

YEKIKITHI ATUGHIU 28:1

Akukau David no Israilmi kijemi kumtsu Jerusalem lo kumqolo pi ahza tsue. Tighenguno alaghalo sakiphemiqo, kuakini shou ampemiqo akukau wu anhemgha shou ampemi eno pa nuliqo kuchouno piniaye akuka lakhulo kijemi qo, ghushimi sakiphemiqo eno timi akhotomiqo - panongu kumtsu Jerusalem lo kumqoe.

YEKIKITHI AKINIU 1:4

Tishino Puloshoqhi Bohu ye David no Kiriat - Jarim lono sughi eno pano Aphiki mlano puaniye shikeu Jerusalem lo pewo qhi.

YEKIKITHI AKINIU 5:1

Titoi Akukau Solomon no shini pikeqo Achineki kumla shikhave eno papu David no khipaqo nhemgha AMPEU lau ikhiphe tsuve keno tipaqo tsandi, shuna eno anhemgha kutauqo kutsupe qhive.

YEKIKITHI AKINIU 5:12

Levi laghami ghi alekiphemi Asaf, Heman, Jeduthun eno panongu nuliqo eno pano thikuzu zukighimi fulili, eno aheo pe akumlla-a phivilo ighi eno achinemi 120 no fulili ighakeu gholo sukuqha.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 87:2

Israil lo a-a kutau kumtsu nguno pano Jerusalem phughi kupuke.

ACHINE 9:5

Panonguno Muse no ahza tsukeu jeli kumtsu Aphiki gizulo saghi eno aqoaho kuchopu AMPEU mllanike tilehi kuho kumqoluve.

AKIKIHI 10:33

Timiqono Sinai akimthe naghuto qhiveno atsala kuthu izu chekelo AMPEU wu Puloshoqhi Bohu huno panonguno khile aghazu shikepu shi akeno panongu piyenike panongu zuu shino cheche.

AKIKIHI 10:36

Kugho kughomu tipauno ngoveni kelo pano ishi piche, “AMPEU ide ighilo, Israilmi qhethonhe kibo shou ighilo.”