XAKUTHAMI 2:3 - BAIBEL (BSI)

³ Tighenguno itehiye ino nongu vilo pi anike niye nongu gizu lono panoqo hale puwuve tsuni chemoe. Ikemu panonguno nongu ghumi shivepe nani eno panongu lhou mllauve keu huno nongu kitimevepe nani.”

Sumi Naga CL (Re-edited) Bible (BSI)

³ Tighenguno itehi I no piani, Ni ye nongu zülono panoqo hapupomo nani ikemu panongu no nongu sahu shipeni eno pano lhouqo no nongu lichhe shive peni.”

XAKUTHAMI 2:3 ပူးပေါင်းရင်းမြစ်များ

LESHELE 106:36

Alhou wu timiqono ajulho shisukeu mllawuve eno tishikeu lono pano kutsalevekepu shive.

IPEKULU 23:33

Timi tipaqo pelo noghakhulo kughunauve pekevilo. Nonguno tishi aye panoqono nongu pelo ishou axine shipe nani. Nonguno pano lhouqo mlla aye nongu ghenguno tile alichhe lhoksa shive nanike.”

IPEKULU 34:12

Nonguno wuche keu ghakhulo timi akeqo sasu kulashi keu shoqhi shikevilo, kughengu tipauno nongu ghenguno akithipu lichhe shi aghiluvike.

AKIKIHI 33:55

Ikemu nonguno ayeghi tipaulo kughuna aghikemi hapupovemo aye tile ngovekemi no nongu nhethilo amuchhu akeshi eno nojibolo asahu akeshi nongu punaqhi nanike eno panonguno nongu sasu aghu shinani.

ZAKINIU 7:16

AMPEU nongu Lhou no ashiayeh khijehi nokuka qholo qhitsuni keno kumtsu kutsavelo eno panoqo kimiyeqhiyi keu shikevilo; momu panoqo lhouqo mlla kevilo kughengu tipauno nongu meluve nanike.

JOSHUA 23:13

AMPEU nongu Lhou ye shiyeh tipaqo nongu zulo hapheve tsumo nani pi tsaqui ithivelo. Tike kumono panonguye alichhe lakhi toi eno aqoh lakhi toi eno omqalo aqheno heketoi momu onhethilo asahutoi nongu ghenguno akuighupu shive nani. Eno tishisu nongu lakhimu hipau yeghi kivi AMPEU oLhou no tsukeu lo ngomove kepu kuto shive nani.

XAKUTHAMI 2:21

tighenguno nighi Joshua kithi thiuye ayeghi hipaulo kughuna akemi shiayeh lakhimu halepuwu tsumo nani.

XAKUTHAMI 2:4

Kughou kumgumi huno Israilmi vilo hipa tsa pikeno panongu kumtsuno qaukhave,

XAKUTHAMI 3:6

Panonguye panoqo sasu kululeuveno panongu lhouqo mllau khave.

XAKUTHAMI 8:27

Gideon no shuna pesu ajulho lakhi mla eno tipau pesuno paki Ofra lo ghope qhie. Tileno Israilmi kumtsu Alhou pheveno ajulho tipau mllaukhave. Hipau no Gideon eno pa kibolomi meluve.