SAMUEL AKINIU 7:8 - BAIBEL (BSI)

⁸ “Tighenguno iqeu David vilo ni AMPEU Akughushuu no pa vilo pi ani pilo, ‘Aluzalo bheri khechekeu lono ino pa ikhipheluno iwu timi Israilmi shou okughape ayekipeu shilue.

Sumi Naga CL (Re-edited) Bible (BSI)

⁸ Ikehu, itehi no ye I qeu David vilo pilo, ‘Aqokitikhi Mpeu no ishi piani, Atsüni kümtsha-a lo ambe pape cheke lono I no no ikhiphepe o pelo Iw timi Israelmi shou sakipheu shipe.

SAMUEL AKINIU 7:8 ပူးပေါင်းရင်းမြစ်များ

SAMUEL AKINIU 12:7

Nathan no David vilo pi, “Timi tipau huye noke. AMPEU Israil Lhou no highi pi ani: ‘Ino opelo Israilmi shou akukau shilupe eno Saul launo oxaphelue.

SAMUEL AKINIU 14:13

Lino pa vilo pi, “Noye kushiye hikithipu achipi kumou kumla Alhou wu timiqo lau mlavekya? Noye olikhi onu hapupovekeu lono ide ighikeu ghi pulovetsumoe, tighenguno olikhi nono kiu piqhivekeno tipau tsano okile qhivae.

SAMUEL AKINIU 23:1

Jese nu David ye Alhou no pa pesu kijemi shitsuke, Jakob Lhou no pa kisheluno akukau shilupeke, eno paye Israilmi ghenguno alekungo kivi iqiphe chekemi. Atsa hipaqoye David no kishekha tsa pikeu ke:

SAMUEL AKINIU 24:17

David no kungumi khuno timiqo heqhi pithi akeno tipau ithulu puzu AMPEU vilo pi, “Kuquvekeu inoke, mla itha pimivekeu huye nike. Ikemu timi hipaqoye kiu shivetsu kya? Noye ni eno isholokumiqou ghime masake.”

SAMUEL AKINIU 5:2

Wovekeu lo Saul no ningu kukau shi akelo ghi nono Israilmi ghushiqa lo saphe tsue eno AMPEU no nono pawu timiqo saphe eno panongu shou ayehkipeu shipeni keu olau tushoqhi tsue.”

SAMUEL AKINIU 6:21

David no khochile, “Niye AMPEU akishe tsunike ghenguno ilhe ae, pano opu eno pa lagha zuqhulo ikisheluve, ipelono pawu timi Israilmi sakipheu shipenike ikishelue. Niye AMPEU agigihu tsu anike ghenguno ilhe ani aphie,

KUKAMI ATUGHIU 3:6

Solomon no khochile, “Nono ipu David oqeu lau kimiyekeu kije piye, paye osasu akivishi aghokulu shi eno amikucho qholono xuche. Nono tamo mitheno pa kimiye keu michipu kije kiqi lono anu lakhi pa tsue, tiye ishi pa zuqhushi ayehpe akeuke.

KUKAMI ATUGHIU 8:16

‘Ino iwu timiqo Ijip lono saipeghi ke ghuloki lono Israil yeghiqha kumtsulo aphughi lakhi mu khilehino imllakepu ki shisu kepu keno kishelu moe. Ikemu David, ino opelo timiqo shou ayeh pepenike kishephelu.’ ”

YEKIKITHI ATUGHIU 17:7

“Tighenguno iqeu David vilo Ni Akughushu MPEU no ishi pi anipi pilo, ‘Ino opelo aluqaqhalo bheri phusu wupe eno tileno opelo Israilmi shou ayehkipeu shilupe.

YEKIKITHI ATUGHIU 21:17

David no inikhu, “O Alhou, ozulo kuquve keu hu nike. Timi kihiju wulopi ahza tsukeu hu nike. Akumlhou timi hipaqoye kiu shive kya? AMPEU, iLhou, ni ampi eno nibolomi ghimevelo eno owu timiqo pukhalulo.”

AMUS 7:15

Ikemu ino bherikhemi lakhi shi ake lono AMPEU no ikumla lono ikuluve eno ivilo wuno pawu timi Israil lo akeqo vilo tungkuptsa pilo pike.

Apostolmi 7:46

Paye Alhou lopu shi, eno pano Alhou vilo iniju puzu Jakob Lhou ki lakhi kutotsu nikeu khu.

SAMUEL ATUGHIU 10:1

Tishino Samuel no oliv teli supuchekeu bohu lono Saul tsuqolo lepuku tsuno pa muma eno ishi pi, “AMPEU no pawu timi Israilmi shou ayehkipeu shipenike okisheluvae. Nono pawu timiqo shou ayehpeni eno panongu ghumi launo sushoniae. Hi shi akeuno AMPEU no opelo pawu timiqo ayehkipeu shipeniye akeu michipu shi anike:

SAMUEL ATUGHIU 2:8

Pano kumlhomi amukhu lono sunheqhe eno athokhami pesu avekusa kuxu lono xaqhetsu. Pano kukami pesu panongu kusa pau shitsu eno panoqo pesu akishe agigihu alo qhitsue. Ayeghi boqha ye AMPEU wu ke; tipaqo shouno pano ayeghi kughulhoe.

SAMUEL ATUGHIU 9:16

“Thoghiu hipa ghuloki toike lono ino Benjamin lagha lono ighikemi timi lakhi olau puwu nani; tileno pa pelo Israilmi shou ayehkipeu shikepushi nukishe tsulo eno pano Filistiyami ulono Israilmi xaphelu nani. Ino iwu timiqo ghime ithuluva eno panonguno akukuphu tsulepi igha khu akeu chiluvae.”