XAKUTHAMI 2:14 - BAIBEL (BSI)

¹⁴ Tighenguno AMPEU no Israilmi lau ighono axu ideveno suxakuchumi pelo le ighipe no panongu kuakini lipuwuve pe. Pano ghumiqo pelono panongu qhasuluvepeno Israilmi ye kiunomu panongu sushokulupu shimove.

Sumi Naga CL (Re-edited) Bible (BSI)

¹⁴ Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

XAKUTHAMI 2:14 ပူးပေါင်းရင်းမြစ်များ

SAMUEL AKINIU 24:1

Ghuthu lakhilo AMPEU ye Israilmi lau amlo ideve, ikehu pano David pelono panongu shou akupuna sughitsupe. AMPEU no pa vilo pi, “Wuno Israilmi eno Juda lo timiqo kihi julo” ipi.

KUKAMI AKINIU 13:3

Tighenguno AMPEU no Israilmi shou amlo ideveno Siriyami kukau Hazael eno pa nu Benhadad pelono ghuthu kutomolo Israilmi shou tolu auvepe.

KUKAMI AKINIU 17:20

AMPEU no Israilmi kumtsu milive, aghime panongu tsu eno panongu kughapesu ayikusami aghumi ulo suvetsu eno ashekhaloye panongu pa nhekithe lono haphe puwuve.

YEKIKITHI AKINIU 15:5

Tipa tsala ghuloki loye milakhimu akupuna shomlano iqho iqi mlake kughengu aghakhu kumtsulo akupuna ngo hexakeu ake.

YEKIKITHI AKINIU 28:5

Akukau Ahaz no achine shive ke ghenguno AMPEU pa Lhou no Siriya kukau pelo pa shou aghu toluvepe eno Judami kutomo Damaska lo akughumi shi sawuve. AMPEU no Israil kukau Ramalia nu Peka pelo ghi Ahaz shou toluvepe eno ghulo lakhi lono Juda ghushimi 120,000 amlo kumtomi pithivetsu. AMPEU panoqo puasu Lhou no hipau shipenike pulosuve tsu kughengu Judamino pa pheve kehuke.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

NEHEMIA 9:27

Tighenguno nono pano ghumi pelo panongu leluveno pano shou ayeh peuve pe. Panongu ghimelo kuphu lepi ovilo khu, eno nono kungugha lono khochile tsuke. Okikimiye kije lono nono sakiphemi panongu lau tsuke tipaqono aghumi launo panoqo xaphelu.

LESHELE 44:11

Nono kutami pelo bheri hutoi ningu ghiqhivepeke, nono inami yeghilo ni hapiye pighiveke.

LESHELE 44:12

Nono olikhi owu timiqo ame kimkhe lono jeveke, eno owu timiqoye ame kuhakeshi kumsuke.

ISAIAH 42:24

Khuno xulepuwu kemi ulo Israil suve kya? Tiye AMPEU ampinoke, ninguno pa shou axine shiveke! Pano ningu pelo xupenishi ake toi ninguno xumoveke, eno pano akukutsu ningu tsupua keu agholumoveke.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

JEREMIYA 37:10

Nonguno Babilon ghushimi kumtsu shou toluveno izavekemi likhi qhiveno panoqo phikilo azua dape aghive pe kepushi namu timi tipaqono itaghi ithughiveno aphughi hipau ayeghilo pitile qhivenikeu shiaphike.”

ACHINE 26:17

Ino nongu shou akumou shive nani, tishikeu lono nongu hasuve nani eno nongu jumithi chekemino noshou ayehpe nani, nonguye ighono thughuive nani ikelauno timino nongu hacheghimo namu nonguye kohapo nanike.

ACHINE 26:28

tileno iloghu lono ino nongu shou akumou shinani eno itaghi nongu ghimepuye puzuu nguno alhoksa kutuu shi ghuthu tsuni kighishetsu nani.

ACHINE 26:37

Timi khunomu nongu hachemo namu nonguye lakhino lakhi kupxalu nani eno nonguye aghumi khuumu sasu kumjomla nani.

AKIKIHI 32:13

AMPEU ye timiqo shou agha ideve no panoqo pelo asayeqhalo ampe lhobidi iqho iqi auvepe tiye pa lopu shimokemi tiqheli kuchopu thikhave moke kutolo tishike.

AKIKIHI 32:14

Itehi nongu ye nopu asuqo toi shi auvae, itaghi Israilmi shou AMPEU loghu ide ikughi penikemi axine shichekemi tiqheli akitheuqoke.

ZAKINIU 28:20

“Nonguno alhoksa mla eno AMPEU milive aye pano kutsakungo keu, kubangu keu eno akupuna nonguno mla itha keu kumtsulo sughi tsu nani, tiye papashi eno qhoi nongu kutsale khavemoke kutolo tishi nani.

ZAKINIU 28:25

“AMPEU no noghumiqo pelo noshou tokulupu shive penani. Nonguno aqha lakhi kudauno panoqo leighi nani ikemu nonguye panoqo launo apanagha kuhapove nani, eno nongu shou kiu shi ani kela tipau ithulu pesu ayeghilo timi kumtsu no thughuive nani.

ZAKINIU 28:58

“Kaku hipaulo yepe qhipuatsu keu Alhou kukutsu kumtsu nonguno amikuchoshi papelu moaye eno AMPEU Alhou je akichiqhipu eno akumzapu nonguno qhoqhu gihumo aye,

ZAKINIU 32:30

Kishi puzu qhethonhe lakhiye milakhino leluve, qhethonhe chighiye mikinino leluve kya? AMPEU, pano Lhou ye pano qhive; pano wu akumto Lhou ye panoqo tsupuwuve.

JOSHUA 23:16

Tsalatsa nonguno AMPEU noLhou no puloshoqhi pelopi ahza tsukeu pemove aye eno tsalatsa nonguno kutau lhouqo qe eno mllauve aye, pa mlo kighideno nongu shikighimeve nani eno kushuwa kumolo nongu lakhimu pano nongu tsuve keu yeghi kivilo ngo mlave nani.”

XAKUTHAMI 1:34

Amarimino Dan laghaqo mujo chile puqho pesu atolo kughuna wuvepeno panongu pelo aqalo iqighi pemove.

XAKUTHAMI 10:7

Tighenguno AMPEU no Israilmi shou ighono amlo ideveno Filistiyami ngo Amunmi pelono panongu shou qhasuluvepe.

XAKUTHAMI 2:20

Tishike lono AMPEU no Israilmi lau muqhu-mza axu ideveno pi, “Tiqheli hipauye Puloshoqhi khikhi ino panongu puasu vilo shilopi keno tipaqo kubovae. Kughengu panongu ye igholumovae,

XAKUTHAMI 3:12

Israilmiye itaghi AMPEU zulo axine shive. Tighenguno AMPEU no Muab lo akukau Eglon pesu Israilmi nguno akumtou shivetsu.

XAKUTHAMI 4:2

Tighenguno AMPEU no Kananmi kukau Hazor phughi lo akukau Jabin pelono panongu leluvepe. Pawu ghushimi shou zahtou ye Sisera, Haroshet Juda kumomi huno shi ake.