SAMUEL AKINIU 8:2 - BAIBEL (BSI)

² Tipathiu pano Muabmi ghi theqhi luve, pano akughumi ayeghilo ihozupe eno panongu kuthu thu dolo kini niye pithive tsu. Ikehu Muabmiye pawu timi shilukhave eno zahme pa tsuuve.

Sumi Naga CL (Re-edited) Bible (BSI)

² Pa no Moabmi ghi theqhive. Pa no panoqo pelo ayeghi lo ikiqi züvepe no akighi lakhi pesü panoqo mighive. Akimghi kini shi aghi keqo thaqhü pithive, eno akimghi aküthüu ye xüluvepe. Ikehu Moabmi no David qholo xüuve eno zame süghi no tsüche.

SAMUEL AKINIU 8:2 ပူးပေါင်းရင်းမြစ်များ

SAMUEL AKINIU 12:31

Aphughilo aghikeqo sawo khamino asu kukuxumi shivepe, eno ayikuphu ngo amughu peno ita-tu mlapenikeu shivetsu. Hitoi shi Amunmi taun kutau lono ighikemi ghi tishi mlape. Tishive kethiu David eno pawu timiqoye Jerusalem lo idewove.

SAMUEL AKINIU 8:6

Tishino pano panongu lughi lo ghushimi ghazubo qhiwove, ike panongu ye pawu timi shikhave eno zahme pa tsuuve. AMPEU no aqha kumtsulo David pelo tokulu shiluvepe.

KUKAMI ATUGHIU 4:21

Solomon kukaphu huno Eufrati ghoki lono wo Filistiya eno Ijip lughi kutolo ashiayeh khijehi anikeno ti kumtsu qhachho wove. Panonguno zahme patsu eno pano xu ake kutolo pawu timi shilu khave.

KUKAMI AKINIU 1:1

Israilmi kukau Ahab thivekethiu, Muab ghakhumino Israil sasu kumjothuve.

KUKAMI AKINIU 17:3

Asiriya kukau Shalmaneser no pa sasu aghu shithuve; Hosheya ye Shalmaneser zulo ipeghive eno ampelo zahme pa tsu anikeu shive.

YEKIKITHI ATUGHIU 18:2

Pano Muabmi ghi toluve, panongu pelo asuqha qhape pa tsuchepe.

YEKIKITHI AKINIU 26:8

Amunmino asuqha pesu Uzia tsuke eno paye ighono akumto shive kehu pa jekipino Ijip kutolo piwove.

LESHELE 108:9

Ikemu ino Muab pesu axine qhukeu bohu shini eno Edom shou ipu khu kuqho bepukuni, tiye iwuke ipikeu michi shinikehu. Ino Filistiyami shou tokulu ghule kunike.”

LESHELE 18:45

Inaghamino pano mlo hauve, eno pano liwo lono msa khokhoshi ighi.

LESHELE 60:10

Noye kuchouno nipeve akesha? Noye niwu ghushimi sasu ipemoni kesha?

LESHELE 60:8

Ikemu Moab ye i-u kumtsuzubo toi peitha nani, eno Edom shou ipukhu kuqho xapesu beni, tiye iwuke pikeu michipuke. Filistiami shou ino ighule kunike.”

LESHELE 83:6

Edommi, Israilmi, Muabmi, Hagritmi,

ISAIAH 36:16

Hezekiya tsa inikevilo! Asiriya lo akukatouno nongu vilo aphughi lono ipeghiveno thwokha kumtsu phesuvelo pi ahza tsuani. Nongu pelo notsayibo lono atsayithi xochulupe nani eno nowu khughuthibo lono khughuthi xolupe nani eno nozukikhe lono azu yepe nanike;

AKIKIHI 24:17

Ino ighinikeu lo jusulu, Eno ino Israil shiyeh ithulu Kukami lakhi phuphuyikeu yepu lakhi toi tipau shiyeh lono ipeghi nani. Amchhi yepu lakhi toi pano Israil lono ighi nani. Pano Muab lo sakiphemiqo ghaqhi nani Aqhekuza mukamihi kemiqo pano ghadaqhi nani.

SAMUEL ATUGHIU 10:27

ikemu timi khami kumu avehu kuhakeqono pi, “Kishi puzu timi hipauno nilau kiu akivi kumla shilunia?” Panonguno Saul piputha eno kumu agho suwo pa tsumoe. Ikemu paye inaqhoive ke.

SAMUEL ATUGHIU 14:47

Saul no Israil lo akukau shiluve kethiu, paye pa ghumi aqha kumtsu lo akeqo sasu aghushi: Muabmi, Amunmi, Edommi, Zoba lo kukami eno Filistiyami sasu shike. Khile khilehimu pano aghushi keulo paye tokulu shiche.

SAMUEL ATUGHIU 22:3

David ye tileno chesu Muab yeghilo Mizpa lo ighilu eno Muab kukau vilo ishi pi, “Ipu ngo iza pama pelono ighino osasu ngolu penima ino Alhou no ighenguno kiu shikepukeno phulumono akedolo.”

SAMUEL ATUGHIU 22:4

Ikehu David no papu ngo paza pama sawo Muab lo akukau gholo qhive eno pamaye David no atuki lo itshuake kutolo tilehi ngove.