SAMUEL ATUGHIU 10:3 - BAIBEL (BSI)

³ Tishino noye chekithethu shi wulo eno Tabor lo chinichekeu subo ake alo ighilu nani, tilehi timi kuthu Bethel lo Alhou mlla nike ghenguno wucheghi keu kusholu nani. Panongu gholo milakhino ane kuthu hasasu chekeu, milakhino ashopa kuthu pecheghi keu eno timi akuthuuno ashiyikono shikeu bohu lono aji chhitoi pucheghi keu ishi sholu nani.

Sumi Naga CL (Re-edited) Bible (BSI)

³ Tishino no ye tilauno chekithesü wuno Tabor lo aphisübo-a lo ighi nani. Timi küthü Bethel lo Alhou phuwu chekemi no o sasü kusholu nani, timi lakhi no ane küthü hasasü cheghi nani, lakhi no asho küthü, eno lakhiu no ashiyiko hughi lono atsaizü pecheghi nani.

SAMUEL ATUGHIU 10:3 ပူးပေါင်းရင်းမြစ်များ

BOTHUBO 28:19

Tipa-a pesu pano Bethel Tipau kiqiye kutsu. Azuuye tipa phu pesu Luz ipi cheke.

BOTHUBO 28:22

Atu hipau ino Alhou lau atushope qhikeu pesu Alhou ki shinie. Nono kiu itsuni keno tipau lono kuchouno ino chighi sajelo lakhi otsunie.”

BOTHUBO 35:1

Alhou no Jakob vilo pi, “Kutopesu Bethel lo iqholo eno tilau kughunalo. Nono omu Esao zulono pochekelo Alhou no olau ipeghipiyekeu Lhou lau aghokiptia lakhi shipe qhilo.”

BOTHUBO 35:3

Ninguye hileno kuto pesu Bethel lo iqhoni cheni. Ino shilusache kelo ikuphukeu eno ino wukeu la kumtsulo isasu chekeu Lhou lau aghokiptia lakhi shipesu qhinie.”

LESHELE 89:12

Nono ahuu eno apeu lhoke; Tabor Toghi eno Hermon Toghi no alokivi launo oshipilike.

JEREMIYA 32:8

Tileno AMPEU no pike toi Hanamel no tilehi kughatha chekeu bocho akeulo ighino ivilo alu qhuluvelo pike. Ikehu AMPEU no kuchouno iputsa kepi ino ithive.

ACHINE 1:10

Timi huno pawu bheritsu momu anetsu pesu mlla aye tiye tukutiye kiumu kuhakeu shi masa.

ACHINE 23:13

Tipau gholo nonguno asho mukhu oliv teli pesu kunuvekeu kilogram kini pesu mllakeugho shinike sughilo. Hipau kumlla xoye AMPEU lopuke. Nonguno tipau gholo atsayi-ji liter lakhi ghi akumllagho shi sughilo.

ACHINE 3:12

Timi lakhino ane pesu mlla aye,

ACHINE 3:6

Tsala bheri momu ane lakhi pesu kuposhukulu kumllagho shi aye tiye atsu na aqu namu pesu shiluvi ikemu tiye tukutiye kiumu kuhakeu shimayesake.

ACHINE 7:13

Tinguno alauno, paye kholaqhi sumo no asho shikeu pesu mllalo.

JOSHUA 19:12

Tuxaye Khislot Tabor lughi kuto eno Deberat ngo Jafia kuto wuve.

JOSHUA 19:22

Alughi huye Tabor, Sahazuma eno Bethshemes, dighi Jordan lo kishekhave. Tiye hokumxalo taunqo sughi aphughi chighi tsugho ae.

XAKUTHAMI 20:18

Israilmi no mllache keu a Bethel lo wuno tileno panonguno Alhou vilo iniju, “Khikhiu lagha paghino Benjamin timiqo lethu paghini kya?” AMPEU no khochile, “Juda lagha paghino lelo.”

XAKUTHAMI 20:27

Alhou wu Puloshoqhi Bohu ye tipa ghulokilo Bethel lo acheke, eno Fineha, Eleazar nu Aron tilinu no tipaulo ampi shitsu acheke. Timiqono AMPEU vilo iniju, “Ninguye wuno ningu thikuzumi Benjaminmi sasu aghushilo pikeo ikeo shikevilo pi anikya?” AMPEU no khochile, “Aghushilo thoghiu ye panongu shou tokulu pesu ino nongu tsuni.”

XAKUTHAMI 4:12

Kughou Sisera ye Barak no Tabor tolo ikuvae pikeu ithivekeno,

XAKUTHAMI 4:6

Ghulo lakhi lino Naftali lo akeu Kedes phughi lo ngochekeu Abinoam nu Barak kuno pa vilo pi, “AMPEU, Israil Lhou no ahza hipau otsu ani: ‘Naftali ngo Zebulun dolono timi 10,000 kisheluno panongu sasu Tabor to lo sawulo.

XAKUTHAMI 8:18

Tishino Gideon no Zeba ngo Zalmuna pama iniju, “Nokujono Tabor lo timi heqhivekeu kiutoi kemi kya?” Pama no khochile, “Panonguye otoike panongu kumtsu kukami lakhi nu toi khae.”

SAMUEL ATUGHIU 10:4

Panonguno petha otsu nani eno ashopa kini pesu otsu nanike noye tipau ikhilu masa.