YEKIKITHI AKINIU 2:6 - BAIBEL (BSI)

⁶ Ikemu khuno Alhou ghenguno aki shilunia, kughengu kungugha eno akiqheu kungugha ghi pa ghenguno tulalo. Niye khuu keno Pa ghenguno aki shilunia, piti kumlla kepua likhi kumoaye.

Sumi Naga CL (Re-edited) Bible (BSI)

⁶ Ikemu kungugha akiqheu thotsü Pa qhilu kepu-a kühake khuu no Pa ghenguno aki shikulupu kea? Pa zülo akümllagho tsünike ghenguno kumo aye ni ye khuue pi Pa ghenguno aki shiqhe luni kea?

YEKIKITHI AKINIU 2:6 ပူးပေါင်းရင်းမြစ်များ

SAMUEL AKINIU 7:18

Tishino akukau David no AMPEU kua Phikilo ilo iqano inikhu, “Akughushu AMPEU, nono ighenguno eno isholokumi ghenguno kiu mlatsu keno akuzupu kumoe.

KUKAMI ATUGHIU 7:13

Akukau Solomon no Tur phughi lono ighikemi timi lakhi paje Huram, alazayi kumlalo shitsau kusaghipe.

KUKAMI ATUGHIU 7:14

Paye Naftali lagha lono ikowokemi achineu nuke, papuye Tur lono ighikemi, alazayi kumlami; eno paye alokutsu, akighithi eno alazayi kumlalo ighono shitsami lakhike. Solomon no pa kukeu kiqi lono ighino alazayi kumla kumtsulo pano ampi shitsu.

KUKAMI ATUGHIU 8:27

“Ikemu O Alhou, noye kuchouno ayeghilo acheni kesha? Kughengu kungugha thotsu oqhilukepu a-a ililai moe, tishiaye kishi puzu ino akumllaki hipau shipuakeuno ililai luni kya?

YEKIKITHI ATUGHIU 22:15

Oghenguno akumla kishimi kutomo ani. Tile timi khami atu chitha kemi ani, eno atu yekuthami ngo akikishimi eno kutshakughashi mlakemi anhetsumi khunoqono mutshaminhei

YEKIKITHI ATUGHIU 29:14

“Ikemu iwu timiqo eno niye pinikeu loye kiumu otsu kepu kuhae, kughengu thime kumtsu olauno agho ithulu keue eno ninguno khikhi owu shivea keno pesusu otsuchile anie.

YEKIKITHI AKINIU 1:10

Tighenguno alokutsu eno akighithi itsulo panongu shou ayeh penike ino avehupu shi anie. Tikumo aye niye kishi owu timi hijejehi shou ayeh peluni kya?”

YEKIKITHI AKINIU 6:18

Ikemu O Alhou, noye kuchouno timi gholo xulu nanima? Julo, kungugha eno akiqheu kungugha ghi oghenguno tulalo. Tishiaye ino achineki shikeu hiye kishino oghenguno lumkhania?

IPEKULU 3:11

Ikemu Muse no Alhou vilo pi, “Niye khuu keno ino akukau lau wuni eno Ijip lono Israilmi saipeghini kya?”

IPEKULU 31:5

ghope qhinike achiku yethanikeu, asu pesu ayeh shisuni keu eno kutau jukivi pu jeli shisukulupu kumtsu ino patsuvae.

ISAIAH 66:1

AMPEU no pi, “Kungughaye ikuka lakhuke eno ayeghiye ipukhu kinepuke. Tishiaye, nonguye ighenguno kiu toikeu ki shitsuluni kya? Kiutoi keu alo ipelo ngopeni kya?

JEREMIYA 23:24

Timi lakhimu ino pa ithumlape nike itshukulupu shimlake. Niye kungugha ngo ayeghi shou aqha kumtsulo ani kepi nonguye mtha kesha?

2 Kor. 2:16

Khunoqomi puhaveno anikeno hiye pithive nikeu xokutsungu lakhi ke; khunoqomi xaluveakeno hiye akuxupu saghitsu keu xokutsungu lakhike. Khuno hipaqo thime shikulupu kupukulayi ani kya?

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

ZAKINIU 12:11

AMPEU no a-a lakhi likhi kishetsu nani, tipa-a lono pa mlla kepushi nonguye tipa alo ino ahza tsuvekeu kumtsu pa lau sughi masake. Nonguno piti pesu aghashinikeu eno kutau aghashi kepuqo, nowu chighi saje eno akumllagho eno akimchi gho nonguno AMPEU lau tushoqhivekeqo sughilo.

ZAKINIU 12:14

nonguye noshiayeh ghakhulo a-a lakhi AMPEU no kishetsu keulo likhino akumllagho pe mlla masake. A-a tipaulo likhino nowu aghakishi piti pesu mllalo eno tileno ino ahza nongu tsukeu jeli kutau kumtsu shilo.

ZAKINIU 12:26

Nowu akumlagho ngo nonguno tushoqhive keu ghoqo pesu mllakepu a-a lakhi akeulo pewulo.