SAMUEL ATUGHIU 9:9 - BAIBEL (BSI)

⁹ (Khaghiye Israil lo timi lakhino Alhou lau kighini kilejuniye wukelo pano hitoi piche, “Ighilo, ningu asakiqhimi lau wunie;” khaghi asakiqhimi ipi chekeu itehiye tungkupuu ipi kuuva.)

Sumi Naga CL (Re-edited) Bible (BSI)

⁹ (Püzüu Israel lo kughou milakhi no Alhou lau wuno kighinikile juni keno, pa no piche, “Ighilo, ningu ithukuluu lau wuni,” kughengu ishiw “tungkupu” huye azüu ye ithukuluu ipi cheke).

SAMUEL ATUGHIU 9:9 ပူးပေါင်းရင်းမြစ်များ

BOTHUBO 25:22

Li polo anga kini mishipu akeu pamano kumghothuve kelono lino pi, “Ishi kepushi keu lono aye niye kishivelopi kya?” pi lino AMPEU vilo iniju.

SAMUEL AKINIU 24:11

AMPEU no David wu tungkupu Gad vilo pi, “Wuno David vilo pa pelo kishelupe nike kuthu tsu ani. Pano tipano kuthu dolo khikhiu kishelu ni keno ino tipau shitsuni pilo.” Thoghiu David no ithughive kethiu

KUKAMI AKINIU 17:13

AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

YEKIKITHI ATUGHIU 21:9

Tileno AMPEU no David wu tungkupuu Gad vilo pi,

YEKIKITHI ATUGHIU 26:28

Shelomit ngo pa kibolomino Achinekilo shikimtheve keu nhemgha kumtsu shou ampi shie eno tiye tungkupu Samuel, Akukau Saul, Ner nu Abner, Zeruia nu Joab ishino agho sughi ke kumtsu shou ampi shipeke.

YEKIKITHI ATUGHIU 29:29

Akukau David kuxu ghili abothu lono ashekha kutolo tungkupmi Samuel, Nathan eno Gad pano kuthuno yepe qhie.

YEKIKITHI ATUGHIU 9:22

Kumtsu kuqhakelo 212 no kishephepe ilokighi lalo eno khagho kikha kheche. Panonguye pututa phu kiqi lono aje sue. Akukau David eno tungkupu Samuel pamano panongu puasu pesu akumla hipaqolo amakho pupe.

YEKIKITHI AKINIU 16:10

Hipatsa no Asa pelo tungkupu shou amlo idevepe ike pa kughape ayikighi no tshupe qhivepe. Hipa ghuloki lono huthu puzu Asa no timi khami kijipusa thuve.

YEKIKITHI AKINIU 16:7

Tipa ghulokilo tungkupu Hanani no Akukau Asa lau wuno pi, “Nono AMPEU oLhou pukhuni ke zuqhulo Siriya kukau shou pukhube ke ghenguno Israil Kukau wu ghushimi ye olauno pokaluveke.

ISAIAH 29:10

AMPEU no nongu pelo ingufufuyi anipeke eno cheyi zuhuve peniye kuto anipeke. Tungkupmiye kutami nhethi shikepushi ake ikemu Alhou no panoqo nhethi kighicheve tsuake.

ISAIAH 30:10

Panonguno tungkupumi vilo inaqhoivelo ipicheni. Panonguno ishi pi, “Nivilo khuno achipiu keno pikevilo nino kiu ininishi keno tipau nivilo pilo. Nipelo kuma kuma akepushi pitsulo.

AMUS 7:12

Tishi puzu Amaziya no Amus vilo pi, “O tungkupuu, wuvelo! Juda lo idewovelo eno tilau tungkuptsa pialo eno panoqo pelo oloji apelo.

1 Kor. 12:17

Aphimpi kuchopu anhethi shiveke aye khileno chiluni kya? Aphimpi kuchopu akini shiveke aye khileno tsunguluni kya?

XAKUTHAMI 1:1

Joshua thive kethiu Israilmino AMPEU vilo iniju, “Ningu shiyehqo gholo khuu paghino wuno Kanan lepaghini kya?”

XAKUTHAMI 18:5

Panonguno pa vilo pi, “Tishi aye ninguno izu susu wuchekeuye tokulu shi nani kemokeno Alhou vilo iniju tsulo.”

SAMUEL ATUGHIU 9:10

Tileno Saul no pa qeu vilo pi, “Tiye akukumsu kivi achipilo shi ani, nikujo wujuni kholo.” Tighenguno pamaye taun tipaulo akimitheu timi no ngo akeu alo wu.