XAKUTHAMI 1:4 - BAIBEL (BSI)

⁴ Juda shiyeh kuqhano aghushiqa lo wu. AMPEU no Kananmi ngo Perizimi shou tokulu pe panongu tsu eno Bezek ghushiqa lono panonguno 10,000 shou tokulu shilu.

Sumi Naga CL (Re-edited) Bible (BSI)

⁴ Tishino Judah no iqho eno Ampeu no Canaanmi ngo Perizimi panongu u lo süvetsü, eno panongu no Bezek lo timi 10,000 theqhive.

XAKUTHAMI 1:4 ပူးပေါင်းရင်းမြစ်များ

KUKAMI ATUGHIU 22:15

Kughou pano akukau Ahab zulo ipeghi keno akukauno pa vilo iniju, “Mikaiya, akukau Jehosafat ikujoye Ramot lewukepu keo mokya?” “Le wunithono! Noye tolu nanike, AMPEU no tokulu pesu otsu nanike.” ipi Mikaiya ghi khochiletsu.

KUKAMI ATUGHIU 22:6

Tighenguno Ahab no tungkupumi 400 kutolo kukutsuno panongu iniju, “Niye Ramot lewukepu keo mokya?” “Lelo, kughengu AMPEU no tokulu otsu nani,” ipi panonguno khochile.

LESHELE 44:2

No ampino ashiayeh kutami haleve puzu panoqo yeghilo owu timiqo sawo suke; Nono ashiayeh kutami ghimeqhi ikemu owu timiqo pelo ililayi xulupeke.

LESHELE 78:55

Pawu timino azuu hakemtsa tipa yeghilo aghikemi pano haphevetsuke; Pano Israilmi lagha dolo timiqo yeghi pano kijetha pesu tsuke; eno timiqo ki-alu pesu pawu timiqo tsuke.

ZAKINIU 7:2

AMPEU nongu Lhou no timi hipaqo puhave penike akuka nongu tsuaye nongu ye panoqo kumtsu pithikhave masake. Panoqo sasu kulakishi shikevilo momu kitilamu panoqo kimiye kevilo.

ZAKINIU 9:3

Ikemu itehiye no likhi nongu ampino ithulu nanike AMPEU nongu Lhou no ami kuyiqu he chighi akeu lakhi toi nongu zuu wunanike. Nonguno azuu haighi kemtsa pano panoqo leluve nani, tishianguno pano tushoqhive ke toi nonguno panoqo halepheve nani eno payi kutsaleve nani.

XAKUTHAMI 1:3

Juda timino Simon timiqo vilo pi, “Kotha pesu nitsukeu ghakhu kutolo ni sasu wulo eno ningu kuqhano Kananmi sasu aghushinie. Nonguno ni sasu wu aye ningu ghi nongu kotha tsukeu ghakhu kutolo sasu wutsu nani.” Ikehu Simon shiyeh ngo

XAKUTHAMI 1:5

Panonguno Adonibezek phuluno pa sasu aghushithu.

XAKUTHAMI 11:32

Tishi piveno Jeftha ye aghoki kathasu ikuno Amunmi sasu aghushi thuve, eno AMPEU no tokulu pa tsuve.

XAKUTHAMI 3:5

Tighenguno Israilmiye Kananmi, Hatimi, Amarimi, Perizimi, Havimi eno Jebusimi hipaqo gholo kitekungo kughunauve.

SAMUEL ATUGHIU 11:8

Saul no panoqo Bezek lo hekutsulu: tilehi Israil lono ighikemino 3,00,000 eno Juda lono ighikemino 30,000 ishi ipeghilu.

SAMUEL ATUGHIU 14:10

Ikemu panonguno nikujo vilo panongu lau iqhoghilo ipi aye, nikujoye panongu lau iqhoni; kughengu AMPEU no panongu pesu nikujo ulo suvetsu ae pi tino amchipu shi ithiluvenie.”

SAMUEL ATUGHIU 14:6

Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”