SAMUEL ATUGHIU 15:3 - BAIBEL (BSI)

³ Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”

Sumi Naga CL (Re-edited) Bible (BSI)

³ Itehi wuno Amalekmi lelo, eno pano no akeu kümtsü kütsave tsülo. Panongu püxü mono kiptimi totimi, itimi eno anga kughunu, amshitsü eno ambe, sayeshi eno khurha kümtsü ghiqhive lo.’”

SAMUEL ATUGHIU 15:3 ပူးပေါင်းရင်းမြစ်များ

BOTHUBO 36:12

Timna ye Esao nu Elifaz nipu amshiu gholo lakhi, lino Amalek punutsu. Hipaqono Esao nipu Ada nuliqoke.

SAMUEL AKINIU 1:8

Pano ivilo niye khuu kelapi inijuke ino pa vilo niye Amalekmi lakhi kepi pa khochileve.

IPEKULU 17:14

Tile AMPEU no Muse vilo pi, “Tokulu ghili hipau abo akeshi yepe qhilo, tishianguno tipau kumsulu penike. Ino Amalikmi qhoi kutsave nani kepi Joshua vilo pilo.”

IPEKULU 20:5

Kiu kiu suatu julho lau pinamu itsaiqi tsumoni momu tipau mllamoni kughengu niye nongu Lhou AMPEU ke eno isasu kusuxanikemi qhimoke. Ijumithikemi shou eno panoqo polo kughukomi akuthuu eno abidiu tiqheli kutolo ino ghimeqhi tsu cheni.

AKIKIHI 24:20

Tithiu Balam no pawu kungu nhetsulo Amalekmi ithulu eno tungpu tsa hipau pitsu: “Amalekmi ye kumtsu nguno shishe akumto shiyeh ke, Ikemu ashekha lo tiye alhokupuju ghenguno pughave nani.”

AKIKIHI 31:17

Tighenguno khijehino kipti toti axine shivea keno kiptimi na totimi namu kumtsu itehino ghiqhivelo.

JOSHUA 10:39

Pano aphughi gholono akukau eno pawu hokumxa phuqo luve. Panonguno timi kumtsu pithive. Joshua no Hebron ngo Libna qo shou toi Debir eno akukau shou ghi tishive.

SAMUEL ATUGHIU 14:48

Paye ighono ajekipi shi aghushi puzu Amalekmi thotsu theqhiluve. Ala thwokha lono Israilmi lechekeu lono pano susholuvetsu.

SAMUEL ATUGHIU 15:18

eno pano ahza lakhi otsupuwu keuye Amalek lhoksa kughami kumtsu puxu kevino pithivelo pi ahza otsue. Panongu heqhi khamphi kutolo aghushi alopi ovilo pie.

SAMUEL ATUGHIU 15:9

Ikemu Saul ngo pawu timiqoye Agag pithimove, eno bheri akiviu, amshi akiviu eno amshiti kivi eno bheriti, momu thime akivi lakhimu kutsakungomove; ame kuhano avehupu shimokeqo likhi kutsakungovetsu.

SAMUEL ATUGHIU 22:19

Saul no achinemi phughi Nob lo kughuna kuami, kiptimi, totimi anuli eno anga kughunu pichepighi, gadaha, bheri hipaqo kumtsu ghiqhi pithi khavetsu.

SAMUEL ATUGHIU 27:9

Kiptimi, totimi kumtsu heqhivetsuno panongu wu bheri, amshi, gadaha eno aphinhemgha kutolo luvetsue. Tishiveno paye Akis lo ide ighikelo

SAMUEL ATUGHIU 30:17

Thoghiu inaqhe itheno David no panoqo lethu eno kijiliu kutolo panongu sasu aghushi ae. Lhothemi pano 400 kemel shou ikuno povekeqo kumo aye kutamiye lakhimu pokamlave.