SAMUEL AKINIU 8:14 - BAIBEL (BSI)

¹⁴ Pano Edom yeghiqha kumtsulo ghushimi ghazu qhiwove, eno tile akeqoye pawu timi shilukhave. AMPEU no aqha kumtsulo David pelono tokulu shilupe.

Sumi Naga CL (Re-edited) Bible (BSI)

¹⁴ Pa no Edom lo ghüshimi ghazü qhiwove; Edom qha kümtsü lo pa no ghüshimi ghazü qhive, eno Edommi ye David qemi shive. David no khile wu keno Ampeu no tokulu tsüe.

SAMUEL AKINIU 8:14 ပူးပေါင်းရင်းမြစ်များ

BOTHUBO 25:23

AMPEU no li vilo pi, “Opolo ashiayeh kini anie. Noye kuthakumlami aqo kini pununi cheni. Lakhi no lakhiu nguno akumtou shi nani; Eno akichiuno ayitiu qeu shinani.”

BOTHUBO 27:29

Timiqo pelo oqe peni, eno ashi- ayehqo pelo ozulo itsaipu peniu. Nobolomiqo shou ampiu shipeni eno oza tikughukoqo pelo ozulo itsaipu peniu. Oghusho kemiqo shou ghushokeu apeni, eno okumghatsu kemi shou kukumgha apeniu.”

SAMUEL AKINIU 5:10

David ye kumtsu mtotoi kije shikithe woluve kughengu AMPEU Alhou Akughushuu no pa gholo ake.

SAMUEL AKINIU 7:9

Nono khile khile wumu niye ogholo chewue, nono khijehilo azuu hahu keno ti kumtsulo ino oghumi theqhi tsue. Ino okugha pesu ayeghiqhalo ighono ajekipimi sakiphetomi toi shitsu nani.

SAMUEL AKINIU 8:15

David no Israil yeghiqha kumtsu shou ayehpeluve eno paw timiqo pelono achipiu eno amikucho lono aphiphishi ithulupeni keu mutsuqhei shitsu.

SAMUEL AKINIU 8:6

Tishino pano panongu lughi lo ghushimi ghazubo qhiwove, ike panongu ye pawu timi shikhave eno zahme pa tsuuve. AMPEU no aqha kumtsulo David pelo tokulu shiluvepe.

KUKAMI ATUGHIU 11:15

Khaghi David no Edommi sasu aghushi chekelo ghushimi shou akijeu, Joab no Edom lo kiptimi thaqhu heqhive tsuno akumo qhovetsu.

KUKAMI ATUGHIU 22:47

Edom yeghiloye kukami kuha; ikehu Juda lo akukauno kishepuwukeuno ayekipeu shiche.

KUKAMI ATUGHIU 22:48

Akukau Jehosafat no azughilo iqhoiqi lukepu zukilu kije mlano Ofir yeghilo shuna puwu nikeu shie, ikemu khilemu wumlaveno Eziongeber lono zukilu tipau shipusave.

KUKAMI AKINIU 14:7

Amazia no amti Khila ipikeu alono Edommi ghushimi 10,000 heqhivetsu eno aghushi puzu Sela phughi hakholuve eno aje tipau pesu Joktheal ipi kukide luvekeu ishi kutolo tishi pi chephi.

KUKAMI AKINIU 18:7

Tighenguno AMPEU no pa gholo ae eno pano kiu shikeno ti kumtsulo tokulu shilue. Pano Asiriya kukau sasu kumjo eno khilemu pa qholo womoe.

YEKIKITHI ATUGHIU 18:13

Pano ghushimi tile akeqoye Akukau David qemi shive pe. AMPEU no David pelo khilekhile wumu tokulu shilupeke.

LESHELE 60:1

O Alhou, nono niqhivae eno niputukhakeu xavetsuke; Noye nilau ologhu ideveke, ikemu itehiye nilau ideighilo.