YEKIKITHI AKINIU 2:4 - BAIBEL (BSI)

⁴ Julo ino AMPEU iLhou je kipipu ghenguno aki lakhi shinike kuto ani. Tipau aye akimthe khipa alo iwu timi eno ino axokutsunguno pitikumlla ni eno tamono akimthe ghoqo peighino ina kijili Sabat pinye tsala qolo aqhithe pinyeqolo eno akimthe tsalaqolo akimthe chuqu pe pa mllaniyeke. Pano Israilmi vilo pulhapuju ti shichelo pivae.

Sumi Naga CL (Re-edited) Bible (BSI)

⁴ Julo, ni ye Ampeu I Lhou je ghenguno aki shiqhe nike kuto ani, eno tileno axokütsüngü piti, tsalakipe akümlla sho qhitsü, eno Israelmi ghenguno alholo ina kijili, Sabbath lo, aqhi kithe lo, eno Ampeu ni Lhou tiqhetini lo, akipti kümllagho tsünike aki tipau ikhiphe tsüniye ani.

YEKIKITHI AKINIU 2:4 ပူးပေါင်းရင်းမြစ်များ

KUKAMI ATUGHIU 5:5

AMPEU no ipu David lau tushoqhie, ‘Onu khuu akukau shipe nike ozuqhulo ino kishelu keno pa pelo akumllaki lakhi shilupe nani.’ Ikehu itehiye ino AMPEU iLhou kumllaki shinikeu xathaluvae.

KUKAMI ATUGHIU 8:18

ikemu AMPEU no pa vilo pi, ‘Nono ighenguno akumllaki shitsunishi akeu achipiloe,

KUKAMI ATUGHIU 8:63

Pano amshi 22,000 eno bheri 120,000 pesu kuposhu kumllagho kiqishi tsu. Hitoi akukau eno timiqo kumtsuno akumllaki ikhiphe tsukeu hoho shilu.

YEKIKITHI ATUGHIU 22:5

David no ishi kumsu, “Achineki khikhi inu Solomon no shikepu shi anikela tiye ighono akiqheu eno ayeghiqhalo aje kipi shi pemayesa. Ikemu paye alhothe eno puju shiju keu kuha aphi, tighenguno ino hipau ghenguno kutokughoipe qhitsu mayesavae.” Ike David ye pano thinike zuuno akikishi nhemgha kutomo kutokughoi pesu qhipua tsue.

YEKIKITHI AKINIU 13:11

Inakijili panonguno tsungqui keu ta ngo aghakishi lhoxu kuchopu piti keu pesu pa mlla acheni. Panonguno asho kumllagho pesu chini kepulo mithe akeu kibepulo qhitsu cheni eno kijili atsu tsu panonguno shuna kulubo lo akulu kuiqu cheni. Ninguye AMPEU no ahza tsu keu shi acheni ikemu nonguye pa phevae.

YEKIKITHI AKINIU 2:1

Akukau Solomon no AMPEU kumllaki lakhi eno pa kukaki lakhi shinike xathaluve.

NEHEMIA 10:33

Ninguno Achineki lo akumlla hoho ghenguno hipaqo kutotsuni: akimthe sho, tsalakipe tsulo athi kumllagho, tsala kipetsulo aghashi piti mlla kepu lhoxuqo, Sabat pinye ghenguno akimthe kumllagho, Aqhi Kithe Tiqhetini eno kutau tiqhetini, kutau akimthe kumllagho, Israilmi xine pevenikeu kumllagho eno Achineki ghenguno kiu kiumu avehupu shive keqo kumtsu tsuni.

LESHELE 86:8

O AMPEU, khumu otoikeu lhou kutau kuhae, nono kiu mlakeno khunomu ti shilu puamoe.

LESHELE 96:4

AMPEU ye kijeke eno akiqheu lono sheqhe kepuke; alhou kutauqo nguno alau pa gihu kepu.

IPEKULU 25:30

Akibepu huye Puloshoqhi Bohu gizulo qhilo eno akibepu shou pulhapujulo imllavekeu akimthe sho qhipua chelo.

IPEKULU 30:7

Inaqhe atsutsu Aron no akulu kuquniye ighi keulo paye tipaulo tsungqui keu xokutsungu piti masa.

AHOLE 7:20

Paye pisa kutomo pa gholo pewuvea eno apine do kini dolo ideighini chemoe.”