YEKIKITHI AKINIU 4:6 - BAIBEL (BSI)

⁶ Pano tipa phivilo chithakhu chighi mla, punguno ajeu eno punguno piyiu qhi. Kughengu tileno ghikiqhi pitikumllaqo qhunike ghengunoke ikemu ti azu azukikhe akijeulo akeuye achinemi pelo kuchhu peniyeke.

Sumi Naga CL (Re-edited) Bible (BSI)

⁶ Ti qhukimthe kepu chithakhu chighi mla, pungu no apeu küdau eno pungu no ahuu küdau qhi; hile no panongu pelo akipti kümlla lo peitha keqo qhuqhive peniye ke. Azütughuko ye achinemi pelo qhukimthelu peniye ke.

YEKIKITHI AKINIU 4:6 ပူးပေါင်းရင်းမြစ်များ

KUKAMI ATUGHIU 7:38

Huram no yeghikulu kiqi lono azukhu ghi chighi mlatsu, azukhu lakhi khino amta lono mighi jukelo miter kini eno azukhu lakhi khilo azu liter 800 gholukepu qhemi lono shitsu.

KUKAMI ATUGHIU 7:40

Huram no ali, shokile kuphu eno kuzute kepu bohu ghi mlatsu. Ike pano akukau Solomon ghenguno AMPEU ki shikeulo akumla pa pulukeu kumtsu shikhavetsu. Akumla hipaqoke:

YEKIKITHI AKINIU 4:2

Pano alazayino azutughuko akutho lau miter kinino tuxa abomta no miter bidino tuxa eno hokumxa miter chighi kuthu tuxa lakhi mla.

LESHELE 51:2

Ilhoksakugha kumtsu qhukimthe vetsulo eno ixine lono ishikimthe vetsulo!

IPEKULU 29:4

“Ino ngochekeu Phiki ikulolalo Aron ngo pa nuliqo saghilo eno panoqo vilo achineyeh zukuchhu shilo pilo.

IPEKULU 30:17

AMPEU no Muse vilo pi,

EZEKEL 40:38

Akikhala khalaulo khagho laghi alou sasu kime ghi abo lakhi ahuu kudau ae. Tipauye akikhala kudau sholukeu chebolo ipeghi ake eno tilehino panonguno lhoxu akuchopu pitinikeu kumo qhucheke.

ACHINE 1:13

Timi huno kighinoli ngo aluko qhuvemasa eno heqhi mllakeu tipau achineuno pesu AMPEU tsulo eno tipau leqhi kumtsu akiptia lono pitilo. Achuqupu kumllagho hipauye AMPEU lopu shi cheni.

ACHINE 1:9

Timi huno kighinoli ngo aluko qhuvemasa eno peitha akeu achineuno heqhi mllakeu kuchopu akiptia lono pitilo. Achuqupu kumllagho xo hipauye AMPEU lopu shi cheni.

1 Kor. 6:11

Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.

IBRIMI 9:14

Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

IBRIMI 9:23

Kungughalo nhemgha kimihi hipaqoye hitoikeu pesu shikimthe masakepu shiveke, ikemu kungughalo nhemghaqoye hipaqo nguno heqhipe mllakeu akivino shikimthekepu shianike.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.