YEKIKITHI AKINIU 5:1 - BAIBEL (BSI)

¹ Titoi Akukau Solomon no shini pikeqo Achineki kumla shikhave eno papu David no khipaqo nhemgha AMPEU lau ikhiphe tsuve keno tipaqo tsandi, shuna eno anhemgha kutauqo kutsupe qhive.

Sumi Naga CL (Re-edited) Bible (BSI)

¹ Tipa ghola lono Solomon no Ampeu kümllaki lo akümla kümtsü shive. Pa no papu David no ikhiphepe akimtheshi tsükeu thime, ghükayi, ameshoyi, eno abohu kümtsü pesü Alhou kilo akini pekükütsü-a lo qhive.

YEKIKITHI AKINIU 5:1 ပူးပေါင်းရင်းမြစ်များ

SAMUEL AKINIU 8:11

Akukau David no tipaqo ikhiluno akumlla hoho lo peithanike ghenguno pano theqhiluvekeu shiyehqo tsukeu shilue-

KUKAMI ATUGHIU 7:39

Tuhakulu punguno akumlaki ahukudau eno punguno akusau kudau qhike eno ti azu kughobohu ye akumllaki akusa lau ajeu kudau ghope qhi.

KUKAMI ATUGHIU 7:51

Kughou akukau Solomon no AMPEU kumllaki shiqhilukeno papu David no ikhiphe pesu akimtheshi tsukeu thime hipaqo—tsandiyi, shuna eno anhemgha kutau kumtsu pesu ighino Akumllakilo anhemgha qhichekeu alo qhilukhave.

YEKIKITHI ATUGHIU 18:11

Akukau David no tipaqo akumlla alo peitha nike ghenguno shikimtheve, hipaqo nguno alau pano ashiayeh kutau lewu kelono hakho sughi keu shuna, tsandi - Edom, Muab, Ammun, Filistiya eno Amalek lono sughikeqo shikimtheve.

YEKIKITHI ATUGHIU 22:14

Achineki ghenguye ino tokulu thaqhu kikepe puani, shuna metrik ton 3,400 shou ani, tsandiyi metrik ton 3,400 ani hipaqono akishikelo peitha peniyeno ke. Hipaqo nguno alauno alazayi ngo atuqo ghi kutope puatsua, ikemu noghi alau phusu kuphalo.

YEKIKITHI AKINIU 4:22

akulu fukipinhepu, axokutsungu pitinikeu khu, amikihipu, hipaqo kumtsu shunayino shike. Shishe Akimthe bokutha hukikha alou eno Achineki khala kudau hukikhaqoye shuna likhino shike.