SAMUEL ATUGHIU 2:8 - BAIBEL (BSI)

⁸ Pano kumlhomi amukhu lono sunheqhe eno athokhami pesu avekusa kuxu lono xaqhetsu. Pano kukami pesu panongu kusa pau shitsu eno panoqo pesu akishe agigihu alo qhitsue. Ayeghi boqha ye AMPEU wu ke; tipaqo shouno pano ayeghi kughulhoe.

Sumi Naga CL (Re-edited) Bible (BSI)

⁸ Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

SAMUEL ATUGHIU 2:8 ပူးပေါင်းရင်းမြစ်များ

BOTHUBO 41:14

Tile Farao no Josef kupuwue, ike panonguno akimighishi akughuki lono Josef saipeghi. Pano akutsusa ngo akichimhi miyeve eno aphimini kilive puzu Farao zulo ighi.

BOTHUBO 41:40

Ino opelo niyeghi peithapeni ke qhini eno iwu timi kumtsuno nono ahza tsukeu gholu nani. Ino akukau ke ghengu likhino ino onguno akijeu shini.”

SAMUEL AKINIU 7:8

“Tighenguno iqeu David vilo ni AMPEU Akughushuu no pa vilo pi ani pilo, ‘Aluzalo bheri khechekeu lono ino pa ikhipheluno iwu timi Israilmi shou okughape ayekipeu shilue.

KUKAMI ATUGHIU 16:2

“Noye khumu kumokemi lakhi ikemu ino okugha pesu iwu timi Israilmi shou saphetou shilupe. Ikemu noye Jeroboam toi axine shiveno iwu timiqo sasu axine lo ilove tsua. Panongu xineno imlo shikighideve tsua,

KUKAMI AKINIU 9:6

Tishino pamano sholokuu ilo eno tungkupu lhotheu huno oliv teli pesu Jehu tsuqalo lepuku tsuno pa vilo pi, “AMPEU, Israil Lhou no piphevetsua: ‘Ino opelo iwu timi Israilmi shou akukau shipenike okisheluva.

JOB 1:21

“Niye iza po lono kumsa ighie eno kumsa woveniae. AMPEU no tsu puzu AMPEU no ikhi suwuvae. AMPEU je shelo!”

JOB 2:8

Ike Job ye pa piyi chuxani ke alitsa ikhi pesu ayevulo iqae.

LESHELE 102:25

Kha-ghino nono ayeghi lhopheke, eno o-u ampino kungugha mlake.

LESHELE 104:5

Nono ayeghi pesu mutotoi pabo qhalo shope puani, tiye khilemu ithamoke.

LESHELE 107:41

Ikemu pano kumlhomi pano kuxu kusa lono xaphelu cheni eno pano kibo pelo aloji toi ikowolupe cheni.

LESHELE 24:2

Pano azukutho shou tipau ghopeqhi, eno azughi kutholo tipau boqha qhapeqhike.

LESHELE 75:3

“Lhoxu jeli kumtsuno msa khokho shi anamu, eno ayeghi thotsu sukini namu ino tipau boqha mutotoi pua nani.

LESHELE 75:4

Niye kixikilami vilo lasulanga shi xukevilo pike;

LESHELE 75:7

tiye Alhou no kughakuthauke, khami shou akipimi tsucheni eno khamiye phepuwuve cheni.

ISAIAH 22:23

Ino pa pesu ayishu lakhi toi a-a lakhilo yesupe qhive nani eno pano kibo kumtsu pa ghenguno gihukepu shive nani.

DANIEL 2:48

Tileno akukauno akumla akiqheu pe Danel tsuve eno kumsagho kutomope pa tsu no Babilon yeghilo ampiu shivepe.

DANIEL 4:17

Hiye tsukhu tsuvai, kutokupui keu kungumi huno xakutha shitsu keu tsake. Tishi pive keu vechewo ayeghi qhalo timi kumtsu pelo akuka kua Lhou ye timi kukaphu shou ghi akuka ani kena ipi ithipeniye ke eno khuu pelo akukau shipeni keno pa gho lono akhoto kumomi shi aghi pimu kishe cheni.

DANIEL 6:3

Ado kushowo kumphi lono Danel ye kutami jukutsu akemiqo eno ahng qo nguno akiviu shi mulalu akeu piye luve, kughengu paye ighono shitsami kehu, tileno akukauno pa pesu akukaqha kumtsu shou akijeu shipe nikeu kumsuve.

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 5:10

NiLhou qe penike achinemi yehkipeqha lakhi panoqo ghengu shipe qhitsue, eno panonguno ayeghi shou ayehpe nani.”

SAMUEL ATUGHIU 15:17

Samuel no khochile, “Noye olikhi opesu kumu akhotoshi kumsumo namu, noye Israil shiyeh sakipheu ke. AMPEU no opesu Israilmi shou akukau shipenike okishelue,