SAMUEL AKINIU 8:12 - BAIBEL (BSI)

¹² ashiayehqo ye hipaqoke: Edom, Muab, Ammun, Filistiya, Amalek eno pano Hadadezer launo hakholukeu thimeqo ghi ke.

Sumi Naga CL (Re-edited) Bible (BSI)

¹² ti ye Edom, Moab, Ammonmi, Philistiami, Amalek eno Zobah kükau Rehob nu Hadadezer launo leluve keqo.

SAMUEL AKINIU 8:12 ပူးပေါင်းရင်းမြစ်များ

SAMUEL AKINIU 10:11

Joab no pa vilo pi, “Tsala Siriyamino itheqhiluwo cheghi aye noye ighino ikuphutsulo eno tsala Amunmino otheqhilu wocheghi aye ino ighino okuphu tsuni.

SAMUEL AKINIU 10:14

Kughou Siriyamino povekeu Amunmino ti ithulukeno panongu ghi Abishai msano idechile susu aphughilo poilokhave. Tileno Joab no Amunmi sasu kumjo akeu lono xatsughu ighino Jerusalem lo idewove.

SAMUEL AKINIU 8:2

Tipathiu pano Muabmi ghi theqhi luve, pano akughumi ayeghilo ihozupe eno panongu kuthu thu dolo kini niye pithive tsu. Ikehu Muabmiye pawu timi shilukhave eno zahme pa tsuuve.

YEKIKITHI ATUGHIU 18:11

Akukau David no tipaqo akumlla alo peitha nike ghenguno shikimtheve, hipaqo nguno alau pano ashiayeh kutau lewu kelono hakho sughi keu shuna, tsandi - Edom, Muab, Ammun, Filistiya eno Amalek lono sughikeqo shikimtheve.

SAMUEL ATUGHIU 15:8

Pano Amalekmi kukau Agag akuxuno kughaluve ikemu kutamiye kumtsu pithikhave.

SAMUEL ATUGHIU 27:8

Tipa ghulokilo David eno pawu timiqono Geshur, Girzi eno Amalek lo khunoqo ado kushuwa lo tipau qhalo aighive keno tipaqo lethuve. Pano panongu yeghi lesu Shur kutolo wu eno apeu Ijip kutolo leiqi,

SAMUEL ATUGHIU 30:17

Thoghiu inaqhe itheno David no panoqo lethu eno kijiliu kutolo panongu sasu aghushi ae. Lhothemi pano 400 kemel shou ikuno povekeqo kumo aye kutamiye lakhimu pokamlave.

SAMUEL ATUGHIU 30:20

Tilikhi kumono amshi pichepighi kumtsu hakho luve, pawu timino lhoxu kumtsu panongu zulono ha ghi ishi pi, “Hipaqo kumtsu David wu ke!”