XAKUTHAMI 2:18 - BAIBEL (BSI)

¹⁸ Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.

Sumi Naga CL (Re-edited) Bible (BSI)

¹⁸ Kugho kughomu Ampeu no panongu ghenguno xaküthami süsü aye, Ampeu no pa gholo ache, eno pa küxü tivilo pa no aghümi u lono timiqo xaphe che. Kughengu aghümi no ghime keu ghügha ghenguno Ampeu no panongu kimiyeve cheke.

XAKUTHAMI 2:18 ပူးပေါင်းရင်းမြစ်များ

BOTHUBO 6:6

Kushiniye ayeghilo timi lhosu kela ipi AMPEU ye pa mlo kighishi shiauve eno tino pamlo putakihi auve.

KUKAMI AKINIU 13:4

Tileno Jehoahaz no AMPEU vilo inikhu eno AMPEU no Siriyami kukauno Israilmi aloqhi shikimghi akeu ithuluno pa kighini khochile tsu.

LESHELE 12:5

“Ikemu itehi niye ithughiniae, kughengu kumlhomi akijiksa shiakeqo eno ichhe-ime ake qono shishe igha-su auvae; Panonguno laju aketoi ino panoqo sushope qhinie,” ipi AMPEU no pi.

LESHELE 90:13

Ologhu kighide khitotohi acheuve nani kya? O AMPEU, oqemiqo lau kupukeu alo!

IPEKULU 2:24

eno panonguno atuthu shephe mlano ighache keu chiluve eno pano Abraham, Isak eno Jakob sasu puloshoqhi shikeu kumsu chilelu.

IPEKULU 3:12

Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”

IPEKULU 32:14

Ike AMPEU no pa kukumsu kilive eno pawu timiqo shou kutsa kungo nikeu shi shikichi akeu sughimove.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

JONAH 3:10

Panonguno kiu shikeno Alhou no ithulua; panoqono ghushoghili lhoksa shichekeu qhivekeu pano ithuluve. Tighenguno pano kumsupu akeu kiliveno panongu ghimeqhini pipuakeu shimove.

AKIKIHI 10:9

Nonguno noyeghilo aghu shi akelo afuko hipaqo ighano aghulo wuno noghumi nongu le ighi akeqo mujo chileno nolikhi no susholo pi akeu michike. Ni AMPEU nongu Lhou no nongu kuphuni eno nongu ghumi launo nongu xaluni.

ZAKINIU 32:36

AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

XAKUTHAMI 10:16

Ikehu panonguno tusumi lhouqo ikhipeveno AMPEU mllathuve; eno pa ghi Israilmiqo ghime ghenguno pa mlo imeve.

XAKUTHAMI 11:32

Tishi piveno Jeftha ye aghoki kathasu ikuno Amunmi sasu aghushi thuve, eno AMPEU no tokulu pa tsuve.

XAKUTHAMI 2:19

Ikemu xakuthau no thiveke mtsa timiqoye itaghi idechile aqau kuxulo ilove eno azuu tiqhelimi nguno alhoksa shikitheuve. Panonguno alhou kutau mllauveno amlo thonhei panongu lhoksa laghilo xu acheuve.

XAKUTHAMI 3:9

Tishike lono Israilmi AMPEU lau igha khu eno pano timi lakhi pelo panongu kuqho phe tsupenikeu puwu. Timi tipau jeye Othniel ke, paye Kaleb thikuzuu Kenaz nuke.

XAKUTHAMI 6:12

AMPEU wu kungumi huno pa lau ipeghino pi, “AMPEU no ogholo ani, amlo kuloghiu eno akughushuu timio!”

XAKUTHAMI 6:16

AMPEU no khochile, “Nono tolu nani, kughengu ino okuphu tsu nani. Timi lakhi heqhi lu akeshi mlalei keu lono nono Midiyami mukhumuno shive tsu nani.”