XAKUTHAMI 9:54 - BAIBEL (BSI)

⁵⁴ Tishike mtsa lono pano pa zuta angu petsucheku apu lhotheu kuno pi, “Ozutakihi sujopheno ighiqhivelo. Kughengu niye topumi lakhino iheqhi pithiveke ipipenishi amoe.” Ike kuchono apu huno pa zutakihi sujopheno pa chuxu qhi kelono paye thive.

Sumi Naga CL (Re-edited) Bible (BSI)

⁵⁴ Tipa mtsa pa no pa züta-angu kipeu apumi kuno pi, “O zütakikihi pesü I ghiqhive lo, tikumo aye panongu no ishi I ghili kügha cheniae, ‘Topumi no pa pithive ke.’” Kuchono apuu huno pa jipilive no pithive.

XAKUTHAMI 9:54 ပူးပေါင်းရင်းမြစ်များ

SAMUEL AKINIU 1:10

Tighenguno ino pa lau wuno pa heqhi pithivae. kughengu paye kiu kiu shinamu thiveni keu mutsuqhei ithiveke. Tishino ino pa kutsu lono akutsukuqho eno au kukha pau lono ikhijo luvetsuno ti kuma ino hi olau sughitsu ani, Akijeu.”

SAMUEL AKINIU 1:7

Tishi akelono pano tsughuide ighi kelono ni ithulu puzu ikue. Ino ‘Akijeu’ ipi pa khochile.

SAMUEL AKINIU 1:9

Tileno pano ivilo pi, ‘Hilau ighino iheqhivelo! Niye ighono alhoksa shi izavae eno niye thiveniye kutovae.’

YEKIKITHI ATUGHIU 10:4

Pano apu lhothemi lakhi pa ghunanuqo pekutsuu vilo pi, “Filistiyami Alhou mthakemino iju anheshu akepuye ozuta xachho pesu ighiqhivelo.” Ikemu apu lhotheu tipauye titoi shi nikeu ighono ichive. Ikemu Saul no pa zuta ikhiluno pa likhi pa pithive.

YEKIKITHI ATUGHIU 10:5

Ike apuu no ti Saul thivekeu ithuluno pa ghi pa zuta ikhiluno pa likhi pa pithive.

XAKUTHAMI 4:9

Lino khochile, “Alo, ino osasu wuni, ikemu tishiaye tokulu ye oje shimae, kughengu AMPEU no Sisera pesu topumi lakhi ulo phesuve tsuni cheni.” Tishino Debora no Barak sasu Kedes lo wu.

XAKUTHAMI 9:55

Kughou Israilmino Abimelek thivae pikeu chilukeno panongu kuchopu akilo idewokhave.

SAMUEL ATUGHIU 14:12

Tileno panonguno Jonathan ngo apuu pama ku, “Hilau iqhoghilo! Nino kiwana thime hami nokujo piyenike!” Tileno Jonathan no apuu vilo pi, “Ipapelo. AMPEU no panongu shou tokulu shipe nikeu Israilmi tsuvae.”

SAMUEL ATUGHIU 14:13

Jonathan no pau eno pa khonheno ipusu ala akeu hechelu eno apuu ghi pa papesu ipusu iqho. Jonathan no tileno panongu lethuve eno panoqo chishi kuluqhive eno apuu huno tilano panongu heqhi pithive.

SAMUEL ATUGHIU 14:14

Ghiqhi khavi lono Jonathan ngo pa gholo kicheu apuu pamano alu ache tuxa toike lono timi muku kutolo heqhivetsu.

SAMUEL ATUGHIU 14:17

Tileno Saul no pawu timiqo vilo pi, “Ghushimi kihi julo, khuwala puhavemo kemala.” Panonguno kihiju keu loye kuchono Jonathan ngo apumi lakhi pa ghunanu kipeu pama kuhave aghi.

SAMUEL ATUGHIU 14:7

Apuu no khochile, “Nono kiu kiu shiepimu niye ogholo ani.”

SAMUEL ATUGHIU 16:21

David no Saul lau ighi puzu pa kumla shinikeu shive. Saul no David ju ighono pa lokutuno pa pelo pa ghunanu pekishe xapupeni keu timi shi pa kisheluve.

SAMUEL ATUGHIU 31:6

Hitoi shi Saul ghi, panu kuthu eno apuu pa ghunanu pekicheu ishi thive; eno tipa tsala lono Saul wu timi kumtsu thikhave.