SAMUEL ATUGHIU 5:3 - BAIBEL (BSI)

³ Thanau itheno Ashdod phughilo kuamiqono jukeloye asu-atuno shisupua keu Dagon hu agino pishiqhoghi AMPEU wu Puloshoqhi Bohu zulo ikiqive aghikeu ithulu. Tighenguno panonguno Dagon sunheputhuno pa-alo ghope qhive.

Sumi Naga CL (Re-edited) Bible (BSI)

³ Tishiwo thoghiu inaqhe kughou Ashdodmi no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi. Tighenguno panongu no Dagon ikhiqhe luve eno pa-a lo ghope qhive.

SAMUEL ATUGHIU 5:3 ပူးပေါင်းရင်းမြစ်များ

KUKAMI ATUGHIU 18:26

Panonguno amshitsu panongu lau sughikeu ikhiluno kutothuve eno puchomughu kutolo Baal vilo inikhu. Panonguno ighamuku, “Baal ni khochile tsulo!” akiptia homxa ilhe ae. Ikemu kiumu khokichile ighimove.

LESHELE 115:7

Tipaqoye au puani ikemu bumlae, apukhu puani ikemu alachemlae; tipaqoye asutsa kuhae.

LESHELE 97:7

Ajulho shisuno mlachekemi kumtsu shikukujove; alhouqo kumtsuno AMPEU zulo itsaiqi.

IPEKULU 12:12

Tipaji, niye Ijip yeghi qhalo wunani, timi na lhoxu pinamu kiptimi anoghiu heqhini cheni eno Ijip lo alhouqo kumtsu ghimeqhi ni cheni. Niye AMPEU ke.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 40:20

Timi khuno tsandiyi momu shunayi me tsumlakeno tsumamo kepushi asu peitha cheni. Pano atshamgha shitsa shikemi phuno ikiqimo kepu julho lakhi shiniyeke.

ISAIAH 41:7

Asu kumlamino shunayi kumlami vilo ishipi, ‘Aloqhi shivetsuake!’ Ajulho hekumudu chekeuno tipau yekumtsa chekeu shikumto. Panonguno pi, ‘Medakile keuye alo ani’ eno panonguno tipau ithape monike ayishu pe yetsave.

ISAIAH 46:7

Panonguno abighilo tipau ikhiqhe pe xapuwu cheni; panonguno a-a lakhilo qhi cheni eno tipaulo ghope qhi cheni, tipa alono kutau ithawulu chemoke. Timi khuno tipau vilo inikhuni keno tipauye khochile chemo momu shiluksa lono pa xaluchemo ke.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

Mark 3:11

Kughou tughakusa alolo akeqono Jisu ithulu nikeno, panonguno “Noye Alhou Nue.”

SAMUEL ATUGHIU 6:1

AMPEU wu Puloshoqhi Bohu ye Filistiya yeghilo aqhi tsuni kutolo ngove.

SAMUEL ATUGHIU 6:5

Nonguye amisheqo eno ajih khipaqono nongu luza shipusave tsukeno tikuma julho shisuno akishe agigihu pesu Israil Lhou tsulo. Tishiaye pano nongu ghime akeu lono nongu lhouqo eno nongu yeghi ghime akeu lono lakha luvetsu nani.