SAMUEL ATUGHIU 6:3 - BAIBEL (BSI)

³ Panonguno khochile, “Tsalatsa nonguno Israil Lhou wu Puloshoqhi Bohu tsuchile puwuveni piaye, nongu xine jume agho lakhi pesu tipau gholono tsupuwumasa. Agho sumo keloye Puloshoqhi Bohu likhiye khilemu tsuchile puwu kepu kumoe. Tishi anguno nonguye viluve nani eno paye kushiye nongu ghime akeno nonguno tipau phupheluve nani.”

Sumi Naga CL (Re-edited) Bible (BSI)

³ Panongu no pi, “Tsala nongu no Israel Lhouw Puloshoqhi Bohu tsüchile puwuveni aye, ti ye kümsa puwu kevilo, ikemu kiukiu gholau nomu akipimi kümllagho pa tsüpuwu lo, eno kushiye pa u ye nongu launo süchilemo keno nongu no ithive nani.”

SAMUEL ATUGHIU 6:3 ပူးပေါင်းရင်းမြစ်များ

JOB 10:2

Alhou vilo ishi pini aphi, “Ipesu kusakugha shitsukevilo, ikipimi kiu ani kela ipithi tsulo.

IPEKULU 23:15

Nonguno Ijip lono ipelukeu qhi Abib lo ino ahza nongu tsuvekeu kiqi lono kholaqhi sumokeu ghulhu ikhilulo. Hipau ghulhu atsala tsuni dolo kholaqhi sukeu sho khilemu chukevilo. Akumllagho pemo keloye imllanike ighikevilo.

IPEKULU 34:20

ikemu nonguno gadaha atsu piti tughiu thelilo bheriti lakhi pesu akumllagho tsuno tipaqo xa chile lulo. Nonguno tipau xa chilelu monapiaye tipau kuo hechheve tsulo. Anu anoghiu thaqhuye qhuchile luvelo. “Timi khuumu akumllagho pemono igizulo ipeghikeu shikevilo.

IPEKULU 8:15

Achuyiqo thikhave keu akukauno ithulu puzu pamlo hekike pesu auve, AMPEU no puzuu no akukau ye Muse ngo Aron pama tsa initsumo nani kepi pivekeu toi shive.

ACHINE 5:6

eno pa xine ghenguno lokepushi paye AMPEU lau bheriqu momu anequ lakhi akumllagho sughimasa. Achineu no timi tipau ghenguno aghashi pesu mllalo.

ACHINE 6:6

Paye AMPEU lau tipau lochilekeu kumllagho ghi achineu lau anetsu momu bheritsu tukutiye kuhakeu sughilo. Tipauye kiume qhemi shikepu keno achine alo mighi chekeu qhemi lono hulo.

ZAKINIU 16:16

“Noshiayelo kiptimi thaquye Akumlla-a lakhi lono ampe lakhilo ghuthu kuthu ighieno AMPEU mllalo; tiye Hechekulu Ghulhu lo ngo Ghile Pinye lo eno Apusholo ngokeu Pinyelo. Timi lakhikhino agho lakhi sughilo

SAMUEL ATUGHIU 5:11

Tighenguno panonguno itaghi Filistiya lo kukami kumtsu kuno pi, “Israilmi wu Puloshoqhi Bohu hipau pesu inahuu khile akeno tipaulo tsuchilevelo, tishi anguno ningu eno ningu kibolomi heqhimo nani.” Aphughi kumtsulo amlo kichi puhavetsu kughengu Alhou no aloqhi panongu ghimevekeu lono.

SAMUEL ATUGHIU 5:7

Kughou kiu shive keno panonguno ti ithulu veno pi, “Israil Lhou no ningu eno alhou Dagon ghime ani. Ninguye Puloshoqhi Bohu hipau hile qhipua kepu kumoae.”

SAMUEL ATUGHIU 5:9

Ikemu ti suwo qhikithishi AMPEU no aphughi tipaughi aghimetsuno ighono panoqo mlo kichipuhavetsu. Aphughi tipaulo muchomi eno lhothemi kumtsu philo mishe ipeghivepe.

SAMUEL ATUGHIU 6:8

Tishino AMPEU wu Puloshoqhi Bohu ti mishikululo abohulo suno nonguno shunano ajulho shipuzu nongu xine ghenguno agho lakhi kiqi lono puwuniye akeu phivilo qhilo. Mishikulu pelono pakutoshino xapuwo palalo chevepelo.

SAMUEL ATUGHIU 6:9

Tishipuzu khikudau wuveniala jukuto alo; tsala tipauno Bet Shemes kudau wuve aye Israil Lhou no alhoksa ghime hipau nongu lau tsupuwu ipi ithivelo. Ikemu tsala hipauno tikudau wumove aye Israil Lhou no pusa hipau ningu tsupuwu mono pakutoshino hishi sholu kepu shive kena ipi ithiniae.”